YEHEZKIEL 4:4 - Allah Wene Fano Wene Hupla Inane

^4-5 Andi hilingfuluk, hat hebe re habel hare fikhit wengik logoino, a'nogo were'ma An nen Israel mene inaweak andi re hat hoba kweisal fei wesigin. A'nogo hilinghobagaumo re, henggi 390 hari andem oba it inaweak andi faget hat he wengik logolik heinet wati logogin. Haren henggi misik a'nogo wengik logogin andi re Israel mene tahun misik oba unggum wogisagain higithogo.

YEHEZKIEL 4:4 ပူးပေါင်းရင်းမြစ်များ

YEHEZKIEL 4:8

An nen hat hele wathabumo hat hebe endenogo hafe pikhit-fikhiren hare fikhit enden lagik, nen hare fikhiren pikhit-fikhit enden lagik, igi'lek werek kwelek enek o labesi wesugun mene andi wurep oba arat kobok i lagain.

IMAMAT 10:17

”Warogo nolhu mene andi re mondok horek mene werek. Nen, andi re it afuni Israel mene inaweak lek hilingisogo fouwageluk he, Tuhan nen hit wokhisikheba nen nenahalok wam inaweak lek hilingisogo fouwageluk mene andi hit obalik hore'ma nen nenggep lek?

IMAMAT 16:22

Waluk laluk, kambing andi nen he, afuni Israel mene weak hilingita mene mondogat waluk he, o leimo afuni le'ma andoma logouwakhogo, obogisikhi logouwak.

BILANGAN 14:34

Hit o andoma hineil peneti logolik, hinenggi 40 hari welagepsik wagep mene andi, weak hilingiti lagep andi nen wene 40 tahun oba logolik weak hikhi logogun aro. Hinenggi welagep mene andi, misik sambul welagep faget, tahun misigat mene emberek higit aga iluk wenasugun o. Hiren An heraknobagaluk ninom weim kagalhi lagep andi nen, wene hirat hinoba agunem hinelu asigin o.

BILANGAN 18:1

Tuhan ane Harun oba yagati logolik, ”Hat hebe inom, hat hagainafuri inom, ap Lewi mene inomen he, An Nawi sabumo nen weak hilingisugun mene andoma onggo re hikhi logogun. Oba nen he, we hat inom hagainafuri inom enek he it imam en yabu hilingiti logolik weak hilingitu mene andoma ambisangma hikhi logogun enek.

MATIUS 8:17

A'nogo hilingitikhe andi re, at Yesaya Allah ane yagaisikhi lagaikhe mene a'nogo nen lisu palhi logolik he: ”Nit yi ou ti ou wanhorek mene andi aren waganogo legetfisigik, ninomame li'-lek a'luk weak agorek mene andi higitninafik, ikhe o,” iluk isikhe andi higit asuageluk hilingitikhe.

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.

1 PETRUS 2:24

Nit ninobabut weak hilingiti lagagu mene andi, afuni wa'la'luk yi mene ti mene hilingitarek lek andi hak, nit weak mene herakfisaluk, nineluk logolik Allah amolo mene hilingiti logouwageluk, nit weak hilingiti lagagu mene korogo, at Kristus oba fakhasikhemo, ebe eba menogo fuluk watukwa andi. At ebe hit faget oumo agambut telerogo watukwa andiba, hit fanothinafikhe andi.