YEHEZKIEL 7:8 - Allah Wene Fano Wene Hupla Inane

⁸ We horok yogondak yaba nek An nanini mondok hokho mene a'nogo hit hinoba fugunem hogoin. Hit hinobabut hilingiti lagep higithogo An nen ayo wurogo pilinghinabigin. Hiren weak mondok elo'lekhogo hilingiti lagep mene andoma onggore An nen hit hinoba ambisangma hilinghinobagagin weregat.

YEHEZKIEL 7:8 ပူးပေါင်းရင်းမြစ်များ

2 TAWARIKH 34:21

”Nit ninambu-ninomba nen he wene melalek yi'nogo hilingi'no ti'nogo hilingi'no iluk buku yiba palek mene a'nogo higithogo hilingiti lagagu le'ma re Tuhan nen a'mage nit ninoba fikhi laga. Enggere hiren he an nobaget inom, it afuni Israel mene inom, Yehuda mene inom, inobaget he, buku yiba re ninggi'nogo palek werek? Iluk Tuhan oba heinok wani lani o,” iluk lakfisasikhe.

MAZMUR 79:6

Iren he Hat hagainafuri omanogo mondogat leget fisigik, it inebe werek oba mondok wolelenggenhogo figik aga andi nen he, Hat ha'mage re it afuni inunggulenu Hat inonggot mene andi inoba, kweisal isan o. It afuni o kerajaan oba andoma werek mene Hat hoba wene kabogetarek lek mene omanogo inoba kweisal isalan o.

YESAYA 42:25

Andiba re At a'mage mondok hokhorogo ninoba figik, weim mondok inailo mene yafi logolik, ninoatunem heinet watik, ogorek mene andi re, futfouwagaluk hilingninaferego. Yi mene ti mene endu nen ninggerek andi hak, Allah a'mage nit afuni Israel mene ninoba fikherek andi. A'nogo meneat he, niren wene a'nogo hilingninaferek mene andi re, fanorogo futfigik, yanggulhik, ogorek mondok lego.

YEREMIA 36:31

Hat inom, it hat hambisangma mene inom, ap hat ha'ma yabu hilingiri'lagwi mene inom he hiren hinaweak hilingitep mene andomaba An nen unggum hinoba fagain o. Hat hebe inom, nen afuni Yehuda mene inom, Yerusalem mene inomen he An nen hinoba fei wesigin iluk fouget figirik welagi mene a'nogo faget futfikhi lagep le'ma re, An nen he hit mondogat hinoba enggin mene andoma fei wesigin o,” ikhe.

YEREMIA 7:20

An Tuhan Lego Mondok welagirek mene a'nogo nen o wene kabogetu awi yi inom, afuni inoba inom, wam, mene, paik inom, e wilibik meneba inom, kweang oba nen enggen ugu andoma inom, nanini hokho mene a'nogore andoma oba fagain o. An na'mage lagali'lago mene andi re endu wabunak nunggunem nagulu elo'lek agarek andi hak hilingiri'lago o,” iluk ikhe.

RATAPAN 2:17

Tuhan nen a'nogo hilinghinobagagin iluk nit ebesuageluk yaganisikhi laga mene inom, Aren ebete mene inom, a'nogo mondogat hilingite. Nit he endawit ninafi'lek mondogat wolelenggen hogo ninobagaikhesik, nit ninaselei mene re inomanet fisikhe. Nit a'nogo weaget ninobagagunem nisaluk, it ninaselei mene inagaiyek hoageluk hilingfisikhe.

RATAPAN 2:4

Nit At aselei mene hakhogo, Aren asikhe lirik logolik, andok he nit ninebikhit pisinghogo lakfei waga. Ap nit ninendawimo nina'ma lolo kwelafarek mene omanogo re, Aren inebe mondogat inoate. Endu engganggan palogo lagarek hak, Aren o kota Yerusalem yinogo aniniba hilingisogo fikhe.

RATAPAN 4:11

Tuhan a'mage endu amulok higit lagaikherek mene a'nogo o kota Sion oba fikhemo re o andi kweang inom luphogo ningge.

YEHEZKIEL 11:21

Oba nen he afuni inendawinggen tugwi kembu hebak inabe mene andomaba inom, mondok weak kwanirek mene andomaba inom, fogerasuogeluk inagaiyek pinagaiyekhogo hilingiri'lagwi mene andoma re, it inonggwarek inobabut hilingiri'lagwi andiba re An nen unggum wogisagain o,” iluk, Tuhan Lego Mondok welagarek mene a'nogo nen ane mondogat ikhe.

YEHEZKIEL 14:19

Ekhe re An nen ou amben weak mene o andiba lakfei wesigin halok, An na'mage lagaikherek mene andi afuni inom wam inom andoma leget fisa hak.

YEHEZKIEL 16:43

Hat hebe souge oan oba An nen kulhafigi mene a'nogo honggora'luk hilingiti lagen andi faget unggum wokhesigin. Haren An na'mage kwelagaisogo yi weak ti weak mondok hokhorogo hilingiti lagen oba An na'mage lagakhi laga andi. Nenahalok hat hobabut mondok hebak inabe mene hilingiti logolik meneat he hobuk ekhe inomat babi hilingituat welagen nogo? Iluk An Tuhan Lego Mondok welagirek mene a'nogo nen nane mondogat igi o,” ikhe.

YEHEZKIEL 16:59

Tuhan Lego Mondok welagarek mene a'nogo nen ikhi logolik, ”Hat he, hombuk palhigin mene sugwiet figik, An ninom wene wat-wat agagu mene a'nogo taganet figik, isigin andiba re, An nen ogo haren hilingiti lagen andem higithogoat hilinghobagagin o.

YEHEZKIEL 18:30

Tuhan Lego Mondok werek mene a'nogo ane ikhi logolik, ”Yago, hit afuni Israel mene yi sani! An nen he afuni inebe lombok inobabut hilingitarek lombok higithogo ayo wurinabigin o. Hinaweak hilingiti lagep mene mondogat herak fisaluk hinendawinggen hebelini o. Hinaweak fageti'legengge herakfuluk welagep oba hinebe weaget hinabinogo.

YEHEZKIEL 20:13

Oba nen he o leimo ilinga pirimse'ma andoma nen ogore iren An nane sagalha. Iren An nawene melalek omanogo sagal figik, yi'nogo hilingi'no ti'nogo hilingi'no iluk An nen yagaisasigi mene omanogo hologo nek hilingitu mene re ineluk mondok logogun iluk yagaisasigi mene a'nogo sebelogo figik aga. Nen ekhere iren he inenggi Sabat mene a'nogo mondok emerogo faga. Andiba re o leimo ilingage pirimse'ma andoma nen he na'mage it inoba figirik inebe legetfisagain iluk wenggelogo fesigi.

YEHEZKIEL 20:21

Oba nen he it alagendek mene andi nen ogo nane sagalhi logolik wene melalek taganhogo hilingitik, wene yi'nogo hilingi'no ti'nogo hilingi'no iluk yagaisasigi mene andi hologo hilingisugun halok he ineluk mondok logogun isigi mene a'nogo tiphogo hilingiti'legengge welagik, hilingiti lagaukwa. Nen iren he linggene sabat mene a'nogo inom emerogo fikhi lagaukwa. Andiba re o leimo ilingage pirimse'ma andoma nen An nen it inebe mondogat inoasigin iluk An nanini a'nogo fik foukhogo hilingfesigi.

YEHEZKIEL 20:33

An Allah neluk welagi mene Tuhan Lego Mondok welagirek mene nenuba hilingi'mo re, hit hinendawinggen wenggelogo iluk An na'mage lagali'lago mene yagahisak, hit he An nen nobabut haferogo nane omameba yagahisugu were'ma re, An nomame welagirek mene a'nogo hiren ogo hogoin aro. Hit An nen ekhema-ekhema telfol hisagain kwe omanogo nen andogorogo wokhinabimbik hinobagai wesigin o.

YEHEZKIEL 20:8

Oba nen he iren An nane sagalhi logolik, An nane holu aple inabit anggikhi lagaukwa. Iren he tugwi kembu it inebe emetfisikherek mene ilirenggethigik werek mene omanogo hugisare inabit logolik Mesir mene inandugwi kembu omanogoba fogerasuogeluk ogo kamo ikhi lagaukwa legat. It inebe andoma welagaukwaba andem he An nen nanini it inoba fagain iluk mondogat fouget fesigi.

YEHEZKIEL 22:31

Andiba re yogondak An nanini a'nogo it inoba fikhi lagi, nen iren weak hilingiri'lagwi mene andi ambisangma re endu nen legetfisikherek higit An nen it inebe legetfisagain. An Tuhan Lego Mondok welagirek mene a'nogo nen nane mondogat igi,” ikhe.

YEHEZKIEL 24:14

An Tuhan Lego Mondok welagirek mene a'nogo nen nane mondogat igi andi. An nen hilingisigin mene arat horogasi waga. An nen hat haweak hilingiti lagen mene andoma nonggoragik, athe haweak lek hilingisogo hobagagik, nendawi nen nendawi hundik hilinghafik, igin lek. Haren hilingiti lagagin higithogo unggum wokhesigin. Iluk An Tuhan Lego Mondok welagirek mene a'nogo nen nane arat igi,” ikhe.

YEHEZKIEL 30:15

nen at oba nen yi mene ti mene werek mene omanogo mondogat legetfisagain. An nanini a'nogo Pelesium kota Mesir en along palogo pa'leget waganek a'nogoba fagain,

YEHEZKIEL 33:20

A'nogo hilingik kwelek oba nen, it inunggulenu Israel mene nen An nen hilingiti lagi mene faget he higithogo hilingiri'lago lek, iluk agarek. A'nogo agarek oba nen ibi-eberogo nen he An nen it wene inoba figik kotik iren hilingiri'lagwi higithogo hilinginabigin o,” ikhe.

YEHEZKIEL 6:12

It inebe mondogaren An nanini hambu-hamba hilingiti lagi mene andi inelu asugun. Afuni yatkwe huginabi logoin mene re ou inoba aga logolik inebe wa'larik logoin, nen horokhogo logogun mene re sikhe ambisangma nen wa'lasugun, nen fena tindel asimbik logogun mene re sumburu ouwagen wa'lasugun.

YEHEZKIEL 7:27

Raja mene ogore le asiginat, nen at amlogo re endawinggen sebe igin, nen afuni ogore inailo nen inoak leigesugun. Hiren hinobabut hilingiti lagep higithogo An nen unggum hinoba figik, nen afuni inawene pilingisogo ayo wurisikhi lagep hak he An nen ogo hit hinoba ogo ayo wut hinabiginat. Andiba re hiren An Tuhan welagi mene a'nogo hinelu asugun o,” ikhe.

YEHEZKIEL 7:9

An nen hit faget hinelagaik anggigik, nendawi nen hinobagagik igin lek. An nen unggum wokhisagain andi re, hiren weak mondok inabit mene hilingiti lagep andoma faget onggo hilinghinobagagin. Andiba re An nebe Tuhan welagi mene inom, An nen hit unggum wokhisagain mene inom hinelu asugun o,” iluk ikhe.

YEHEZKIEL 9:10

Ma re, An nen it inoba ekhe nendawirinabigin mondok lek. An nen it inoba hilingfisagain mene andem he, iren ogo ap amu mene inoba hilingfisikhi lagaukwa aremnogo higithogoat hilingfisagain o,” ikhe.

YEHEZKIEL 9:8

Afuni a'nogo senfisaluk inoati lagaikha sambul andem he an namunek andoma welagi. A'nogo logolik an neindep awi yagaisogo kweangma sagaumsek logolik mel igi, ”Tuhan Lego Mondok welagen mene neisena, Haren ha'mage lagagunem afuni Israel mene fena ineluk o Yerusalem werek mene omare a'nogo inoati logogin andi a?” iluk yagati.

DANIEL 9:11

Nit afuni Israel mene mondogaren he, Haren, Yi'nogo hilingiti logoino, ti'nogo hilingiti logoino, iluk komotninafigin wene andi ninesanggo hologo hilingiti'lek herakfisaluk, hunogo mene hilingiti lagagu o. Hat hane sagalogo weak hilingiti lagagumo, Haren he, Homan hinobagagin o, iluk hombuk palogo yaganisasigin mene andi hamingmingengge Musa nen lisu palogo fesikhe mene a'nogo ninoba fegenma o.

DANIEL 9:27

Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.

HOSEA 12:3

Tuhan he wene unggulenu Yehuda mene inom werek, Aren it Israel mene ogo it inobabut oba unggum wogisagain. Nen Arenat it inobabut hilingitarek oba ambisangma hilingfisigik igin.

HOSEA 5:10

Tuhan nen ikhi logolik, ”Afuni Yehuda mene inogogwi kaindek en afuni Israel mene inebe inoati logolik, inaiba sebeli kwi wagaikha andi nen he, na'mage mondok het-pet imbik i fu wagarek higit wene inoba lakfagain o.

NAHUM 1:6

A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.

WAHYU 14:10

afuni nen, i inom lek, we anggur enggen amusu nek ale weak mene hinatarek andi hak, Allah a'mage hit endawithinafi'lek, wene ninghogo hinoba fagain o. A'nogo hinoba fembik, nit malaikat Allah faget welagorek mene inom, Domba Eak a'nogo inom, nineilhanem hinebe, endu inom, hendali al hangge amben weak mene enu belerang inom, ninggerek oba andoma lakhinobagaumo heinet watu mondok logogun o.