YEHEZKIEL 3:9 - Allah Wene Fano Wene Hupla Inane

⁹ Hat he An nen helep uk haroweak andi hakhogo inom, nen no intan wurik weak kengsek welagarek andi hakhogo inom hilingisogo hobagagin enggere, it wene sagalharek inap andi faget hailorinabu fugo,” iluk ikhe.

YEHEZKIEL 3:9 ပူးပေါင်းရင်းမြစ်များ

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YESAYA 41:14

Tuhan nen ikhi logolik, ”Israel ao, hat he hebe yenggerek logolik, homame lek welagen oba nen he, hailosu fugo. An heisena Tuhan nen hat lebethiikhi logogin o, Allah Israel mene ineisena Mondok Horek mene andi re, hat hagap telhafu mene werego.

YESAYA 50:7

Tuhan Allah nen an lebetnafunem a'luk he, an nenggali wari'lagwi lek. An nendawinggen sebel hoageluk he nomamet nobagali'logo, an hobuk nenggali asigin lek, iluk nelu welagi.

YEREMIA 1:17

Yeremia ahwi, hat he fik-foukhogo hilingisin! Hat hebe laluk he An nen yagaisa lan. iluk yagaheti mene andoma mondogat it inoba fakhogo yagaisa lano o. Hat it hinom ambi a'luk hailo ekhe inom asuageluk An nen hilinghobagagi hanogo re hailosu fugo.

YEREMIA 1:8

An he hat ninom welagik, hebe fetharek welagik, hilinghafi logogin enggere haren it inoba hailosu fugo, iluk An Tuhan nane mondogat igi o!” yaganete.

YEREMIA 15:20

An nen hat hebere no perunggu meneba aben inoasi kwi wesinogoluk wutarek a'nogo hakhogo hilinghobagagin o. Iren hat hebe hoasugun iluk hilingiti logogun oba nen he, ap misigen iluk ekhe hat hebe mabenet hobagakhi logogin lego. Nen An nebe re hat hagap telogo hobagagik, nawe a'ma fetharek welagik, ikhi logoigeluk he ninom logogun o.

YEREMIA 17:18

It ap an mu'niugu mene inom, an sebel nobagagu mene inom, andoma Haren inenggali watfisaluk it inoba inailo mene kwelakfisagain logouwak. Oba nen he Tuhan neisena, Haren an noba a'nogo ekhe hilingnobagau fuk. Haren enggin mene andi it inoba fisa wesumo re it inebe mondogat legasugun logouwak.

YEHEZKIEL 2:6

Oba nen he hat afuni wa'lagaikharek mene yi sa, It inobabut an nawe a'ma logou inabit andi nen he, it inebe inom, inane ugunem inom, hailo asu fugo. Hat hebe it andi inobabut he, pimen kwagisugunem aik weak andi hangge inom, panggi alok hokho andi hangge inom, ililim aik palinaferek mene andi hangge inom, inanggele'ma logogin andi nen he, hailo asu fugo.

YEHEZKIEL 3:10

Hobuk ekhe inomat Allah ane ikhi logolik, ”Afuni wa'lagaikharek mene yi re, An nen yi wene ti wene hat hoba yagaheti lagi mene andoma fanorogo fut-fuluk wenggelhi logoin o.

YEHEZKIEL 3:8

Yogondak he An nen harogo hungguloak haro mene hilingisogo hobagaumo re it higirat heil polok mene asigin.

YEHEZKIEL 44:6

Afuni Israel mene it inane sagali'lagwi andoma inoba yagaisano, An he Tuhan Lego Mondok welagi mene hilingik welagimo re it inebe emetlakhoageluk herakfugu aple andi re mondok nabit welagi.

MIKHA 3:8

A'nogo hilingisugun oba nen, an enek he neisena Tuhan nen omame wo'netik, nen Areagun wo'netik ikhemo welagi o. A'nogo wo'netesik, wene futfuluk higithogo hilingitu mene faget inom, nen afuni Israel mene nen weak hilingiri'lagwi mene andoma faget nailo lekhogo inenggali warogo yagaisoageluk inom wo'netemo welagi o.

ZAKHARIA 7:12

It he inendawinggen mondok omamerek logolik were'ma nen enek he inendawinggen mondogat helep aga lagaukwa. Nen an nawene melalek it ap nabi attak welagaukwa mene omanogo inebene nen wogisasigiba nen he hologo hilingiti lagaukwa lek andi nen he An na'mage lagaikhi lagaikhe andi.

1 TIMOTIUS 2:3

At Allah telninaferek mene a'nogo endawimo anggikhi logolik he, ”Yi afuni ti afuni mondogat telinafik, ebe wene furogo inelu asuageluk yagaisigik, agarek mene,” At endawimo amolo anggikherek andi nen he, hit a'nogo ikhi logogun halok he, fano.

2 TIMOTIUS 2:6

Nen, ekhe re, afuni ekhe ineabu heligik, awi yagaisogo set kwalogo hilingiri'lagwi mene andi ebe wurik agunem he, inonggwaregen tak nenggarek andi.