YEREMIA 7:4 - Allah Wene Fano Wene Hupla Inane

⁴ Hit he aben lalhinafi logolik, ’Yi re o Tuhan Awi wuri'mo, eberogo yi Tuhan awi wuri'mo o,’ nit he ninailo legengge logogun iluk yagahisagarek mene andoma inoba re eberogo angga fugo.

YEREMIA 7:4 ပူးပေါင်းရင်းမြစ်များ

1RAJA-RAJA 9:7

An nen hit nagainafuri Israel mene o wokhisasigiba yoma nen mugisogo wulakhinobagambik he, o An faget hilingitu mondok logogun oba nawi wurogo nobagegen mene yi, nebe welagi'lek herakfisaluk wulibigin o. A'nogo herakhinobagaumo re, afuni ekhe o yi awi ti awi nen hit Israel mene inendawimo seramet hinobagaluk, endo yakhinafi logogun o.

YESAYA 48:2

A'nogo hilingiti logolik meneat he, hiren he nit he o kota horek awi a'nogoba welago mene o, nen afuni Israel mene ineisena Allah a'nogoba tipsek logolik, Tuhan Horek Mondok welagarek iluk agarek mene a'nogoba himbirik welago mene o, iluk wonoget fakhikhi lagep.

YESAYA 59:4

Hiren wene ero lek kwelek hinane hokho a'luk katokhogo hilingiti'legengge aiyo wurogo eneti lagep. Hiren he, hineranhogo wene ikhi logolik, ebe lek mene omanogoba himbirik welagep, hiren ap amu mene alomarogo fisogoin iluk wenggelogo figik, hinaniniba nek hilingitik, hilingitu welagep.

YESAYA 66:1

Nineisena Tuhan nen he mel ikhe: ”Pogot andi An nebe hurek welagirek oba o. Nen, kweang he neisok sebelek welagirek oba. Andi nen he, hiren An nawi ninggi'nogo mene ekhe wurogo nobagagun nogo. Nen, An nebe logouwageluk obalik ninggini'mo ekhe nobagagun?

YEREMIA 28:15

Andoma mondogat he an nen Hananya ba yagatigisik ekhe inomat yagati logolik, ”Hananya ahwi, hat hesanggo holin! Tuhan nen he hat lakhobagai waga fugo. Haren he ap inunggulenu yi inoba heranhogo wene yagaisugu mene omanogo eberogo anggoageluk hilingiten o.

YEREMIA 29:23

Iren weak hokhorogo afuni Israel mene were'ma nen hilingiti lagaukwa mene re; Babi lagik, Tuhan enu igisogo ineranhogo wene fagetik, hilingiti lagaukwa andiba it inoba a'nogo asigin. Iren ikhi lagaukwa mene andoma re Tuhan endawimo anggikherek mene inom agamsek hilingi'mo re, iren hilingiri'lagwi mene inobabut At mondogat elu logolik, it inomame lek hilingisogo fisageluk he At amu nen eilenggen isikhi laga. Iluk Tuhan ane mondogat igi ikhe o,” iluk palogo lakfesigi.

YEREMIA 29:31

Ap Semaya andi faget afuni Israel mene o Babel huginabi lagaukwa mene omanogo inoba wene lakfouwageluk miming nafe. Wene lak fein ikhe mene andi re ebe yi'nogo: ”Semaya nen he at ebe nabi higit agasik hit wene yagahisikhe, oba nen An Tuhan nen mimingitigi le'ma nen o. Aren he hit ane eranhogo wene yagahisugu mene omanogoba fut fouwageluk yagahisikhi logolik,

YEREMIA 6:14

An nagainafuri inoba inoumo werek mene andoma faget it inendawimo nen he inoumo we magengge anggili'lagwi, iren ikhi logolik he, ’Ah legu, mondogat he fano nek welago,’ iluk ili'lagwi. Oba nen eberogo nen he lek oba nen.

YEREMIA 7:14

Enggere, An nawi wurik hiren hinendawinggen himbirik welagep mene, An nen hinombawi inom hit inom wokhisasigiba ari re, An nen attak o Silo ba hilingfesigi andi higit hilingisogo fagain o.

YEHEZKIEL 13:19

Hiren gandum ombo miren mene hakhogo inom nen roti kurik mene inom helouwogeluk, An nagainafuri inelokhoma nenu mondok weagerogo fikhi lagep. Afuni weak hilingitarek lek mene re hiren inoati logolik, weak hilingitarek mene unggum inoba fou mene omanogo re hiren ineluk fisikhi lagep. A'nogo hilingiti logolik hiren An nagainafuri lalinafi lagepma re iren hit hinoba eberogo anggili'lagwi andi o,” iluk ikhe yagaisano, isikhe.

MIKHA 3:11

Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.

ZEFANYA 3:11

Yago nagainafuri e, andem sambul he hiren An nane sagalogo fuluk hilingiti logogun andiba An noba hinenggalirogo hilingiti logogun lego. Afuni winik-wonok agarek mene inom, inendawimo legeisogo fakhagarek mene inom he, An nen mugisogo wulakfisagain o. Hiren he, An nandom mondok hore'ma andoma nen An nane sagalogo fuluk ekhe hilingiti logogun lego.

LUKAS 3:8

Halok he, hinendawimo ebet fuluk, weak hilingiti lagep mene herakfisaluk hinobabut eberogoat hebelaga iluk enegat asuagen higithogo hilingiti logoino o. Nen, hinendawimo nen he, Abraham andi nit nineisena, iluk anggagubo. At Allah nen Abraham againafuri hak hilinglasuageluk helep yoma mene elok hilingisu hagaro, iluk yagahisigi andi.