YEHEZKIEL 26:2 - Allah Wene Fano Wene Hupla Inane

² ”Afuni wa'lagaikharek mene yi re, it afuni o Tirus werek mene nen it inagaiyek hokhorogo hilingitik, a'mit sup-sap liafik hilingiti logolik inaneba re Yerusalem a'nogo mondogat wolelenggenhogo hilinglaga o! Yi mene ti mene onggo palhi logolik omame werek awi a'nogo re mondogat longgo ikhe. At he nit ninom walhamo re elo'lego! Iluk ili'lagwi o,” yaganete.

YEHEZKIEL 26:2 ပူးပေါင်းရင်းမြစ်များ

2 SAMUEL 5:11

A'nogo agu kwelek, ap kain raja Hiram en, o Daud aiba istana wusugun mene faget, at Hiram agoromi kaindek mene Daud oba lakfisa waga logolik he, e wombi hangge enu cemara o Libanon mene inom, ap tukang o ebe wusugun mene inom, helep wutu inelu mene inom, lakfisa wagaikhemo wagaukwa.

MAZMUR 35:21

Iren an noba inane hum ngai eti logolik he, Haren hilingiti lagen mene re nit he arat heogo i, ili'lagwi.

MAZMUR 40:15

It ekhe an noasuogoluk hilingiri'lagwi mene andi re Haren inendawinggen nonghonget fisambik, mabenet fisan o. An weak welagi mene faget nawuni wari'lagwi mene andi, inenggali mondok hoagaluk, inambotkwe warogo lakfisan o.

MAZMUR 40:16

Afuni an endo ya'nabi'lagwi mene andoma re inailo mondok a'luk, inenggali asuago.

MAZMUR 70:3

It ap an noasuogeluk ili'lagwi mene andoma re, inomame lek a'luk inendawinggen nonghong heise helaloago. It afuni an nebe nonghonghogo hilingi'mo ineilenggen nealuk alperelogo pela'nabi'lagwi mene andoma re, warogo lakfisamo inenggali asuago.

MAZMUR 83:7

it inunggulenu Edom mene inom, Ismael mene inom, afuni Moab mene inom, Hagar mene inom,

YESAYA 62:10

Afuni Yerusalem mene re kwe sou ambe palekwe omanogo nen wulifi logoni o, afuni sugulogo wagu mene omanogo faget ebekwe yak fisikhi logoni. Ebekwe hokho mene ya'luk he helep wokhigik endakwe wulakfisaluk, inunggulenu ekhe mene ekhe mene omanogo inobaget bendera kelogo liakfilik lani o.

YEREMIA 27:3

Aren ekhe re wene it ap raja-raja Edom, Moab, Amon, Tirus, Sidon inap omanogo inoba yagaisoageluk ikhemo re ap it inayonggo o Yerusalem hun Zedekia ambit wagaukwa mene andoma bene nen yagaisoageluk ikhe.

YEREMIA 47:4

Afuni Filistin mene mondogat leget fisogoin huli arat asi waga, ma re Tirus inom Sidon inomen ekhe leberisogoin lek. An Tuhan nen he ap Filistin mene fena o Kreta ba andoma ineluk logogun mene re legetfisagain.

YEREMIA 49:1

Amon faget Tuhan nen ikhe mene re yi, ”Nenahalok kweang it inunggulenu Gad mene andoma re ap kembu Dewa Milkom fogeratarek mene nen telagasik werek nogo? Afuni Israel mene nen o andoma faget ili u mene re ekhe werek legen a?

RATAPAN 1:1

O attak kota Yerusalem oba anggiluk welagaikhe aiba a'nogo re yogondak mondogat areng tiring-tereng ikhe yi, attak he yi afuni ti afuni inunggulenu lombok inanggele'ma nen at enu nek poksek welaga awi a'nogo yogondak he hemi sogwe higit aga. O kota andi attak he enu lego ratu higit welagaba nen, yogondak he enu sebelek inamingmingengge higit hilinglaga.

YEHEZKIEL 25:10

An nen obogerisamo re it inunggulenu o lei pirimse'ma timur fikhit werek inaben Moab inom Amon inom inomame leget fisamo re, Moab he it inunggulenu salogo logogun lek.

YEHEZKIEL 25:6

Tuhan Lego Mondok welagarek mene a'nogo nen ane ikhi logolik, ”Hit he hinenggi tabeti logolik hinagaiyekhogo wuni wati lagep. Hit hinendawimo nen he kweang Israel mene inanggweang a'nogo seramet fikhi lagep.

YEHEZKIEL 25:8

Tuhan Lego Mondok welagarek mene a'nogo nen ikhi logolik, ”Moab mene nen ikhi logolik Yehuda mene andi re it inunggulenu amu-amu mene higit hilingigo, ili'lago.

YEHEZKIEL 26:1

Tanggal 1 tugi ekhe meneba tahun ogo nalonggop mene were'ma, nit ninebe hele warogo hukninabi lagaukwama logolik oba andem Tuhan ane an noba yaganeti logolik yi'nogo ikhe,

YEHEZKIEL 35:10

Hiren ikhi logolik, Yehuda inom, Israel inom, nen it inanggweang lombok andoma eise re, nit welago ikhi lagep, nen An Tuhan Allah nebe re it ineisena welagiba nen he, hit hinangge asigin andi.

YEHEZKIEL 36:2

It Israel mene inom weim palek mene omanogo nen li'norinafi logolik he yi'nogo ili'lagwi: Tom-tom o attak mene omanogo yogondak he nit mene aga o, ili'lagwi.

YOEL 3:4

Hit afuni Tirus mene inom, Sidon mene inom, afuni o Filistin mene ekhema-ekhema welagep mene mondogaren he, An ninggi'nogo hilingnobagauwogeluk hilingiti lagep nogo? An nen weagethinafi lagagi mene andoma eberek logolik wene onggo noba fouwogoluga? Halok he An nen hit hinonggwarek hinobabut oba wene hinoba fembik onggo lagokhogo weak-weagat weagethinabigin werego.

YOSUA 19:29

Andemen huli-huli hilingik mene a'nogo haningisogo re o Rama nen hiling-hiling o kota Tirus, (o kota andi re leget waganogo kwelabek mene) andoma huli. Andoma nen he huli-hulimo hilingik mene a'nogo haningisogo re o Hosaba nen wurep he i Laut Tengah huli hilingik. Huli-huli werek mene andoma elonggoma re o Mahalab inom Akhzib inom,