YEHEZKIEL 32:2 - Allah Wene Fano Wene Hupla Inane

² Tuhan ane an noba yi'nogo ikhe: Afuni wa'lagaikharek mene yi re, haren ap raja Mesir mene andiba hane omamerogo wenggeluageluk yagaom. An nen wene at obaget ikhi lagi mene yi yaga'no, ”Hat he mene singa ket souge mene hangge it inunggulenu amu mene inanggelekwe andoma nikhi lagen, oba nen hat he buaya i elema nen fesi sogophogo i eil kulabeterek higit hilingiti lagen nen, heisogen he i mondogat weagerogo fikhi lagen.

YEHEZKIEL 32:2 ပူးပေါင်းရင်းမြစ်များ

YEHEZKIEL 29:3

Tuhan Lego Mondok welagarek mene a'nogo nen wene hilingisuageluk ikhe mene yi hat raja Mesir mene yagahesuageluk mimingnafi logolik yi'nogo ikhe, ”An yi re hat haselei mene welagi o, buaya hokho mene i laut obakhe tulem pourek welagen mene yi re. Hat hane nen weregap hikhi logolik i Nil andi an nagai o, an nen elalhigi mene ikhi lagen.

YEHEZKIEL 38:13

It afuni Syeba mene inom Dedan mene inom ap inangge onggo wanhik hunitik agarek mene o Spanyol mene andoma inom hat hoba heinok wok hiikhi logolik yi'nogo ikhi logogun, ”Hat he nenahalok we no emas, perak inom, wam tatarek mene inom yi mene ti mene amungge inom hugul wanhik, henggi abisak teligik ikhi logolik, andoma mondogat hogoukhogo helaluk lageluk haren hagoromi tentara lirinafi lagen nogo? Iluk heinok wokhafi logogun o” ikhe.

YEHEZKIEL 34:18

Hit ekhe hinanggele'ma nen he engga fano mene nek nunggu mene andi faget he hinoba homot lasu lek hak welagep, oba nen he engga hiren ninggi lagep lek mene omanogo hineisogen sebelisikhi lagep! Hit hinagai re eil wurik mene ninggi logolik he, i hiren nunggu lek agai omanogo re ineisogen kulet fisikhi lagebat!

YEHEZKIEL 32:16

Ebeti logouwageluk, mondok omamerogo igi mene yi re, wuni sinurek awuni wulafi logogun. Hemi inunggulenu ekhe mene-ekhe mene amu mene nen wuni andi Mesir inom afuni andoma werek mene inom inobaget fong warogo sinurek awuni ikhi logogun. Iluk An Tuhan Lego Mondok welagirek mene nen nane mondogat igi,” ikhe.

YEHEZKIEL 28:12

”Afuni wa'lagaikharek mene yi re, raja Tirus mene faget le aga logoin o. An Tuhan Lego Mondok welagirek mene a'nogo nen at faget ikhi logolik, ”Hat he afuni mondok fanorogo welagaikharek mene faget ilirengge agagin o, attak hat hebe re mondogat hebelek logolik mondok pigin pugunsek mene welagagin!

YEREMIA 4:7

Mene singga hou salek oba nen wulibi wagarek hak, it afuni inunggulenu lombok weaget inafarek inap a'nogo it Yehuda mene leget fisogoin iluk arat wulibi wagaikhasik weri'lagwi. O kota-kota it Yehuda nen mene andoma re mondogat sinukhogo lobaget fisamo afuni werek lek oba asigin.

YESAYA 27:1

Andi sambul he Tuhan nen enggarok omame mene enggat mondok merengsek mene andi waganogo re no Lewiatan kisu ambolebene pololangerik nikherek mene, mase masengge liaferek mene andi inom, kisu menawe i laut oba werek mene andi inom unggum wogisagain.

YEHEZKIEL 32:18

”Afuni wa'lagaikharek mene yi re, afuni Mesir mene inobaget fong wasin o. It andi re kweangma afuni wa'la'luk lagaikharek oba andoma afuni inunggulenu amukwe mene inomame mondok hokho mene andoma inom seberogo lakfisano.

YEHEZKIEL 27:32

Andi nen iren wuni ap warek salhi logolik agarek awuni ikhi logolik, yi'nogo ugun, ”Tirus yogondak hat he i laut oba nen hane mondogat lek agama re sa hinom ilirengget habu hak?

YEREMIA 9:18

A'nogo ikhemo yagaisigimo re, it afuni Yehuda mene nen he, ”Nit nineil amusu mondok hokhorogo ninelokhonggen ebene lothigik pi wesuagen he, hemi andi le wuni afuni wa'lagunem fong wati logolik le agaikharek mene andi, nit ninouak le asi wesuagaro,” iluk aga.

YESAYA 51:9

Tuhan neisena, hebe heluk a'luk he nit lebetninabin o, Hat homameba ninili wo'ninabin. O attak Haren Rahab al perelogo fesigin sambul a'nogo inom, nen kisu naga laut i agumo welagarek mene talogo watigin sambul a'nogo inom, hilingitigin hakhogo hebe siakhogo menlame o.

AMSAL 28:15

Mene singa nen ane kouwarik lagarek hak, athe no beruang en muginarek lagarek hak, ap weak mene nen ferinarek logolik he afuni inenggi lek inelagaikhogo welagaikharek mene omanogo inoba lalfalhogo hilinginafu welagaikharek andi.

BILANGAN 24:9

It afuni inunggulenu andi mene inebe re, mene olomene enu singa aik anini mene hangge inom, holou mene hangge inom, werek. A'nogo logolik, inelokhe sogoum seralek were'ma sa nen ailo'lek inelugetfisagain anggegep? It afuni ekhe nen it fanorinabugun halok, Allah nen it afuni andi fanorinabigin aro. Nen, it ekhe nen homan fisogoin halok he, Allah nen it afuni andi homan fisagain aro,” iluk isikhe.

KEJADIAN 49:9

Hat he, hobabut mene aik anini mene hangge enu singa oan mene obabut higit welagen. Hobabut he, mene singa paik wa'luk aiba ambotkwe lagarek hak hilingiti lagen. A'nogo weagerinapluk haiba we'luk lagi-lagok ugunem, Hoba menggel habi wesu re, inailo nek werego.

MATIUS 7:24

A'nogo yagaisasikhesik ekhe mel yagaisasikhe: ”Halok he, sa nen, an nane andi esanggo hologo higithogo hilingite halok, aren yi higit hilingisigin o. Ap ekhe endawinggen werek mene nen o helep oba loukhogo wutikhemo,

AYUB 7:12

An nebe re kisu naga inailo mene i laut elema welagarek mene a'nogo hak hilingik welagi nen hea? Haren hundik-handik heil wo'nafu mondok logolik kagalnarek mondok welagen oma ri!

AMSAL 25:26

Ap fano hilingitarek mene andi inomame lega'luk it weak hilingitarek mene inoba sebesugun halok he, i elesi ekhe pogole mondok eil sing meneba nen wiliferek mene inom, nen i mogo yenggele'ma eil weak andi inom emberek higit.

YEREMIA 46:7

I Nil fu waga logolik esanggokwe hetok-hetok lagaikherek hak athe esinggen foinalik laga logolik esanggo kweet seng-seng lagarek hangge andi re sa weri'lago anggegep? Andi re o Mesir mene o. Aren ikhi logolik he, ”An feisakhogo menla'luk kweangma mondogat sebeligiluk wagalagi o. Nen An nen o kota-kota inom afuni inebe inom mondogat leget fisagain o,” ili'logo.

YEHEZKIEL 26:17

Andi nen he iren wuni afuni salinafi logolik agarek awuni hat hobaget yi'nogo ikhi logogun: Kota fogeratu mondok werek awi a'nogo mondogat wolelenggenhogo hilinglaga o! Kapal aren mene omanogo mondogat he i laut en felelengete. Afuni andoma attak he i laut oba andoma inomame hokho mene were'ma, it afuni i aikwe werek mene nen he inailorinafi lagaukwa inap.

YEHEZKIEL 29:15

andi re omame mondogat lek mene o kweangma yoma andi hak mene ekhe werek lek mene. An nen hit mondogat maben mene hilingisogo hinobagaumo hiren hinunggulenu amu-amu mene ekhe melalinafi logogun lek, athe it inelokhoma nen legeisogo fakhikhi logogun legat.

AYUB 41:23

At agap oba lebelek mene ekhe werek mondok lek, nen at ebeba posiemanggen enu baja andi hangge serelasu mondok elo'legat.

AMSAL 30:30

Yi mene ti mene kweangma werek mene oma omame we endep hak oba nen mene singa andi nek he omame mondok hokho mene logolik, amungge faget ailoterek mondok lek andi inom,