A'nogo hilingitukwasik, ohealekwe at a'logo manggusa mene a'nogo nen he, agot mel yagatikhe: ”Yogo, hubanggo an nineisena nemberek nogo ogo. O yogondak hubanggo re, hat hemberek nogo ubagaigen he, at obakheindok palasuageluk ekhe hilingisuok aro. A'nogo hilingisumo re, hobuk nit nemberegat nineagwi takhogoin o,” iluk isikhe.
YEREMIA 5:3 - Allah Wene Fano Wene Hupla Inane3 Ibi eberogo nen he Tuhan neisena, Haren it higithogo hilingiti logouwageluk yagaisugu le'ma hangge hilingiri'lagwi. Haren it fut fouwageluk inoati lagen oba nen he iren inobakhe nene hilingiri'lagwi. Haren it lombukhogo hilingiti logouwageluk sebelogo fisikhi lagen, oba nen he iren yanggulninabuak anggili'lagwi lek. It he inendawinggen mondok omamerek logolik inaweak oba nen agam esure inabit mondok werek. အခန်းကိုကြည့်ပါ။ |
YEREMIA 5:3
45 ပူးပေါင်းရင်းမြစ်များ
Raja Yerobeam he aren obabut kwanirogo hilingiti lagaikhe mene omanogo herakfigi'lek hilingitu mondok welagaikhe. Andiba re, aren kembu obaget hilingitukwe wutikhe mene omanogo halhi logouwageluk it imam afuni we hesangge mene ineisok erokwe omanogo nen onggwarek endawimo amolo anggugu mene halok aren heragaisogo menfisikhi lagaikhe.
A'nogo hilingitukwama re, at raja nen he ekhe inomat ap perwira misik ekhe inom he, it agoromi inebe 50 nen inom lakfisasikheat. Lakfisasikhemo lagaukwasik he, at perwira a'nogo punuba lagaikhesik Elia ebe were'ma horokhogo aremnogo asi lagaikhesik eindep awi yagaisogo yagati logolik he, ”Allah amingmingengge ninoe, haren nit ninaweak lek hilingisogo ninobagain o! Nit an ninom, it nagoromi inom ya re, ninoasu fugo, we hendawitninabin o!
A'nogo hilinghinafunem he, hiren yi'nogo ugun: ”Yei noatik, nelokhonggen lambuk lambakhogo noatik, aga meneat he, ou higi lego. Ninggi'nogo hilingninafa he. Nobakheindok palaga o. Eige, nogo neil mondogo. Kiba neluk asigin he, anggur amusu ekhe nele e,” iluk hinobakheindok palogo logolik hinane yugunat a'nogo ikhi logogun aro.
Tuhan nineisena, Hat he it haselei mene unggum wogisagain iluk fouksek welagen oba nen, it he inonggorengge inafe wonghogo werek. Haren hagainafuri faget hendawi hundik hilinginafi lagen mene andoma ineilenggen isaluk he, it inenggali nen yinggil-yinggil kwikhi logouwak. Haren it unggum wogisagain iluk foukhogo fegen mene andiba it inebe mondogat funhogo legasuwak.
Andiba re At a'mage mondok hokhorogo ninoba figik, weim mondok inailo mene yafi logolik, ninoatunem heinet watik, ogorek mene andi re, futfouwagaluk hilingninaferego. Yi mene ti mene endu nen ninggerek andi hak, Allah a'mage nit afuni Israel mene ninoba fikherek andi. A'nogo meneat he, niren wene a'nogo hilingninaferek mene andi re, fanorogo futfigik, yanggulhik, ogorek mondok lego.
Tuhan afuni Israel mene ineisena Omame Mondok Hokho mene a'nogo nen yi'nogo ikhe, ”Hit he hinendawinggen mondogat peterek logolik holhu mene inom hinabit mondok welagep andi nen he o kota yiba inom, o desa-desa esanggo-esanggo haningisogo werek mene andomaba inom yi enggin ti enggin hinoba feigiluk foukhogo figi mene lakfei wesigin o,” ikhe iluk yagaisasigi.
Enggere, haren it inoba yagaisikhi logolik he, Hit hinunggulenu yi re hineisena Tuhan Allah a'nogoba ane hologo hilingisu hinabit hinap welagep. Hit he unggum hinoba fugunem enggin-fenggin hinoba agarek mene omanogo futfikhi lagep lek inap welagep. Tuhan oba tiphogo hilingitu mene omanogo hit inoba mondogat longgo ikhe, nen hinaneba nen ogo At faget ekhe tindelogo yagaisogoin mene welagep legaro,” iluk yagaisano, isikhe.
Yerusalem yei, haren mun weak ina'meilo mene hilingiti lagagin mene andomaba hat hebe emetfakhasigin o. Ma re An nen horogo hobagagin iluk walhikhi lagiba nen, hat mondogat emetlagaginmo a'luk he hilingisu re elo'lek aple ari'logo. Hat hebe oan horogo hilingfakhigi'lek werek kwelek enek he An nanini a'nogo hat hoba fagain huli asigin.
Haren he, Mondok weak mene hinoba fagain, iluk isiginmo, wene Musa nen lisu palogo fesikhe mene andi mondogat nit ninoba fesigin meneat he, niren Hat hendawimo fano asuageluk ekhe hilingiti'lego. Ninobabut weak hilingitorek mene andi herakfisaluk, Haren ebe wene yaganisegendek mene andi higithogo hilingisu ninabirat welago andi, neisena.
An nen ou ero mondok weak mene afuni Mesir mene inoba lakfesigi andi hak, hit hinoba lakfei wagik, hinagainafuri alage mene hinaselei mene inom weim yafi logolik inoasuageluk hilinginafik, it ekhe nen hinanggo kuda inenggi abisak heloageluk hilingitik, hit weim yabuogeluk hinaiba su mene wutep oba andoma An nen ap warek fili amben hinambisang elekwe kwelakhinobagagik, ikhi lagi meneat he, hit hinambotkwe An noba wesu hinabirat welagebo.
Afuni hit mene fenakwe re An nen afuni o Sodom inom, Gomora inom wulil tagalogo legetfisasigi andi hak inebe leget fisigimo, fena ekhe hineluk welagep mene andi, hinebe endu aro endumo nen yegelogo wanharek andi hak welagebo. A'nogo meneat he, hit hinambotkwe sugulogo An noba wesu hinabirat welagep.
An nen he, sogoi aganhan mene hinoba funhogo lakfei wagik, ou ero weak mene afuni inoba lakfei wesu hak, yabukwe yi mene ti mene yago mene inom, anggur yabumo inom, weaget fouwageluk lakfei wagik, igi aro. Nen, hit hinagayo ara inom, zaitun inom yago mene re, pulue nen felelenghogo ninggeat, meneat he, hit hinebe An noba hinambotkwe wesu hinabirat welageb andi, iluk An hineisena Tuhan nenat igi o.
A'nogo hilingi'mo re An nen ebethikhi logolik, ”Yogondak he, An nagainafuri nen An nebe esinet nobagaluk legeisogo nobagakhi logolik An nen wenagisikhi lagi mene omanogo eberogo nen fut fili'lagwi,” iluk anggikhi lagi. Enggere, An nen it inelu asuageluk yagaisikhi lagi mene omanogo eberek werek logou hak. Oba nen he, iren attak weak hilingiti lagaukwa mene re endep hak meneba nen, weak ekhe inom inomamerogo hilingirik lagunem isikhi lagi.
ကြော်ငြာတွေ