YEHEZKIEL 10:4 - Allah Wene Fano Wene Hupla Inane

⁴ Tuhan ebe were'ma enekhogo iluk he selek no kerub omanogoba nen ombak-bak yabelanget hugunem he o Tuhan Awi wuri'mo ebekhe kwilagukwe a'nogoba higilogo kwi laga-laga. A'nogo kwi lagunem he ambe senggelek hokho mene a'nogoba re selek mondok hilingik welaga.

YEHEZKIEL 10:4 ပူးပေါင်းရင်းမြစ်များ

KELUARAN 40:34

At Musa nen o a'nogo arat wutikhemo nen, hobuk he, ohena Tuhan awi wuri'mo andi sebeli pi we'luk Tuhan ebe andoma were'ma re, o andi o hulu mondogat ombak-bak mondok hokho mene yararet hikhi lagaikhe.

KELUARAN 40:35

Andi nen he, at Musa o andi ku elo'lek aga lagaikhe.

YESAYA 6:1

Tahun hun raja Uzia ebe wa'lagaikhe andiba re, Tuhan ebe takhta mondok fano mene uanhogo wurogo liabek meneba hurek were'ma, asu jubah su a'nogo re o Tuhan Awi a'nogo abirengge salogo were'ma neilenggen higi.

YEHEZKIEL 1:28

a'nogo hilingitunem elokhonggen hunik-hunik uare o meiso nunggunem ohena anggelegelekwe lagaikherek hangge hilingi'mo yethigi. Wene andi re At Tuhan ebe ombak-bak hokho meneba logolik yararet hugunem neilenggen higi menere, andi.

YEHEZKIEL 10:18

A'nogo hilingitunem selek Tuhan ebe werek iluk enekhogo ombak-bak eri'lago mene a'nogo re kwe sou Tuhan Awi wuri'mo kwagarek mene a'nogoba nen herakfuluk, waganogo re kerub omanogo amboloba laga-laga.

YEHEZKIEL 43:2

andem en an neilenggen kwelakhasigi re, Allah Israel mene werek iluk enegenggerogo timur fikhiren selek hokho mene ombak-bak yararet hilik wagunem yethigi. Allah ane re i hokho mene eindep ane hak inom nen Allah aselegen kweangma mondogat ombak-bak etunem lia fiarogo selegeraterek a'nogo hak inom hilingitunem higi.

YEHEZKIEL 43:5

Tuhan Areagun an nebe hambogoisogo wo'narek senggelek elonggoma meneba a'lima nogo kwikhe, wo'narek kwikhemo kugunem en he Tuhan Awi a'nogo re Tuhan ebe werek iluk aselegen huli'liphogo kwelabe'ma higi.

YEHEZKIEL 44:4

Andi nen ap a'nogo nen an wo'narek lagasik kwe abel utara fikhit Tuhan awi wuri'mo obalik hore'ma elokhe fikhit andoma nobagai laga. Lagama re an nen futfikhi logolik, Tuhan awi wuri'mo omanogo kwelakhugunemen he, Tuhan ebe werek iluk enekhogo re selek ombak-bak a'nogo yararet hikhi laga. Ma re, an nelokhe sogoum fogerati,

YEHEZKIEL 9:3

Andi nen Allah Israel ebe ninom welago iluk a'nogo ombak-bak no kerub omanogoba nen yabelanget hasikhemo nen he selek a'nogo obalik werek oba aremnogo nen higilogo re o Tuhan awi wuri'mo ebekhe kwi laguba aremnogo laga-laga. A'nogo lagunem he Tuhan nen ap asu linen su laberek mene a'nogo woletesik yagati logolik,

HAGAI 2:9

An nawi attak wurik welaga mene andi re we harek hak oba nen, ket wusugun mene andi nek he fano mondok logogin, nen, o andi re An nen hit hinendawinggen serogo logobagaigeluk hilingisogo hinobagagik, hit An nagainafuri hinunggulenu yi mene hinoba hinangge sik-pikhogo hilinghinobagagik, igin o,” iluk An Tuhan Nomame Mondok Hokho mene a'nogo nen nane mondogat igi o, yagatikhe.

BILANGAN 16:19

Andi nen he, at Korah nen agaila'lak andogerinafikhesik Tuhan Awi Sabu Solombonma omanogo Musa Harun inom inelokhe kwelabek logolik mendek welagaukwa. A'nogo mendek were'ma nen he ferekhogo aremnogoat it afuni ineilenggen werek kwelegat Tuhan aselek a'nogo ombakbaget hasikhe.

WAHYU 15:8

Wogisugunem, Allah awi wuri'mo Allah omame hokho fogeratarek mene a'nogo re endu so'le higit pete ikhemo, it malaikat inebe 7 omanogo nen afuni weagerinabigin mene a'nogo wurep kobokhogo weagerinafi'lek werek kwelek, afuni ekhe Allah awi wuri'mo andi kwikhi lagaikha isigi mondok lego.