YEHEZKIEL 22:2 - Allah Wene Fano Wene Hupla Inane

² ”Afuni wa'lagaikharek mene yi re, hat he o kota ap inoatu mondok welagaikharek aiba andi inawene pilingisogo ayo wurinabigiluk fikfouksek welagen a? Iren ina'meilo mene hilingiri'lagwi mene omanogo inugisano o,” ikhe.

YEHEZKIEL 22:2 ပူးပေါင်းရင်းမြစ်များ

2 RAJA-RAJA 21:16

At Manasye nen tugwi kembu fogerati lagaikheba it afuni Yehuda mene Tuhan oba weak asuageluk hilingiti logolik andoma re, aren he afuni hokhorogo weak hilingiti'lek kwelek oba nen inebe pinggi inoatikhe mo re, o Yerusalem oba andoma yi kwe ti kwe ap inamep enek hilingik welagaikhe.

YESAYA 58:1

Tuhan nen ikhi logolik, ”Hinane omamerogo kwe'ni o! An nagainafuri nen weak hilingita mene faget yagaisani o.

YEREMIA 2:30

An nen komothinafu mene omanogo wanhi'lek werek kwelek we alomarogo hangge unggum hinoba fou hak andi. Mene singa aik anini mene a'nogo nen yi mene ti mene halmakhigik ninggerek hak, hiren ap An nane yagahisagarek mene inebe inoati lagep andi.

YEREMIA 2:34

Hit hinasuba mep yugulik andoma re ap hinatunem fakfisugunemen he fuk, athe ap enggi lek mene inom, weak hilingiri'lagwi lek mene inom inameben yugulik werek. A'nogo hilingiti lagep meneat he,

YEHEZKIEL 11:6

Hiren o kota yiba afuni mondok hokhopokhorogo inoati lagagip oba re, ap warek enek hopo ikhi lagaikhe.

YEHEZKIEL 20:4

Afuni wa'lagaikharek mene yi re, it inawene ayo wurogo pilinginabinogen he mondogat fikfouksek welagen a? A'nogo welagen halok he yogondagat hilingisin o. Haren it inoba inombawi lagen yi weak ti weak elo'lek mene hokhorogo hilingiti lagukwa mene omanogo faget eberisano.

YEHEZKIEL 22:1

Tuhan ane an noba yaganeti logolik, yi'nogo ikhe,

YEHEZKIEL 22:3

Tuhan Lego Mondok welagarek mene a'nogo nen wene yiginik mene yi Yerusalem mene yagaisoageluk mimingnafe, ”Hat he afuni hat mene omanogo inebe hokhorogo inoatik, nen haren kembu puguneten mene omanogo fogeratik, hilingiti logolik hebe emerogo fakhasiginmo re weak hokhorogo hilingitigin o. Andiba re An nen hat hebe yi afuni ti afuni nen inom, Afuni yi kwe ti kwe welagaikharek mene nen inom sebelogo pelakhafik, endo yakhafik, ikhi logouwageluk herakhobagasigi. Enggere hat hawene pilinghafu mene inom, nen hebe heluk werek mene inom he mondogat wurep kobok igiluk werek.

YEHEZKIEL 24:6

Tuhan Lego Mondok welagarek mene a'nogo nen ikhi logolik, ”Kota ap inoa'ni nek hoporek awiba andi re alomat lakhoak! Kota andi re waruk ibetu mene sobalharek lek mene hangge hilingik. Einongge elonggoma werek mene andoma re kurik misiktek higik amu-amu lisogo wulakfei wagunem, palek misik iluk ogo ekhe elonggoma logogin lek.

YEHEZKIEL 24:9

Tuhan Lego Mondok welagarek mene a'nogo nen ikhi logolik he, ”Kota ap wa'ni nen hoporek aiba andi re alomat lakhoak! Endu feigiluk he An namu nenat endu eilem wasigin.

YEHEZKIEL 9:9

A'nogo igimo nen Allah nen onggo yaganeti logolik, ”Afuni Israel mene inom, Yehuda mene inom he, weak mondok hokho mene hilingiti lagaikha. Iren o ekhema-ekhekma afuni inoati logolik o Yerusalem yi mondogat weaget faga. Iren ikhi logolik An Tuhan nen o kweang yi re mondogat herakfisigimo re, niren hilingiti lago mene omanogo re eilenggen nisili'lago lego, ili'lagwi.

HOSEA 4:2

Iren hilingiti logogun anggaluk hombuk pali'lagwi oba nen, ili'lagwi mene higithogo hilingiri'lagwi mondok lek, it he ineranen wene igik, ap inoatik, yogot wanhik, pabi lagik, hilingitunem weak mene omanogo ekhe inom hilinglarik laga logolik, ap watu aple nek ekhe inom inoarik lagu mondok werek.

NAHUM 3:1

O kota afuni inoatik, ineranhogo wene lalinafik, nen afuni inangge hugul helaluk hoporogo fetaluk welagik, agarek awi andi re weagerinabigin o.

MATIUS 23:35

Andi halok he, it ap inobabut higit hilingiti lagaukwa mene, inamep wulagaisogo inoarik wagaukwa andi, huli ero Habel obabut higithogo hilingiti lagaikhe mene oe nen watikhe andiba nen pikhit, huli wurep oba, at Berekia amlogo Zakharia andi Allah awi wurik honggolek, Allah anggo warogo endu noleti lagaukwaba honggolek, tulem watigip andi huli, it mondogat inamep hit hinoba lombok hinenggiba werego.

MATIUS 27:25

it omanogo inane ninghogoat ikhi logolik he, ”At amep andi re, nit ninagainafuri ninomat ninoba logouwago!” iluk yagatukwama re,

LUKAS 11:50

kweang pogot elalhikhe huli nen omanggum Habel oe nen amep wulagaisogo watikhe huli nen he, pikhit it ap Allah ane yagaisikhi lagaukwa mene inoarik-inoarik, huli ap Zakharia Allah awi wurik honggolek, at anggo warogo endu noleti lagaukwaba honggolek, tulem amep wulagaisogo watukwa andi huli, inamep pisikhe andi mondogat he, hit afuni yogondak welagep mene yi hinoba fagain o.

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.

1 TIMOTIUS 5:20

It ekhe inailo asuageluk, it eberogoat weak hilingita mene halok, afuni ineilhanemat inenggali warogo fanorogo komorinafi logoino.