YEHEZKIEL 2:1 - Allah Wene Fano Wene Hupla Inane1 A'nogo hilingi'mo neilenggen higirik, an nebe talorogo kweangma nelokhe sogoum hulambeti. A'nogo hulamberek logolik were'ma nen he, ane ekhe an noba ikhi logolik mel yaganete, ”Afuni wa'lagaikharek mene yi re, hat he An nemberek wene ane ugun enggere menlame o,” iluk yaganete. အခန်းကိုကြည့်ပါ။ |
YEHEZKIEL 2:1
32 ပူးပေါင်းရင်းမြစ်များ
Andi faget he, afuni wa'lagaikharek mene yi sa, o linggene werek kwelek arem he ap hele warogo huginabi lagaikharek mene nen hilingitarek higit hasungge kwalugu mene misik ekheba kwalogo fakhan o. A'nogo kwalogo fakhambik he o oan hubagi'lek werek kwelek ap hele warogo huginabi lagaikharek mene hakhogo hebe weinam hogoat lan o. It afuni wene sagali'lagwi mene andoma ineilenggen kwelakharek werek kwelek he hat haiba andi hobat oba folelek ekhe folel fuluk, anggwe folelekwe andi nen hasungge kwalegengge andi waluk wulibino. Wulibi lambik he hasunggwe andi homoloba harogo re, o hubanggo nek lano. Laga logolik he heilenggen humunogo lamo re kwe hat lagain kwe andi re hagain lek. A'nogo hilingisigin mene andi re inunggulenu Israel mene inebe mondogaren ineilenggen heambik iren fut fogoin logouwak. Andiba re it inonggwaregen fut fakhikhi logolik it andi re afuni wene sagalhu mene welago iluk anggogoin a'naga o,” iluk yaganete.
An Tuhan Lego Mondok welagirek mene a'nogo nen it yagaisagain iluk nendawimo anggikhi lagi mene re yi: Sue rajawali ekhe ebe mondok hokho mene re esi fano mondok hilingi'mo, ogolabi uanse'ma re omame hokho arue welaga. Sue andi tarogo o Libanon tom oba omanogo lagasik he, e laik unggum tekhogo waluk waga,
Oba nen he hat afuni wa'lagaikharek mene yi sa, It inobabut an nawe a'ma logou inabit andi nen he, it inebe inom, inane ugunem inom, hailo asu fugo. Hat hebe it andi inobabut he, pimen kwagisugunem aik weak andi hangge inom, panggi alok hokho andi hangge inom, ililim aik palinaferek mene andi hangge inom, inanggele'ma logogin andi nen he, hailo asu fugo.
Afuni wa'lagaikharek mene yi re, hane afuni inogogwi ferinarek welagaikharek mene oma inoba ikhi logolik he, An Tuhan Lego Mondok welagirek mene nane yi'nogo ikhe iluk yagaisan o, ”Hit he hinailo lek pegengge An nen hit hinoba yi'nogo ti'nogo yagahisoageluk yaganeti lagep ari ambi! An Allah neluk mondok welagi mene nenuba hilingi'mo re, hiren yi'nogo ti'nogo yaganisoageluk kino yaganetu aplere nabitsek welagi! An Tuhan Lego Mondok welagirek mene nen nane mondogat igi andi, ikhe iluk yagaisano,” ikhe.
Ap andi nen an noba yaganeti logolik, ”Afuni wa'lagaikharek mene yi re, fanorogo holin o, nen ekhe mene ekhe mene an nen hat hoba inuk heagain mene andomare furogo fut feino o. Andi faget an nen hat hebe hondok harek yoma wagi o. Ma re haren mondogat hagain mene andoma re it inunggulenu Israel mene inoba yagaisano o,” iluk yaganete.
A'nogo menlagimo malaikat a'nogo nen an noba ikhi logolik, ”Daniel, hat he Allah nen endawi hundik hilinghabi'lago. An he hat hambit wesuageluk lak nobagai wagama wene yi yagahesigiluk wagi enggere hafe hebela'luk menlasimbik he an nen nane igin mene yi fanorogo holin o,” iluk yaganete. A'nogo yaganetu kwelek aremnogo an nebe noak leik-leigenggerik menlagi.
A'nogo agimo nen aren an noba ikhi logolik, ”Allah nen hat endawit habi'lago o. Enggere hat hoba lebelekhogo welagik, hailo agik, u fugo, yogondak weak-weagat homame ame!” iluk yaganete. Aren ane a'nogo ugu kwelek aremnogo re an nebe ekhe inom nomame agunem higirik an nen ikhi logolik, ”Neisena haren an nomame ekhe inom kwelaknobagegen o, enggere neisena haren hane igin anggegen mene andi re, in aro,” iluk yagati.
A'nogo yagatemo re at Gabriel an nelokhe fikhit welagangge a'nogo an nera'lu asi waga. Wagunem an nailo mondok agarik noak leikhogo kweangma hulambeti. A'nogo hulambetimo at Gabriel en an noba yaganeti logolik, ”Hat ap warek hangge mene yi, haren habikanggo hegen mene andi re o wurep kobokhogo hilinglasigin mene faget hegen o,” iluk yaganete.
ကြော်ငြာတွေ