Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YEHEZKIEL 9:2 - Allah Wene Fano Wene Hupla Inane

2 A'nogo ugunem ambine nek ap inebe falfaligen mene inasikhe harogo kwe Tuhan Awi wuri'mo nen abel utara fikhit andoma endakwe fikhiren kwi waga lagaikha. A'nogo kwi wagunem it inom he, ap ekhe asu linen su eil sakhorek meneba laberek mene inom waga logolik, lisu palhu mene ekhe enggimo senegeisogo waga lagaikha. It omanogo kwi wagaikhasik he no mezbah perunggu meneba wuri'mo omanogo mendek welagaikha.

အခန်းကိုကြည့်ပါ။ ကော်ပီ




YEHEZKIEL 9:2
21 ပူးပေါင်းရင်းမြစ်များ  

Oba nen kembu dewa fogeratarek kwe omanogo meisalogo lakfisasikhe le'ma re, it afuni nen he yi mene ti mene omanogo fei laga logolik, amben mene dupa inom noli laga lagaukwa. At Yotam enat he o Tuhan Awi wuri'mo kwe ambe palek abel utara fikhit mene a'nogo wutikhe.


O Tuhan Awi wuri'mo nen Kwe Ambe Hokho Mene Utara fikhit mene andi re at Yotam enat wutikhesik he o Yerusalem en o Ofel ikhi lagaukwaba pa' leget waganogo o a'nogo omamet figik isikhe.


Raja Salomo nen he it ap yabu hilingitu inap omanogo nen warogo nolhuba obalik mezbah a'nogo no perunggu meneba ebe uanhogo ilirenggeti logolik he nunggulik mene re 9 meter oba, nen ligabek menere 4,5 meter oba wusuageluk yagaisasikhe.


Nen, kwe andi elokhoma re, yi mene ti mene Allah faget endu noleti logogun mene ekhe hilingisogo fesikhe. A'nogo hilingisogo fesikhesik, amboloba re, Allah faget wam warogo endu noletik, nenggarek mene ekhe fisigik, isikhe.


An nen he it inunggulenu utara fikhit werek mene inebe mondogaren o Yerusalem sebeli kwi wesuageluk yagaisagain. A'nogo yagaisamo re o kota yiba leget pa'leget maserogo waganek mene inom, kwe sou ambe hokho mene palek mene inom, nen o Yehudaba kota andoma mondogat inom he, iren telogoin.


”An nen he it inunggulenu mene o utara fikhit werek mene inebe mondogat inom, nen An namingmingengge Nebukadnezar raja Babel mene a'nogo inom wolinabigin o. A'nogo wolinabimbik he An nen it andi lirinarek he afuni o Yehuda ba werek mene andoma inom, inunggulenu it inera'lukwe werek mene andoma mondogat inom An nen legaphogo fisambik, mondok-mondogat wolelenggenhogo lakfisagain. Afuni ineilenggen isogoin mene nen he inailo nen inamelmel hikhi logogun. iluk An Tuhan nen nane mondogat igi o,” ikhe.


A'nogo hilingitama re it ap Yehuda mene pemerintah inobaget yabu legoma hilingitarek inap omanogo nen holhasik he, it inebe hun raja awi silimo nen weak-weak wulibi wagaukwasik he o Tuhan awi wuri'mo omanogo nen kwe ambe palek enu Pintu Gerbang Baru ikhi lagaukwaba aremnogo hurek welagaikha.


An Tuhan nen enggin hokho mene weagerinabigiluk abel utara fikhit andoma nen lakfisa wesigin enggere. ebekwe Tuhan andom Sion oba lagaikharekwe yagaisani o, Hinafe morogo were'lek weak-weakhogo lani.


Andi nen Allah ane ap asu linen su meneba laberek mene a'nogoba ikhi logolik, ”Hat hebe kerub a'ma kwimbik he eisok pirim etungge honggole'ma andoma nen endu enggen endebengge ekhe waganogo re, o kota andi bene telfol isilik lan o,” iluk ugunem higi. A'nogo yagatunem he ap a'nogo nen higithogo hilingitunem, an nen fut figi.


Aren enggi higirengge ekhe pisarogo lakfei wagasik, an nunggulmo nesi sen niikhi laga. Andi nen nabi hangge hasigi mene a'nogoba re an nebe Allah Areagun nen wo'narek we tulem sele'ma poma yathogoat nobagai lagaikhesik wo'narek he o Yerusalem Tuhan awi wuri'mo, senggelek elonggoma mene obalik mondok hore'ma a'nogoba kwi lagunem solombonma abel utara fikhit omanogo nobagai lagaikhe. Nen andem he kembu alik hilingik mene Allah anini kwelafarek mene a'nogo welaga.


Andi nen he, ap asu linen su meneba laberek mene a'nogo ambotkwe wagasik Tuhan yagati logolik yi'nogo yagati laga, ”Tuhan nen yi'nogo ti'nogo hilingi'no iluk yaganeten mene a'nogo an nen mondogat hilingiti o,” iluk ikhi laga.


Andi nen Allah Israel ebe ninom welago iluk a'nogo ombak-bak no kerub omanogoba nen yabelanget hasikhemo nen he selek a'nogo obalik werek oba aremnogo nen higilogo re o Tuhan awi wuri'mo ebekhe kwi laguba aremnogo laga-laga. A'nogo lagunem he Tuhan nen ap asu linen su laberek mene a'nogo woletesik yagati logolik,


A'nogo mendek logolik nelokhe liagaisogo were'ma nen he ap misik ekhe asu re yo lenen eil sakhorek meneba ugungge labere'ma omban he emas ebe meneba pukhogo were'ma higi.


A'nogo mendek logolik, at ekhe nen he, at ekhe i elesi fikhit horokhogo mendek welaga mene a'nogoba heinok wokhikhi logolik he, ”Elalin mene hilinglari'lago mene oma re ki huli nen wurep kobok igin nogo?” iluk heinok wokhikhi laga.


Aren yabu a'nogo hilingiti logolik, wene palek werek yi higit hogoat hilingiti logouwak. At ebe An Nonggwarek nawi hulumo hore'ma a'nogo oan kwigi'lek logolik, kume fanorogo wa'luk he, su An nebe eisewerek logolik laberagarek asu andi labeti logouwago. Su andi inebema mene inom, ineiso'ma mene inom, laberaluk he, ban pugetik, unggulasu salhik, ikhi logogun andi ebe mondogat yo linen mene ugu halok labeti logogun o.


Nineisena Tuhan ebe, At faget wam, yi mene ti mene warogo noletarek oba era'lu horokhogo mendek were'ma yethigi. A'nogo logolik, mel yaganete, ”An nawi wuri'mo kweba afuni andogotarek oba andem en abolok uagen he, wuroak hokho telik andi henggi uare'mangge fothan o. A'nogo fothugunem sinukhogo pi waga logolik, afuni inungguloak pagethigik inoasigin. Nen, it ekhe inebe wa'lagi'lek mene halok, An nen weim yafi logolik inoasigin enego. A'nogo inoatu kwelek, it ekhe heise poloksek ineluk wulibugun mondok lego.


A'nogo kwe hurik were'ma re, it malaikat inebe 7 nen inasu mene enu lenan elokhonggen amulit habul-habalengget hikherek mene laberek mene nen sing itarek hak, emas mene inamik oba laberek mene, Allah nen enggi 7 ba afuni weagerinabigin mene waluk wulibi wagaikha yerisigi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ