YEHEZKIEL 7:5 - Allah Wene Fano Wene Hupla Inane

⁵ Wene yi re Tuhan Lego Mondok welagarek mene a'nogo nen unggulenu Israel mene inoba ikhe mene re yi, ”Enggin fenggin ekhe wagik-ekhe wagik inoba asi wesigin o.

YEHEZKIEL 7:5 ပူးပေါင်းရင်းမြစ်များ

AMSAL 13:21

It afuni inobabut weak hilingitarek mene andi, weak mene inoba agu mondok welagarek. Nen, it ekhe inobabut fano hilingitarek mene andi, yi mene ti mene helikhi logolik inendawimo inagaiyekhogo nek welagaikharek.

AMSAL 24:16

Andi re ap eberogo hilingiterek mene halok enggi miren oba talorogo pigin oba nen he, hobuk at hebe menlasigin. Oba nen he ap a'mageba weak hilingiterek mene andi re talosimbik hobuk menlasigin lek, it hilingitarek andi onggo inebe alomat lakhogoin.

YESAYA 21:12

Andi nen an nen onggo ikhi logolik he, ”Hubet he wei igin, oba nen he hubasigin oba ogo arat asi waga. Nen, hobuk heinok wanigiluk halok he, wesimbik heinok wani we'no,” iluk yagati.

YEREMIA 19:3

An nen wene andi menfikhi logolik he yi'nogo ino ikhe, ”Yago, hit ap raja o Yehuda ba welagep mene inom, nen afuni Yerusalem oba welagep mene inom yoma sani! Hit he An hineisena Tuhan Nomame Mondok Hokho mene, Israel mene ineisena Allah a'nogo nen nane ikhi lagi mene andi holini o. An nen enggin-fenggin mondok elo'lek mene o kweang yiba lakfei wesumo afuni inesanggo holimbik he youk logoin o.

YEHEZKIEL 5:9

Haren hilingiti lagen mene andoma mondogat he, An nen nabit anggikhi lagi mene hilingiti lagenma re, afuni hat mene andoma inoba re unggum mondok hunogo mene An nen ekhe hilingitirek lek mene, nen hobuk ogo a'nogo ekhe hilingisigin lek mene wogisagain.

YEHEZKIEL 7:12

O weak-weagat weri'lago, linggene re horogat asi waga! Ma re afuni mondogat he Allah nen unggum inoba fagainmo re, it onggo wanhu mene inom, hunitu mene inom he, inebe seberogoat ambisangma ekhe saburogoin lek.

YEHEZKIEL 7:2

”Afuni wa'lagaikharek mene yi re, An Tuhan Lego Mondok welagirek mene a'nogo nen, o kweang Israel mene yiba hilingfagain mene re yi'nogo yi o. O yiba mondogat elugun warogo yi'nogo hilinglasigin,” ikhe.

DANIEL 9:12

Haren he, nit ninogogwi fetninarek welagaikharek mene omanogo ninom yaganisikhi logolik, Afuni o kweangma yi awi ti awi welagaikharek mene andoma mondogat wene weak mene inoba figi'lek enggere, hit afuni o kota Yerusalem mene nek he wene enggin mene hinoba fagain o, iluk isigin higithogoat hilingninafen o, neisena.

YOEL 1:15

O Tuhan awi mondok inali'liphogo hilingisigin oba a'nogo horogasi waga, At Omame Mondok Hokho mene a'nogo nen legetfisagain oba horogat asi waga.

AMOS 3:2

”O kweangma yoma yi afuni ti afuni hokhorogo werek kwelek meneat he, hirenek he An nagainafuri Nonggwaregen wenagaisogo fakhasigi mene hilingi'mo re, hinobabut weak mondok hokhorogo hilingiti lagep andi onggo re hit hinoba eberogo nenat An nen wene hinoba engginhogo fagain o,” iluk ikhe isikhe.

NAHUM 1:9

Iren Tuhan inom weim palek aple nek yi'nogo hilingisugun iluk agarek mene andoma re, ambisangma higithogo hilinglagarek lek. At Tuhan nen he afuni At aselei mene inoba a'mage fikherek mene andoma re enggi pireba inoasigin lek.

ZEFANYA 1:18

Linggene mondok elalin mene andi sambul Tuhan anini fikherek mene a'nogo inukhamo re, it inangge emas inom perak inom omanogo nen inagap telinabigin lego. O kweangma yoma mondogat he At anini nen endu foumo re mondok wolelenggenhogo legasigin. Nen ferekhogoat o kweangma yoma ineluk welagaikharek mene oma mondogat he Aren wokhilik lagain.

MATIUS 24:21

O andi sambul weagat asigin andi re, omanggum Allah nen yi mene ti mene elalhikhe andi huli nen pikhit, o yogondak ya huli re, andi hangge ekhe hilinglagi'lek. Nen, hobuk ekhe mondok hilinglasigin lek meneat he, misik sambul faget andiat weak hokho hilinglagunem hogoin o.

ULANGAN 32:35

Iren hilingita onggo, wene inoba fembik, inebe inoasigin, Inenggi welagi'lek, inebe alomat lasugun, it weagarinabigin oba, horogat asi waga.