YEHEZKIEL 10:9 - Allah Wene Fano Wene Hupla Inane

^9-10 An ekhe inomat neilenggen hugunemen he it kerub andoma ogore inebe lombok ineisok pirim etu mene andoma re misiktek higik inabelma higit welaga. Roda ebe enggaminogo andem he ebe higitse'ma no permata eil mondok fano amulit yabelanget hugu mene hilingik welaga. Inebe lombok he roda ekhe amu mene tulem andoma tiagansek welaga.

YEHEZKIEL 10:9 ပူးပေါင်းရင်းမြစ်များ

1RAJA-RAJA 7:30

Kereta andem ebe lombok eisok masetungge 4 en aremnogo ogore no perunggu meneba hilingfesikhe, andi nen eisok lego mene aremnogo ogore perunggu meneba nek hilingfesikhe. Kereta andi unggut 4 en aremnogo ebene re waruk ebe agorek mene perunggu meneba agap endakwe fikhit he owil-owilengge ilirenggerogo hilingfesikhe.

YEHEZKIEL 10:8

An nen neilenggen hugunemen he kerub andoma ebe lombok inogolabi a'makwe re ap inenggi hangge hilingik welaga.

DANIEL 10:6

Ebeba re ombak-bak no permata amulit hangge yabelanget hugunem, eilenggen he endu amulok hangge yelang-melang hikhi laga. Enggi inom eisok inom he no tembaga leneba asilong pugunhogo waganek mene hak amulit figik, nen ane re afuni hokhorogo nen ugunem hangge ikhi laga.

WAHYU 21:20

Nen, ombo'ne re, helep obule nomor 5 enu pailuri sepa andi mene waganek. Nen, ombo'ne re, helep obule nomor 6 enu delima andi mene waganek. Nen, ombo'ne re, helep obule nomor 7 enu era'na sempakha andi mene waganek. Nen, ombo'ne re, helep obule nomor 8 enu pirut andi mene waganek. Nen, ombo'ne re, helep obule nomor 9 enu topas andi mene waganek. Nen, ombo'ne re, helep obule nomor 10 enu krisopras andi mene waganek. Nen, ombo'ne re, helep obule nomor 11 enu lasuardi andi mene waganek. Nen, ombo'ne re, ebe wurepma helep obule nomor 12 enu kecubung andi mene wagane'ma higi.