Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YEHEZKIEL 9:9 - Allah Wene Fano Wene Hupla Inane

9 A'nogo igimo nen Allah nen onggo yaganeti logolik, ”Afuni Israel mene inom, Yehuda mene inom he, weak mondok hokho mene hilingiti lagaikha. Iren o ekhema-ekhekma afuni inoati logolik o Yerusalem yi mondogat weaget faga. Iren ikhi logolik An Tuhan nen o kweang yi re mondogat herakfisigimo re, niren hilingiti lago mene omanogo re eilenggen nisili'lago lego, ili'lagwi.

အခန်းကိုကြည့်ပါ။ ကော်ပီ




YEHEZKIEL 9:9
34 ပူးပေါင်းရင်းမြစ်များ  

At Manasye nen tugwi kembu fogerati lagaikheba it afuni Yehuda mene Tuhan oba weak asuageluk hilingiti logolik andoma re, aren he afuni hokhorogo weak hilingiti'lek kwelek oba nen inebe pinggi inoatikhe mo re, o Yerusalem oba andoma yi kwe ti kwe ap inamep enek hilingik welagaikhe.


Ebe mondok alonghogo re at Menasye nen afuni weak hilingiti'le'ma nen inebe pinggi inoati lagaikhemo re, Tuhan nen he at Manasye aweak hilingiti laga mene andi lek hilingisogo fesikhe lek.


A'nogo werek oba nen haren ikhi logolik he, ”At he nena mene elu a?” At ebe anggulok ambol fikhit andoma were'ma re, Aren nit faget ayo wurogo pilingninabu lek hak,” ikhi lagen.


Iren anggikhi logolik he, ”Allah re mondogat onggot were'ma re fut ninobagali'lago lek, hobuk andoma ogore Aren ekhe nisagain legat!” iluk anggikhi logolik hilingitarek.


Iren ikhi logolik,” Tuhan nen eilenggen nisili'lago lek, At Yakub eisena Allah a'nogo nen he fut ninobagali'lago lek,” Iluk ikhi logolik hilingiri'lagwi andi.


Hit he weak mondok hokhorogo hilingitu welagep andiba re weak anggele'ma kwegepsik welagep andi, hinobabut he nonghongsek logolik hinobaharo mondogat weak. Hiren hineisena Allah Horek Mondok werek mene a'nogo oba fogeratu logou mene a'nogo re hinambot woge'luk hineisena Tuhan a'nogo ninabit iluk herakfisasigip andiba re alomat lakhouwogeluk welagebo.


Ap ekhe nen hilingisigin iluk anggikhe mene Tuhan nen hanogoluk hinakfikhe halok ap andi re alomat lakhoago! Iren anggikhi logolik aben ekhe nisili'lagwi lek athe niren hilingiti lago mene fut ninobagali'lagwi legaro iluk anggikhi logolik a'nogo hilingitarek.


Haren kwanirek mene hilingiti logolik andoma a'ma fano welagi iluk anggikhi lagen, Hat hobabut hilingiti lagen mene andoma re fut fili'lagwi lek anggikhi lagen. Hebelek welagen andiba inom helu mondok welagen andiba inom nonghonget hobagali'lagwi, haren anggikhi logolik he ap amu mene re an higit mene ekhe werek lek anggikhi lagen.


Hit hinasuba mep yugulik andoma re ap hinatunem fakfisugunemen he fuk, athe ap enggi lek mene inom, weak hilingiri'lagwi lek mene inom inameben yugulik werek. A'nogo hilingiti lagep meneat he,


Oba nen, hat Yoyakim he amurek welagen. Hat he honggwarek henggi werek asigin mene nek herati lagen. Haren he ap weak hilingiti'lek kwelek inebe pinggi inoatik, afuni ha'mageba sebelogo fisigik, hilingiti lagen.


It inaselei mene re iren nit sebelogo ninobagakhi logolik a'luk he, it he inalong ari'lagwi. At aweak hokhorogo hilingi'mo re, Tuhan nen at enggin-fenggin hokhorogo hoageluk hilingfili'lago. Afuni at againafuri mene re hele warogo felelenginarek he huginabi lagaikharek oba omanogo fisa lagama werek.


O kweangma mondogat oba weak peak igin, yi kwe ti kwe ap inoatik, inaniniba hilingfisigik, hilingitarek men nek sagarek logogin.


Were'ma Allah nen an noba ikhi logolik, ”Afuni wa'lagaikharek mene yi re, afuni Israel mene melalinafarek mene nen hinak-hinak hilingiri'lagwi mene andoma hegen a? Iren he, An nebe o kweang yiba nen herakfuluk wilife, nen iren hilingiri'lagwi mene andoma An nen nisili'lago lek anggikhi logolik he iren o senggelek tugwi kembu nen enek hoporogo hilingik awi andiba obaget hilingiri'lagwi mene andoma heilenggen isegen a?” iluk ikhe.


Tuhan nen an noba yaganeti logolik, ”Afuni wa'lagaikharek mene yi re, iren hilingiri'lagwi mene andi hikhi lagen a? Ap Yehuda mene yi it weak mondok ina'meilo mene hilingiti logolik afuni inoba inendawirinafarek lek mene andoma inoba re homot fisikherek lego. Iren andoma mondogat he An nawi wuri'mo yoma nen hilingiri'lagwi andiba re An na'mage kwelabi'lagwi. Iren mondok ina'meilo mene andoma hilingiti logolik An sebelogo nobagali'lagwingge andi fogesin!


A'nogo hilingitu kwelek welagen andiba re, weak mene nek hilingiti logolik wene melalek sagalogo mabenet figik, higithogo hilingitarek awene faget omamerati'lek welagik, afuni tiphogo nek hilingitarek mene omanogo sebelogo fisikhi logolik he iren weak hilingitarek mene omanogo omameratu werek andi. A'nogo hilingiri'lagwi andiba re, fano higithogo hilingitarek awene a'nogo hebekhogo re weaget fili'lagwi o.


Linggene andi sambul An nen esage ibilogo re o Yerusalem fasimbik it afuni Yerusalem mene inendawimo nen anggikhi logolik, ”At Tuhan nen he yi'nogo ti'nogo hilingisu lek hak iluk anggigik, inendawimo seramet figik, it inebeba hilingik mene faget higit hilingik welago iluk anggigik, anggagarek mene andoma re wene inoba fisagain o.


kweang pogot elalhikhe huli nen omanggum Habel oe nen amep wulagaisogo watikhe huli nen he, pikhit it ap Allah ane yagaisikhi lagaukwa mene inoarik-inoarik, huli ap Zakharia Allah awi wurik honggolek, at anggo warogo endu noleti lagaukwaba honggolek, tulem amep wulagaisogo watukwa andi huli, inamep pisikhe andi mondogat he, hit afuni yogondak welagep mene yi hinoba fagain o.


An nebe arat wa'lagunem he, it afuni yi inobabut mondok weak asimbik, wene an nen it yagaisigi mene andi, iren he, wene andi nit ninabiro, iluk herakfisogoin andi, an nelu o. A'nogo herakfisikhi logolik, nineisena a'mage lagauwagaluk, wene aren, hilingitup, iluk isikhe mene hilingitunem wene hokho meneat inoba fagain o,” iluk yagaisasikhe.


A'nogo meneat he, hit hinunggulenu yi mene, at oba lombokhogo, logou hinabit welagep, hinebe at againafuri logou hinobabut he, lek. Hinunggulenu yi mene, weagenek hilingiti lagep mene, kwanirogo hilingiti lagep mene.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ