YEHEZKIEL 40:4 - Allah Wene Fano Wene Hupla Inane

⁴ Ap andi nen an noba yaganeti logolik, ”Afuni wa'lagaikharek mene yi re, fanorogo holin o, nen ekhe mene ekhe mene an nen hat hoba inuk heagain mene andomare furogo fut feino o. Andi faget an nen hat hebe hondok harek yoma wagi o. Ma re haren mondogat hagain mene andoma re it inunggulenu Israel mene inoba yagaisano o,” iluk yaganete.

YEHEZKIEL 40:4 ပူးပေါင်းရင်းမြစ်များ

YESAYA 21:10

Israel an nunggulenu mene andi re! Hat he, kandum enggen perelharek hak alperel hafi logolik milil-mulelhogo hobagaga. Yogondak he, hat hobaget wene ebe mene At Tuhan afuni Israel mene ineisena Allah Omame Mondok Hokho mene a'nogo nen ugunem holhi mene yagaheti lagi o.

YEREMIA 26:2

Tuhan ane an noba ikhi logolik, ”Hat he An nawi solombonma andoma laluk he afuni Yehuda mene An nobaget hilingisuogeluk weri'lagwi mene andoma inoba hane ino. Haren igin mene iluk An nen yagahesigin mene andoma re mondogat yagaisano. Haren we endebat halok ogo ekhe pelabu fuk.

YEHEZKIEL 2:1

A'nogo hilingi'mo neilenggen higirik, an nebe talorogo kweangma nelokhe sogoum hulambeti. A'nogo hulamberek logolik were'ma nen he, ane ekhe an noba ikhi logolik mel yaganete, ”Afuni wa'lagaikharek mene yi re, hat he An nemberek wene ane ugun enggere menlame o,” iluk yaganete.

YEHEZKIEL 2:3

”Afuni wa'lagaikharek mene yi re, An nen hat hayonggo fembik, afuni Israel mene inobabut An nawe a'ma logou inabiren inombalagen hera'nobagaluk weak hilingiti lagaukwa andi hak, iren ogo a'nogo weak hilingitu mondok werek mene andi inoba lakhobagagin o.

YEHEZKIEL 3:17

”Afuni wa'lagaikharek mene yi re, hat he An nen ap unggulenu Israel mene faget ineyaga logoinogeluk menhobagagi o. Ebeti logouwageluk An nen yagahesigin mene yi yagaisano.

YEHEZKIEL 43:10

A'nogo ikhesik Tuhan ane ekhe inom ikhi logolik, ”Afuni wa'lagaikharek mene yi re, An nawi ari faget afuni Israel mene yagaisan o, nen iren o ari wu'lasigin mene faget fi furogo kumut hoageluk miminginabin o. It inaweak hilingiti lagaukwa mene andoma faget inenggali hoageluk hilingi'no o.

YEHEZKIEL 44:5

andi nen Tuhan nen yaganeti logolik, ”Afuni wa'laikharek mene yi, haren holhi lagen mene inom, hikhi lagen mene andoma inom fani'fanorogo fut feino. An nawi wuri'mo yi hilingiti logogun mene faget wene melalek inom yi'nogo ti'nogo hilingitu mene faget inom hat yagaheti lagi. An nawi wuri'mo sani-sani kwikhi logogun, nen sani-sani kwikhi logogun lek iluk he, lisu furogo palogo fein o.

YEHEZKIEL 47:6

A'nogo hilinglagama re ap andi nen an noba yaganeti logolik, ”Afuni wa'lagaikharek mene yi re, andoma mondogat he fanorogo futfikhi logoin o” ikhe. A'nogo yaganetesik an nebe wo'narek i a'nogo som lagama,

MATIUS 10:27

Nen, an nen hit o mum oba yagahisigi mene, hiren o selek oba ikhi logoino. Nen, hinesanggoma nane samik-samok yagahisigi mene andi, hiren o weinam oba lagaluk he hinane fakhogo yagaisikhi logoino o.

MATIUS 13:9

Hit hinesanggo holugun halok he, furogo holini o,” iluk yagaisasikhe.

1 KORINTUS 11:23

Wene a'nogo hilingiti logogun mene faget, ninoe Enupogoren yaganetikhemo re, an nen hit yagahisasigi andi.

ULANGAN 32:46

mel yagaisasikhe: ”Wene an nen, Yi'nogo hilingiti logoino, ti'nogo hilingiti logoino, iluk yogondak yagahisigi mene andi mondogat hinendawinggenma feino o. Hit hinagainafuri nen wene nineisena Enupogoren, Yi'nogo hilingiti logoino, ti'nogo hilingiti logoino, iluk yaganisasikhe wene andi, at oba lomborogo logolik inaberali legat hilingiti logouwagen he, yagaisikhi logoino o.