YEHEZKIEL 7:7 - Allah Wene Fano Wene Hupla Inane

⁷ Yago, hit afuni hinunggulenu kweang yiba welagep mene yoma, hit faget yi wene ti wene mondogat wurep oba asi waga. Yogondak he hiren o tomkwe nen mezbah oba warogo nolhi logolik hinagaiyegeti lagep mene omanogo ekhe werek lek, meneat he we inane nek sagal pagalhikhi logolik welagaikharek mene omanogo nek werek.

YEHEZKIEL 7:7 ပူးပေါင်းရင်းမြစ်များ

KEJADIAN 19:15

A'nogo anggasukwama wagaikhemo, ohealek siakhogo it ap malaikat inebe pire aremnogo nen he, Lot mel yagatukwa: ”Ha'logomi inebe pire yi inom, hagwe inom, afuni o kota yoma mene legetfisikhi logolik hit hinebe inom hinoasi nogo nen he, yoma nen weak-weak heise lani o,” iluk mimingitukwa.

KEJADIAN 19:24

Aremnogoat Allah nen meiso endu mene inom hendali al hangge amben weak mene enu belerang inom o Sodom Gomora pelabi wagaikhe.

YESAYA 13:22

O Babel o silimo nen inom nen ap raja awi silimo nen inom he olomene inom olomene amu mene enu serigala inom inane kouwatunem inane anggungga nek holhi logogun. O weagerogo fagain oba andi re arat horogasi waga. Nen linggene andi re higilogo feilogoin mondok lek mene asi wesigin.” Iluk ikhe ino, isikhe.

YESAYA 16:10

Yabu kweang mondok heiselek welaga mene andi faget yogondak ap misigen iluk ogo ekhe agaiyek werek lek. Anggur yabu andi faget ap ekhe nen fogeratik, wuniba apne wanhik, ekhe ugun lek. I anggur agai hilingisugun iluk ap misigen iluk ogo ekhe perelogo keraligin legat. It inagaiyegen inabunugeri'lagwi mene andoma palfouwageluk an nen arat yagaisigi.

YESAYA 17:14

O hubagunem he iren inailo mondok hokho mene hilinglari'lagwi, nen o wei igiluk ugu kwelek he koma lagaikhaheat longgo ili'lagwi. Andi re afuni mondogat nit ninangge telagarek mene nen hogoin mene ebere a'nogo andi.

YESAYA 22:5

Eberogo nen Tuhan Mondok Lego logolik Omame Mondok Hokho mene a'nogo nen he o Lembah Penglihatan yoma nen nonghong isigik, youk laginafik, inane sagalpagal isigik hilingisigiluk o linggene yiba arat wenagaisogo fikhe. O kota leget pak omamerogo waganek mene omanogo re arat molulukhogo fikhe. Nen, iren lebetnisani iluk inane kweri'lagwi mene omanogo re afuni punukwe welagaikharek mene omanogo nen inane holi'lagwi.

YEREMIA 20:7

Tuhan neisena, Haren an konafi lagenma an konek mene welagi. An nebe mabensek kwelek Hat enek he homame mene hilingik welagenma a'luk he an sebelogo nobagegenma welagi. A'nogo were'ma afuni inebe lombogen ineilenggen nen senggel nabi'lagwi, huberen pikhit hu'mokwe huli li'not nafu mondok werek.

YEREMIA 50:27

At agoromi tentara mene re mondogat inoa'no! It inebe mondogat eil homologo inoa'no! Unggulenu Babel mene re it unggum inoba fagain mene arat horogasi wagama andi nen he alomat lasugun o!” ikhe.

YEHEZKIEL 12:28

Andi faget he it inoba yi'nogo yagaisano, An nen mondogat igi mene andoma sugi agi'lek tiphogo nek hilinglasigin o, iluk An Tuhan Lego Mondok welagirek mene a'nogo nane mondogat igi o,” ikhe.

YEHEZKIEL 7:12

O weak-weagat weri'lago, linggene re horogat asi waga! Ma re afuni mondogat he Allah nen unggum inoba fagainmo re, it onggo wanhu mene inom, hunitu mene inom he, inebe seberogoat ambisangma ekhe saburogoin lek.

YOEL 1:15

O Tuhan awi mondok inali'liphogo hilingisigin oba a'nogo horogasi waga, At Omame Mondok Hokho mene a'nogo nen legetfisagain oba horogat asi waga.

AMOS 4:13

At nineisena Tuhan nenat o tom-tom andoma walhogo figik, sogoi elalhik, isikhesik he, at endawimo anggikherek mene re nit afuni yaganisikherek. Andi nen o linggene inom, hubanggo inom Arenat walhasikhesik, ebe o kweangma yoma yi awi ti awi tom unggul kwe nikherek. Enu re, Tuhan, Allah Omame mondok hokho mene andiat.

1 PETRUS 4:17

Allah nen ninanema waganogo wene ninoba figik, kotik, igin andi arat horogat asi waga. A'nogo hilingiti logolik he, nit Allah againafuri mene tak ninanema waganogo wene ninoba figik, kotik, igin halok, hobuk it afuni ekhe Allah ane fano wene wanhi'lek mene ninggi'nogo hilinginabigin anggegep.