YESAYA 3:3 - Allah Wene Fano Wene Hupla Inane

³ sikhe fisogo welagaikharek mene inom, inogogwi ap perwira mene inom, ap kaindek mene inom, negara oba inenu lego werek mene inom, halinafarek mene inom, mondogat woginabigin enek.

YESAYA 3:3 ပူးပေါင်းရင်းမြစ်များ

1 SAMUEL 8:12

It ekhe tentara inebe 1.000 mene inogogwi logouwagaluk menfisigik, it ekhe tentara 50 mene inogogwi logouwagaluk menfisigik, ikhi logogun. A'nogo hilingiti logolik, hinagainafuri ekhe at eabu wokfisikhi logouwagaluk yagaisigik, it ekhe awi yago mene ebe tatik, palhik, ikhi logouwagaluk yagaisigik, it ekhe sige sikhe wutik, kabelhik, ikhi logouwagaluk yagaisigik, it ekhe yi mene ti mene kereta weim yafarek mene faget hilingiti logouwagaluk yagaisigik, ane ning-nanghogo yagaisikhi logogin aro.

HAKIM–HAKIM 8:18

A'nogo hilingitikhesik, hobuk ap Zebah inom, Salmuna inom, mel yagaisasikhe: ”Hiren ap o Tabor en inoatep andi inelokhonggen ningginik mene inoatep,” iluk heinok wogisasikhemo, iren he, ”Inelokhonggen he, hat hinom higit, ap kaindek inenupogot inagainafuri inelokhonggen hangge mene inoato o,” iluk yagatukwa.

ULANGAN 1:15

Andi oba nen hiren hinogogwi yagahisikhi logouwageluk ap inebe miren mene hakhogo inobabut hebelek mene inom, inendawinggen wenggelogo hilingisu hak mene inom, aremnogo re, it inebe 1.000 nen mene inom, it ekhe 100 nen mene inom, it ekhe 50 nen mene inom, ekhe 10 nen mene inomat inunggulenu lombok faget inogogwi logolik ferinarek logouwageluk menfisasigi. Nen, an nen ogo re, it fena inogogwi kaindek ferinarek logogun mene hinunggulenu mondogat faget menfisasigiat.

KELUARAN 18:21

Oba nen he, andi hilingiti logolik he haren ap inebe hebelek mene enogo fisambik iren ap inebe 1.000 nen mene faget inom, 100 nen mene faget inom, 50 nen mene faget inom, 10 nen mene faget inom, inobaget menla'luk lenggalinafi logouwakhogo yagaisano. It inebe re Allahba inailorogo logolik, ane hologo nek hilingitu mene, nen afuni nen at andi elok hilingisu hak iluk anggagarek mene, nen uang inendawimo fanorogo iluk wogisugun helagarek lek mene halok menfisano.

KELUARAN 4:10

A'nogo yagatikhe meneat he, at Musa nen he, ”Eige, Neisena. An he, o attak huli nen yogondak huli nane higithogo igirek le'ma re, hobuk haren yaganesumo nen nane higithogo u elo'lego. An nane mondok ebet-ebet logolik abiweak hilingi'mo re nambe enggin o,” iluk yagatikhe.

AYUB 22:8

Hat hebe halong werek logolik yabu lego meneba hurek logolik he kweang omanogo mondogat telogo helageluk enek hilingiti lagen.

YESAYA 3:2

It inobaget hilingitunem inalong agaikharek mene inom, tentara inom, higithogo pilingitarek mene inom, nabi inom, hobuk wene yi'nogo hilinglasigin iluk agarek mene inom, ap harise mene inom wesagun mene inom,

YESAYA 3:4

A'nogo woginabimbik he afuni ferinarek logouwageluk Tuhan nen yenggerugwi ket sogwe mene menfisilik lamo re ferinarek logolik inendawimo nen anggaluk enek yagaisikhi logogun.

YESAYA 5:13

A'nogo hilingiti lagep andiba re An Nagainafuri wonghogo werek mene andoma ap hele warinarek lagaikharek mene hakhogo woginarek logoin andi. Nen, it ap yagaisagarek mene inom, afuni we mene inom he, inamburu inom, inagai inom, nele nen wa'lasugun.

YESAYA 9:15

Afuni andoma inogogwi ferinarek welagaikharek mene nen he, it inunggulenu andi mene inendawinggen nong-hong isigik wene weak mene yagaisigik, hilingiri'lagwi.