YEREMIA 10:3 - Allah Wene Fano Wene Hupla Inane

³ It inunggulenu andi mene nen inetokhogo wene melalek were'ma hilingitu hobalhu werek mene andoma ambisangma tip ikherek mene ekhe werek lego. Iren e engga ogoimo nen musi laluk, ap e meneba alik wanhu aple elu meneba re kembu alik waganogo hilingisuageluk ayonggo fagarek.

YEREMIA 10:3 ပူးပေါင်းရင်းမြစ်များ

MAZMUR 115:4

It inandugwi kembu ebe re emas perak mene, afuni inenggi nen hilingitarek mene o.

YESAYA 45:20

Tuhan ane yi'nogo ikhe, ”Hit afuni hinunggulenu hinap hinanggele'ma nen longgo ugun mene andoma hinebe andoget la'luk misi'mo seberogo kabogesi we'ni o. Aben kembu alik waganek mene eba piarogo waluk laluk, kembu inagap telinaferek lek meneba samban ili'lagwi mene andoma re mondok kemburogo hilingiri'lagwi o.

YEREMIA 1:16

An nagainafuri nenat ilah amu mene faget yi mene ti mene wogetik, nen kembu alik-alik waganogo apne wanhi logolik, An noba inambot wo'ne'luk weak hilingiri'lagwi andi nen he, An nen it inoba unggum wogisagain o.

YEREMIA 10:8

It inanggembu dewa andoma re e mene hilingi'mo re fano meneba yanggulinabu lek hak, it andoma mondogat he kemburek logoligen hilingik.

YEREMIA 14:22

Ap inunggulenu mene inanggembu dewa nen he meiso kweangma pelabi wesu lek hak, Nen, pogoren ogore at onggwarek omameba meiso pelabi wesu lek hagat. We Hat hamu nek he nit ninendawinggen hoba eberek welago mene welagenma re, Haren hilingitunem enek he andoma mondogat hilinglagarego.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

YEREMIA 2:5

At Tuhan ane re yi'nogo ikhe: ”It hinombawi lagen he weak ningginik mene An noba were'ma neagasik, iren An li'norogo hilingnobagakhi lagaukwa nogo? Iren tugwi kembu yi'nogo ti'nogo hilingisu elo'lek mene a'nogo murok laga lagaukwba, ambisangma it inonggwaregat nonghong ikhi lagaukwa.

IMAMAT 18:30

Arigini'mo Tuhan nen ikhi logolik, ”Afuni Kanaan mene nen hit o andoma oan kwigi'le'ma hilingiti lagaukwa hakhogo hilingiti logogun lek. Hit he hinonggwaregen hinobabut ariginik mene andi hilingisugun oba emerogo fakhegep hanogore, An nen wene melalek yagahisikhi lagi mene yi fifurogo hilingiti logoni, iluk An hineisena Tuhan Allah nen igi o, iluk ikhe yagaisan,” iluk yagatikhe.

MATIUS 6:7

Halok he, hiren samban ikhi logolik, it afuni endakwe mene nen agarek hak ikhi logogubo. It andi samban ikhi logolik, inendawimo nen he, Uan-awan ikhi lagi andi nen, nineisena pogoroba mene esanggo holigin o, iluk, lithilik-lathilik lagaikharek andi.

KISAH PARA RASUL 19:26

Mene re, yogondak at Paulus andi hilingiri'logo mene, hineilenggen tomok higik, hinesanggo holhik, ikhi lagep. Aren he, afuni inenggi nen su kembu hilingitarek andi re, ebe walhasikhe mene lego, iluk yagaisugunem, afuni hokhorogoaren, wene andi eberogoat, iluk wanha andi, horok o kota Efesus yoma mene nek fuk. O propinsi Asia mondogat hangge wanhama aro.

ROMA 1:21

Allah ebe a'nogo inelu logoligat, iren he: ”Allah ebe Walhasikhe mene aro,” iluk, ebe fogerati'lek, hai wati'lek, welagaukwa. A'nogo logolik he, hunogo mene ebe mene lek meneat he, menenei oba ebeti lagaukwa andi nen, inendawinggen mum agaikhe andi.

1 PETRUS 1:18

Attak he, hinambu hinombalak hilingiti lagaukwa andi hak, it inobabut waganogo legasigin mene faget tulemat alemarogo hilingiti lagagip andi nen, hinenggi hele warek hak were'ma, Allah nen hinebe hinonggo palogo telhinafikhe andi hineluaro. Onggo andi re, legasigin mene emas oba, perak oba hinonggo palhinafikhe fuk.