YESAYA 7:3 - Allah Wene Fano Wene Hupla Inane

³ A'nogo hilingitukwama Tuhan nen Yesaya ba ikhi logolik, ”Hat hebe inom, hamlogo Syear Yasyub inom he raja Ahas ebe ebekwe i mogo yenggelek oba angwe halogo kwelabe'ma nen ambol fikhit su eil munenhigik kwaterek oba andem werek a'naga hinom ambiasubagaigen lan o.

YESAYA 7:3 ပူးပေါင်းရင်းမြစ်များ

2 RAJA-RAJA 16:1

Hun Pekah at Remalya amlogo a'nogo afuni Yehuda mene inobaget raja menlagaikhe.

2 RAJA-RAJA 18:17

A'nogo lakfisasikhe meneat he, afuni Asyur mene inoe raja Sanherip a'nogo o Lakhis logolik at agoromi tentara esa misik hokho mene logalogo fisasikhesik afuni o Yerusalem mene inoasi wesuageluk lakfisa wagaikhe. Ap tentara esa hokho logalek wagaukwa mene andi re, inogogwi kaindek perwira inebe henagan mene nen woginarek wagaukwa. It andem at ekhe re, tentara inoe panglima mene, nen ekhe re, it kaindek inagai wogisikhi lagaukwa mene inoe, nen ekhe re, raja faget kagalek nikhi lagaukwa mene inoe. It andemen woginarek o kota Yerusalem arat wagaukwasik, inebe i mogo ponggwe higit habuli'mo nen anggwe halogo lakfei wagaukwaba era'lu leimo su sobalhi lagaukwaba andoma welagaukwa.

2 RAJA-RAJA 20:20

At raja Hizkia nen hilingiti lagaikhe mene fenakwe inom, nen aren weim yafi logolik omame aga lagaikhe mene inom, i kalok waganogo i mogoba nen o kota ba kwelabi lagaikhe mene inom, mondogat andoma re buku it ap raja-raja Yehuda mene logolik hilingiti lagaukwa mene palek meneba palek werek.

KELUARAN 7:15

Andi nen he, hat hebe ohealek huberat siakhogo at ebe i Nil ima pugunem hemberek ambi asubagaigen he, lano o. Laga logolik, sige tomuk kisu hilinglari'lago mene a'nogo waluk lambik he, at pugunem elokhoma i esanggoma andoma logoino.

YESAYA 10:21

Afuni Israel mene inebe endebengge nek inendawinggen ineisena Allah Lego Mondok welagarek mene a'nogoba hebelugun.

YESAYA 22:11

hiren i mogo o kota elonggoma pugunet fuluk, i mogo attak meneba yenggel fikhi logogun. Oba nen hit he Allah nen wene attak a'nogo hilingisigin iluk kagalogo fesikhe mene a'nogo re fut figi'lek hilingiti logogun. Nen andi re asuageluk sa nen hilingfikhe nogo iluk ogo futfikhi logogun legat.

YESAYA 36:2

Andi mondogat hilingfesikhesik at ebe o Lakhis logolik he ap sikhe fisogo inap perwira lego mene agoromi tentara esa hokhorogo inom o Lakhis nen o Yerusalem raja Hizkia an na'ma asuagen yagasi lani o iluk lakfisa wagaikhe. Lakfisa wagaikhesik he, it inebe o Penatu yabumo yo eil munenogo wulatarek oba i elesimo mogo yenggele'ma nen wulibisogo lagarek oba horokhogo andoma wagaukwa.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

YESAYA 6:13

It inebe 10 nen mene logogun oba nen ap misik ekhe o kweang andiba logogin halok he eiloak legasiginat. Oba nen he e wein mugusogo lakfugu mene andimiba nen asimit suphogo lagaikherek andi hak, afuni inunggulenu andi mene alinlan ekhe logogun mene re, hobuk An nagainafuri a'luk inebe horek mene logolik enogo logogun mene erorasugun aro,” iluk yaganete.

YEREMIA 22:1

Tuhan nen he an nebe ap raja Yehuda hun Daud ambisangma mene were'ma laluk wene yi at raja inom agoromi pegawai inom afuni Yerusalem werek mene inom yagaisoageluk miminginafi logolik, Tuhan nen it faget ane ikhe mene re yi'nogo ikhe,

ROMA 9:27

Nen wene ekhe Allah nen he, mel isikhe: ”Afuni kweangma mene yoma wene weak-weak inoba mondok fagain andi nen he, afuni Israel en tagongge mene i nebe ial i unggutmo laut hokho yenggelek era'lukwe welagarek andi hangge werek. Meneat he, we, inebe endebat enek telinabigin o,” iluk isikhemo Yesaya nen lisu palogo fesikhe.