YEHEZKIEL 2:8 - Allah Wene Fano Wene Hupla Inane

⁸ Hat afuni wa'lagaikharek mene yi. An nen hat hoba yagaheti lagi mene andoma fanorogo holin. Hat he it hinom wene sagalhu mene hilinglasu fuk. Hambele anget fuluk he An nen wokhesigin mene ari nan,” iluk ugunem holhi.

YEHEZKIEL 2:8 ပူးပေါင်းရင်းမြစ်များ

MAZMUR 105:28

Nen iren he, At Tuhan nen wene yi'nogo hilingiti logoino ti'nogo hilingiti logoino iluk melalfisasikhe mene a'nogo ane hologo hilingiti lagaukwa. Andi nen At Tuhan nen o kweang a'nogoba mum kiruang tenghogo hilingfesikhe.

YESAYA 50:5

Tuhan nen an wenggelhu mene wo'netunem he, At ane oak sagalogo fuluk At werek oba nen sugulogo laga lagi lek.

YESAYA 8:11

Tuhan ane omamerogo an noba ikhi logolik he, afuni inunggulenu andi mene nen inobabut hilingiri'lagwi andi hak, an nen ogo it inobabut waganogo hilingiti hanogoluk nendawimo eberek logouwageluk,

YEREMIA 13:2

A'nogo yaganetemo re an nen sarung horogengge a'nogo hunisi lagarik labeti.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

YEHEZKIEL 12:2

”Afuni wa'lagaikharek mene yi re, hat hebere afuni unggulenu wene sagalhu mene inanggele'ma welagen. It andi re wene sagalhu mene faget inagaiyek logolik he, ineilenggen werek oba nen he kwelakhili'lagwi lek. Nen inesanggo werek oba nen he holi'lagwi legat andi.

YEHEZKIEL 12:7

A'nogo yaganetemo an nen Tuhan nen wene yaganete mene a'nogo higithogo hilingiti. Linggene andi sambul enek, o linggene werek kwelek, nasungge omanogo su kwalogo foukhogo figirik he, it ap o ekhema higilogo laluk logouwogeluk hilingitarek hakhogo hilingiti. O hubagu kwelek aremnogore, an nenggi nen nawi a'nogo folelek ekhe folel figirik, folelek a'nogo elekwe wilifi. Afuni mondogaren ineilenggen werek kwelek sungge yeligengge a'nogo nomoloba harogo waluk lagi.

YEHEZKIEL 3:10

Hobuk ekhe inomat Allah ane ikhi logolik, ”Afuni wa'lagaikharek mene yi re, An nen yi wene ti wene hat hoba yagaheti lagi mene andoma fanorogo fut-fuluk wenggelhi logoin o.

YEHEZKIEL 33:7

Afuni wa'lagaikharek mene yi, hat he hunggulenu Israel mene faget kagalinarek mene faget iluk An nen menhobagagi. Enggere, ebeti logouwageluk mene yi yagaisan:

YEHEZKIEL 40:4

Ap andi nen an noba yaganeti logolik, ”Afuni wa'lagaikharek mene yi re, fanorogo holin o, nen ekhe mene ekhe mene an nen hat hoba inuk heagain mene andomare furogo fut feino o. Andi faget an nen hat hebe hondok harek yoma wagi o. Ma re haren mondogat hagain mene andoma re it inunggulenu Israel mene inoba yagaisano o,” iluk yaganete.

IMAMAT 10:3

Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.

YUNUS 1:3

Oba nen, at Yunus endawimo nen he, Tuhan herakfisaluk agaiserogo heise o Spanyol yatmaat a'lima lagain, iluk anggasikhe. A'nogo anggasikhesik, o Yofa lagaikhe re, afuni kapal oba o Spanyol louwogeluk ugunem lagaikhe. Lagaikhesik he, kapal a'nogo onggo wogisasikhesik he, elonggoma kwisikhesik, Tuhan herakfisaluk it inom o Spanyol yatma andoma lagain iluk inom lagaukwa.

BILANGAN 20:24

”Hat Harun he, An nen afuni Israel mene o wogisageluk wene warisasigiba andoma kwigin lego. Hit hemberegen i Meriba elesi wulibi wagaikheba andoma nen An nane sagalogo hilingitep a'nogo nen, hat wa'lasigin o.

1 PETRUS 5:3

Allah againafuri kwelaginarek logouwageluk sumburogo wokhisasikhe andi kwelaginarek logolik, hinebe kain hak logolik, set kwil-kwalhogo hilinginafi logogup. We, hit fano hilingitunem ineilenggen hisaluk hinobabut waganogo hilingiti logouwageluk, fano hilingiti logoino.

WAHYU 10:9

iluk yaganetemo, wo'nesuageluk kino oba lagunem he, aren mel yaganete: ”Wanimbik he, nano o. A'nogo nunggunem he, hambema kin amusu hangge enduk fano nagain meneat he, helonggoma pelafunem he, enduk ale weak hilinglasigin a'naga o,” iluk yaganete.