YEHEZKIEL 38:2 - Allah Wene Fano Wene Hupla Inane

² ”Afuni wa'lagaikharek mene yi re, Gog raja lego mene o Mesekh inom Tubal inom o Magog kweang oba werek mene andi homan fein o.

YEHEZKIEL 38:2 ပူးပေါင်းရင်းမြစ်များ

KEJADIAN 10:2

At Yafet en taginafikhe mene inenu re, Gomer, Magog, Madai, Yawan, Tubal, Mesekh, Tiras inom taginafikhe.

1 TAWARIKH 1:5

Nen Yafet amlogomi re: Gomer inom, Magog inom, Madai inom Yawan inom, Tubal inom, Mesekh inom Tiras inom taginafikhe. It andi re afuni inunggulenu wereginap inenu higithogo ikhi lagaukwa mene omanogo inombawi re andi.

MAZMUR 120:5

An nebere o Mesekh welagi halok inom afuni Kedar mene inanggele'ma andoma welagi halok inom he higirenek o, we an nebe hit ninom seberogo welago andi nen mondok alomarogo fakhikhi lagi o.

YESAYA 66:19

An nen it inanggele'ma andoma enegengge misik ekhe fagain o. Nen, it mene fena we endebengge nek inagap telinabigin. It he An nen yi afuni ti afuni inunggulenu lombok o kweangma yatkwe-yatkwe An nen hilingiti lagi mene holi'lagwi lek mene inom, nen An nebe Lego Mondok logolik Nomame welagirek mene a'nogo ineilenggen hili'lagwi lek mene inom werekwe omanogo lakfisagain o. It logoin kwe andoma re: O Spanyol inom, Libia inom, Lidia inap inasikhe inenggi puk mene werekwe inom, o Tubal inom, Yunani kwe inom, logoin. Lambik iren he An nomame hokho welagi mene a'nogo yi afuni ti afuni inunggulenu lombok inanggelekwe andoma sagarik logoin o.

YEHEZKIEL 2:1

A'nogo hilingi'mo neilenggen higirik, an nebe talorogo kweangma nelokhe sogoum hulambeti. A'nogo hulamberek logolik were'ma nen he, ane ekhe an noba ikhi logolik mel yaganete, ”Afuni wa'lagaikharek mene yi re, hat he An nemberek wene ane ugun enggere menlame o,” iluk yaganete.

YEHEZKIEL 20:46

”Afuni wa'lagaikharek mene yi re, o abel selatan fikhit a'lima yethan. Yethambik he kweang selatan fikhit andi wenagetik, wene hobuk oba hilinglasigin mene yagatik, ino.

YEHEZKIEL 25:2

”Afuni wa'lagaikharek mene yi re, o kweang Amon oba andi homan ikfisan o.

YEHEZKIEL 27:13

Haren Yunani fikhit hunisi lagik, o Tubal inom Mesekh inom oba hunisi lagik, ugunem iren onggo palogo iluk he miminginafu mene inom, yingge-tingge no perunggu meneba elalek mene inom wokhetunem helikhi lagagin.

YEHEZKIEL 32:26

Mesekh inom, Tubal inom ogore andoma werek, ma re it inebe ap sikhe fisogo inap iren mene nen maserogo kwelaginabek werek. It inagap inenggalimo mene pale'lek andi nen weim yafi logolik inoatama wa'lagaikha. It ineluk logolik, afuni inailot fisikhi lagaukwa inaben hilingik.

YEHEZKIEL 38:1

Tuhan ane an noba ikhi logolik,

YEHEZKIEL 38:14

Andi faget he Tuhan Lego Mondok welagarek mene a'nogo nen wene yi at Gog yagasuageluk laknobagai waga, ”An nagainafuri Israel mene inailo legengge fano liokhogo were'ma andem, hat wesimbik pin talogo kwi wesigin.

YEHEZKIEL 38:3

At oba yagati logolik, An Tuhan Lego Mondok welagirek mene andi re at aselei mene welagi o.

YEHEZKIEL 39:1

Tuhan Lego Mondok welagarek mene a'nogo ane ikhi logolik, ”Afuni wa'lagaikharek mene yi re, Gog raja o Mesekh inom, Tubal inom oba andoma enu werek welagarek mene andiba, agut palin o. Nen at oba yagati logolik An yi re hat haselei mene o, iluk yagaom.

YEHEZKIEL 39:11

Tuhan ane ikhi logolik, ”Andem mondogat hilinglasigin sambul he, An nen Gog ebe salugun oba kweang Israel oba andoma wogosigin. Kweang wogosigin oba re tonggo afuni soganisaluk lagaikharek oba Laut Mati abel fena mo lagai wagarek fikhit andoma. Andoma re Gog inom agoromi tentara inom inebe mondok salinabugun. Nen tonggo andi enu re, ’Tonggo Gog agoromi inom esa logalek oba,” iluk ikhi logogun.

YEHEZKIEL 39:6

An nen o Magog kweang oba inom, i esanggokwe andoma inom afuni inendawi hambukhogo welagaikharekwe andoma endu fasigin. Andiba re iren An Tuhan nebe inelu asugun.

YEHEZKIEL 6:2

”Afuni wa'lagaikharek mene yi re, hat he helokhe hebekhogo o Israel tomkwe andoma yetlasimbik he unggum it inoba wogisagain mene hat hoba ikhi lagi mene yi, haren it inoba yagaisa lan o.