YAKOBUS 5:4 - Allah Wene Fano Wene Hupla Inane

⁴ Hinagoromi hineranenat yabu hilingisuageluk inayonggo fuluk athe, inenggi onggo wogisigi'lek munenikhi lagep andi nen, iren he, ”Ninenggi onggo wo'nisawem!” iluk inane hokhorogo ili'lagwi andi holini! A'nogo hilingiti lagepma it inane andi ninoe Enupogot omame hokho a'nogo esanggo holhesik werego.

YAKOBUS 5:4 ပူးပေါင်းရင်းမြစ်များ

KEJADIAN 4:10

A'nogo yagatikhemo At Tuhan nen he, ”Hat hobabut mondok weak inailo mene hilingiten andi nenahalok? Hat hagot amep kweangma nen, unggulmo fouwageluk ane hokhorogo nenu hombuk pali'logo andi lega?

AYUB 34:28

It inobabut hilingitarek oba re afuni inenggi lek mene omanogo nen inendawi warili'lagwi mene omanogo re At Allah nen esanggo holherek.

AYUB 7:2

It afuni inamingmingengge mene nen nalong palnarek logoilep anggikhi logolik werek higit, nen it ap yabu hilingitu mene nen onggo wo'nesuageluk nenangot hikhi logolik welagarek higit.

MAZMUR 9:12

At Tuhan o Sion oba melalinafi logolik werek mene andi nek fogerati logouwak! Aren elalin hilingiterek mene andoma mondogat he, it afuni inunggulenu lombok welagaikharekwe andoma yagaisilik laga logouwak.

KELUARAN 22:27

Su we misigenek mene hilingi'mo, ebe aganhanhogo iluk, andiba huli'liphogo nogoli'lagonggere, nen hiren at onggwarek wogosugun lek halok, at nogokhi logolik he nenanggeba huli'liphogo nogogin anggegep? Aren lebetnean o iluk An noba ane kwesigin mene andire, An nen elagaik hambik ane nesanggo holigin.

KELUARAN 3:9

Afuni Israel mene Mesir mene nen sebelogo ferinarek weregen le ari'lagwi andi An neilenggen isigik, inane nesanggo holhik, igi o.

YESAYA 1:9

Nineisena Tuhan Omame Mondok Hokho werek mene a'nogo nen endephogo ekhe telninabilep le'ma nen he nit ninebe re afuni o Sodom, Gomora mene Allah nen felelenghogo leget fisasikhe a'nogo higit leget ninobagailep mene welago.

YESAYA 5:7

A'nogo hilingisigin andi re At Tuhan Omame Mondok Hokho mene a'nogo eabu anggur yabu andi re At againafuri Israel mene andiat. Nen At onggwaregen anggur awi yakhikhe mene andi re it afuni Yehuda mene inebeat. Ma re At Tuhan nen anggikhi logolik iren higithogo hilingiti logoilep anggikherek, oba nen kwanirogo nek hilingitu werek, wene higithogo hilingitarek awene andi nek omamet fouwageluk anggikherek oba nen, we afuni weagerogo fisugunem lebetninabuageluk hum-ngaiengge hilingitu werek mene andi nek esanggo holherek.

YESAYA 5:9

An nesanggo holhugunem en he Tuhan Omame Mondok Hokho mene a'nogo nen hombuk palhi logolik, ”O hokho mene wurik oma inom, fanorogo wurik mene oma mondogat inom he foluk arik lagain o.

YEREMIA 22:13

Ap ekhe awi wurikhi logolik higithogo hilingiti'lek wurikherek mene inom wogolhageluk pikhithogo hilingiterek lek mene inom andi re alomat lakhikhi loguwak. Ap yabu hilingisuageluk yagaisalugen onggo wogisagarek lek mene andi re alomat lakhikhi loguwak.

IMAMAT 19:13

Hiren afuni hinom welagep mene, hinane ninghogo wo'nom, iluk lalinafik, inangge telogo heligik, ugun mondok lego. Ap ekhe nen onggo wo'nesuageluk yabu hilinghinobagagun mene andi, inenggi onggo wogisigi'lek sebelogo fuluk hinenggi hup misigat halok ekhe nogo ugun mondok lego.

HABAKUK 2:11

Nen, helep leget waganek mene inom, o langoak pelabek mene inomen inane kweri'lagwi andi ogore, hit homan hinobagakhi logolik kweri'lagwi aro.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

MATIUS 9:37

Endawirinafikhesik he, at agoromi ane wanhi lagaukwa mene omanogo mel yagaisasikhe: ”Enggen ugu hokhorogo werek meneat he, afuni enggen ebe palugun mene inebe endebaro.

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

ROMA 9:29

A'nogo iluk Yesaya nenat wene ekhe attagat mel isikhe: ”Nineisena Tuhan Omame mene a'nogo nen he, iren tagongge mene ekhe herakfisigi'lek mondogat inoati logoilepma re, Sodom hangge agik, Gomora higit agik, ilo o,” iluk Yesaya nen lisu palogo fesikheat.

ULANGAN 15:9

Hiren wenggelu weak mene andi hinendawimo kumo tahun oak wogisagarek oba a'nogo arat horok agama iluk ombalegengge a'nogo oak wogetu aple herak fisogoin andi re fuk. Hiren ap a'nogo ombalegengge wo'nom iluk kino ikhe mene wogosugun lek halok he ap andi nen hineisena Tuhan oba a'nogo hilingita iluk eluet foumo, hit afuni yi kwanirogo hilingitarek mene iluk anggogoin andi re weak.

KOLOSE 4:1

Nen, hit ap inogogwi kaindek mene yi, hit hinendawimo nen he, ”Nirogo, ninoe Enupogot ebe pogoroba werego,” iluk futfuluk he, hinagoromi hinamingmingengge mene andi, yi mene ti mene wogisagarek higithogoat wogisikhi logoino o.