YEREMIA 8:3 - Allah Wene Fano Wene Hupla Inane

³ Andiba re it ap inunggulenu inanini mondok weak mene ari ineluk werek mene re An nen yikwe tikwe telfol isasigimo welagaikharek mene andoma nen he ineluk werek mene faget inabitsek logolik, wa'lagaikharek mene faget enek he inendawirogo logogun. Iluk An Tuhan Nomame Mondok Hokho mene a'nogo nen nane mondogat igi o,” ikhe isikhe.

YEREMIA 8:3 ပူးပေါင်းရင်းမြစ်များ

1RAJA-RAJA 19:4

eisok oba o leimo afuni le'ma andoma ohealek huberen pikhit lagaikhe-lagaikhe o arat hu'mokwe agaikhemo, e enggi talek hokho mene ekhe eroma omanogo kamo i lagaikhesik welagaikhe. Andoma hu'lagaikhesik logolik he, nebe wa'lasigin namolo, iluk endawimo anggasikhesik, eisena Tuhan mel yagatikhe: ”Tuhan neisena. An nebe neluk logogin mondok elo'lego. We, an nebe fano ekhe welagi'lek. Nombalak weak welagaukwa andi hanggeat welagi andi nen he, an neluk wo'nabin o, neisena,” iluk yagatikhe.

YEREMIA 23:3

Oba nen it An nagainafuri mene fena tindelek logogun mene re An nen it huginabi lagain oba andoma nen andogorogo fisa wesigin. It he An nen woginapluk it inanggweang inonggwaregen meneba wesumo re iren tagomangge mene re hokhorogo saga ugun.

YEREMIA 23:8

athe An Allah neluk mondok welagirek mene kweang misik ekhe abel utara fikhiren inom yi awi ti awi telfol isasigi kwe omanogo nen inom woginarek wulibi wesigin mene andi nenuba hombuk palhi logogun o. Ma re it inebe re inonggwarek inanggweang meneba logogun,” iluk ikhe.

YEREMIA 29:14

Eberogo nenat hit he An ninom ambi asugun aro. Hit hinebe yi afuni ti afuni inanggelekwe andoma nen inom, yikwe tikwe telfolhisasigi kwe andoma nen inom, andogorogo kaboget hinobagambik, nekhengge hit hinebe An nen wokhinarek wesimbik he o kweang eroma yoma hinobagai wagik, hinebe hilingik logogun mene halogo hinobagagik, igin o. Iluk An Tuhan nen nane mondogat igi,” ikhe.

YEREMIA 29:28

Ap andi nen he afuni o Babel werek mene inoba yagaisikhi logolik, it inebe aninurogo andoma logogun ili'lagwi. Andiba re afuni andoma nen he inawi wurigik, ineabu helaluk enggen ugu ninggik ili'lagwi. Ma re ap andi re ambele to'mot fogoin o,” iluk lisu palogo lakfesikhe.

YEREMIA 40:12

Andiba re it omanogo o it nalek-falek hilinglagaukwa kwe omanogo herakfuluk he nekhengge o Yehuda ba wagaukwa. Nen hun Gedalya ebere o Mizpa were'ma oba sebesi wagaukwasik, anggur enggen inom enggen ekhe amu mene inom hokho pokhorogo kabogeti lagaukwa.

YEREMIA 44:2

At Tuhan Omame Mondok Hokho mene, Israel mene ineisena Allah a'nogo nen it faget ikhe mene re yi, ”An nen afuni Yerusalem mene inom Yehuda ba nen o kota-kota amukwe omanogo inom oba enggin mene lakfei wagi aple andi re hiren ogo hineilenggen enek hegebat. Yogondak huli nen ogo o kota andoma mondok wolelenggen tagalogo hilingi'mo re afuni welagaikharek legat.

YEREMIA 44:6

Andiba re, An na'mage a'nogo o kota Yehuda ba inom o Yerusalem oba ebekhe kwe andoma inom inoba figi andi. Andoma mondogat he An nen endu nolhimo re, mondogat endu hali nonggo nek kabok lagagunem yogondak hiren ogo hineil hikhi lagep aro.

YEREMIA 6:9

Tuhan Omame Mondok Hokho mene a'nogo nen an noba ane ikhi logolik, ”Israel he ungguloak enek hogol foumo re anggur yabumo enggen mondogat palhunem hilingik hak hilingisogo fagain o. A'nogo hilingisigin andi nen he yogondak linggene we endebat werek andem oba re afuni fena werek mene andem inagap telogo fisani o,” iluk ikhe.

DANIEL 9:7

A'nogo hilingiti lagagu andiba, Haren higithogoat hilingninafendek meneat he, nit ninebe afuni Israel mene mondogat, o yogondak ninenggali hikhi lago yi o. Afuni o Yehuda mene inom, Yerusalem mene inom, nit ninebe Hat hoba lombokhogo welagi'lek hilingiti lagagu andiba, Haren pugulogo o yatkwe la'ninobagai wagaginmo o ekhema-ekhema welago mene ninomat ninenggali hikhi lago, neisena.

IMAMAT 26:33

Hineabu helikhi legep kwe andoma hesangge linisikhi logogun, nen hinawi wurik he we meisalegenek kabok lagakhi logogin. An nen hit hinaiba eroma andoma weim liabumo hit hinailo nen linggi longgo ugun.

AMOS 3:1

Hit hinunggulenu Israel mene inom Yehuda mene inom, hinebe hineisok erokwe lombok o Mesir en wokhinarek wulibi wagaikhe mene hinobaget wene Tuhan nen hinoba fagain mene yagahisoageluk ikhe mene yagahisagain yi, hinesanggo fanorogo holini o:

YUNUS 4:3

Yogondak he Tuhan neisena, an nebe wa'la'le anggikhi lagi o. Neluk werek aple re nabiro,” iluk yagatikhe.

MIKHA 2:3

A'nogo hilingiri'lagwi andiba re Tuhan nen ikhi logolik, ”An nen weak mene hinoba fei wesigin iluk nendawimo wenggelhimo re, hinoba asi wagu halok he, hiren polokhogo wulibu re elo'lek asigin o. Nen, a'nogo asi wesigin sambul andi re, hit hinunggul uan a'luk laga logogun lek.

ULANGAN 30:1

At Musa nen a'nogo yagaisasikhesik, wene ekhe mel yagaisasikhe: ”Yogondak he hineisena Allah nen fanothinabuagaluk wenakhogoin a? At he, homan hinobagauwagaluk wenakhogoin a. Hirenat wenakhobagaigen iluk yagahisigi o. An nen, weak yi'nogo hogoin, ti'nogo hogoin, iluk yagahisigi andi, At Tuhan nen hit hinebe pugulogo afuni inunggulenu hunogoat mene inoba lakhinobagaikhemo it inanggele'ma andoma logolik, weak a'nogo mondogat hikhi logolik he, an nen, Ekhe mene wenakhogoin a, athe ekhe mene wenakhogoin a, iluk yagahisigi mene andi hinendawimo ebesugun o.

ULANGAN 30:4

Hit hinebe a'nogo pugulogo o yi awi ti awi esanggo-esanggo a'lima mondogat lambik logogun meneat he, nineisena Tuhan nen hinebe andogethinabimbik he, hinambotkwe wokhinarek wesigin o.

WAHYU 6:16

A'nogo hinago logolik, tom inom, helep inom, inoba re mel yagaisikhi lagaikha: ”Allah anini ninoba fagain a'nogo arat horok asi waga yoma re, sa hagen endawinggen puk asimbik sebelhaluk logogin anggegep? Elo'lego. Andi nen he, hiren, at kain welagarek obuluk oba werek andi nen elokhe age watnisigik, Domba Eak andi a'mage ninoba fuluk ninoatik, ugun yi re, sanokhogo ninebe sebelninabimbik he, hina'ma hinakninobagani o,” iluk kino yagaisugunem nesanggo holhi o.

WAHYU 9:6

A'nogo hilinginafunem ouen likwano ikhi logolik, ”Ninebe katokhogo wa'la'lo e,” iluk wa'lasuogeluk inonggwaregen yi walhigik ti walhigik ugun mene re, inebe lebekhogo wa'lasugun lek, iluk isikhemo andi nen he, wa'lagi'lek heinet enek watu mondok logogun o.