YEREMIA 2:9 - Allah Wene Fano Wene Hupla Inane

⁹ Tuhan nen a'nogo ikhesik, wene ekhe againafuri faget mel ikhe: ”Yogondak he An nen wene hit hinoba ekhe fikhi lagi o. Nen hiren tagomangge mene hinombalak andoma inom wene inoba mene ayo wurinabigin aro.

YEREMIA 2:9 ပူးပေါင်းရင်းမြစ်များ

MAZMUR 50:4

Aren againafuri wene inoba figik kotik igiluk, eil werek mene faget he pogot inom kweang inom wolisikherek.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

YESAYA 3:13

Tuhan he, At againafuri omanogo inawene pilingisogo wene inoba figik kotik igiluk mendek logolik fik-foukhogo werek.

YESAYA 43:26

Wene andi eberogo nen iluk ninelu asuogen he, o inanema wanigin oba lambik, Hit eberogoat egep, iluk enegat asuagen he, Yi'nogo isigin anggigi, iluk ebetneano o.

YEREMIA 2:29

Hiren An nebe hinabirat logolik ninom weim palek hanggeat hilingnafi lagep andi nenahalok nogo?

YEREMIA 2:35

hiren ikhi logolik, Nit weak ekhe hilingiti'le'ma re, Allah a'mage ninoba fikhi laga mene a'nogo hobuk a'mage lek aga, iluk ikhi lagep. A'nogo ikhi lagep meneat he, hiren he, Nit weak ekhe hilingiti'lek, iluk fakhogo figi'lek labelhi lagep andi nen, An nen wene hinoba fagain o.

HOSEA 12:3

Tuhan he wene unggulenu Yehuda mene inom werek, Aren it Israel mene ogo it inobabut oba unggum wogisagain. Nen Arenat it inobabut hilingitarek oba ambisangma hilingfisigik igin.

HOSEA 2:2

Tuhan nen ikhi logolik mel isikhe: ”Nagainafuri e. Hinagaisa re an nagwe fuk. Nen, An he at agun legaro. At obabut yanani nilik nikherek mene andi herakfisaluk, obabut hebelasuagen he, hiren komot hano.

HOSEA 4:1

Tuhan he, afuni o yi werek mene inom wene werego. Enggere Israel mene yi sani, Aren ane ikherek mene andoma furogo holhi logoni o, ”O kweang yiba re tiphogo hilingitu mene inom, inendawi hundik hilingitu mene inom werek lek. It afuni oma werek mene nen ogo An Allah iluk eberogo inambeba nen fageri'lagwi mondok legat.

IMAMAT 20:5

An namunegen ap andi ebe inom, agwe againafuri inom lambulogo, afuni at inom seberogo An heraknobagaluk kembu Molokh fogerasugun mene inom wene inoba fagain. Nen, it andi re An nagainafuri mene werek anggagain lek.

MIKHA 6:2

Hit tom inom kweang huli werek mene inom, Tuhan nen wene hinoba hikhibet hisageluk ili'lago mene andi holini o. Allah nen he againafuri Israel mene unggum inoba fagain iluk hilingiri'lago andi.