YAKOBUS 4:4 - Allah Wene Fano Wene Hupla Inane

⁴ Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.

YAKOBUS 4:4 ပူးပေါင်းရင်းမြစ်များ

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

MAZMUR 21:8

At raja andi nen he Tuhan Lego Mondok welagarek mene andiba nek eberek mondok werek, at ebe re Tuhan nen endawi hundik mondok hilingitunem he ailo lekhogo fanorogo nek werek.

MAZMUR 50:18

Hiren ap hinatu mene misik ekhe hineilenggen isaluk he, hirogo at ombo'ne laga lagep. Nen hiren ogore afuni yugunat hilingitarek mene hinom misikwe sebeti lagebat.

MAZMUR 73:27

Afuni Hat herakhobagaluk, wulifarek mene andi re, inebe alomat lakhogoin. It afuni andi inobabut he, Hat hoba lombokhogo logou inabit welagaikharek andi nen he, Haren inebe leget fisagain.

YESAYA 57:3

Oba nen he hit hinunggulenu weak mondok hilingiti lagep mene yoma re hinawene katokhogo palhinabuakhogo re we'ni o! Hit he ap hareise nen hilingitarek mene inom, babi hilingitarek mene inom, onggo wo'nisoageluk yanani hilingitarek mene inom he agamsek welagep lek!

YEREMIA 2:2

”Hat hebe afuni o Yerusalem welagaikharek mene inoba lambik he, wene mel yagaisano: Hit afuni Israel mene yi sani. Aben hemi ket iginapluk, inendawinggen hundik welagaikharek andi hak, hit hinebe oan oba nenat An noba lomborogo logolik hinendawinggen An noba hundik were'ma, o leikwe yi mene ti mene awi yago lekwe andoma nombo'ne mondok nikhi lagagip a'nogo hinoba ebeti o.

YEREMIA 9:2

O walkwe lei enek pirimsekwe andoma ap ebekhalem laga logolik nogoguba ekhe were'ma herasilema nen he, an nunggulenu mene agaiserogo lagain iluk it an nunggulenu mene herakfisaluk heise andoma lele. It he ap inabulagam weak mene, tiphogo mel hilingiti'lek esa misik folek logolik,

YEHEZKIEL 16:32

Hat he, Ap agwe ekhe nen ap amu mene inom yanani hilingirik nikherek oba agun weagerogo fikherek a'nogo higit welagen.

HOSEA 3:1

Tuhan nen An yaganeti logolik yi'nogo ikhe: ”Haren, hagwe obabut agun oba lomborogo logou abirengge we yanani nilik nikherek mene andi hobuk oba lan o. Lambik he, An nen afuni Israel mene inebe An hera'nobagaluk, hunogo mene faget, Nineisena ebe yi aro, iluk fogeratarek mene andi fogeratik, anggur enggen puk mene werago tugwi kembu fisugu mene faget inamolo welagik, ugu kwelek meneat he, An nen nendawirinafirek andi hak, haren he andi hendawirasi lan o,” iluk yaganete.

MATIUS 12:39

at Yesus nen he, ”Hit afuni o yogondak welagep mene yoma re, hinobabut weak enek hilingirik nikhi logolik Allah hinom lombokhogo welagep lek mene yoma ri! A'nogo logolik, hiren he, ”Niren futhobagauwogen he, haren elalin mene ekhe hilingisin he,” iluk yaganeti lagep meneat he, an nen elalin hunogoat mene ekhe hilingisigin lego. We, at Yunus Allah ane yagaisikhi lagaikhe mene nen afuni ekhe futfouwageluk elalinat hilingitikhe andi hak enek an nen hobuk ekhe hilingitunem hineilenggen neogoin o.

MATIUS 16:4

Hit afuni o yogondak welagep mene yoma re, hinobabut mondok weak hilingirik nikhi logolik, Allah hinom lomborogo welagi'lek yoma ri! A'nogo logolik, hiren he, ”Niren futhobagauwogen he, haren elalin mene ekhe hilingisin he,” iluk yaganeti lagep meneat he, an nebe futnobagauwageluk an nen elalin hunogoat mene ekhe hilingisigin mondok lego. We, at Yunus nen afuni ekhe futfouwageluk elalinat hilingitikhe andi hak enek an nen hobuk ekhe hilingitunem hineilenggen neogoin o,” iluk a'nogo yagaisasikhesik, it ap omanogo andoma herakfisaluk he, o ekhema lagaikhe.

MATIUS 6:24

A'nogo yagaisasikhesik he, ekhe mel yagaisasikhe: ”Andi hak he, ap misigat mene ap kaindek inebe pire mene inamingmingengge logolik ineabu hilingiti logogun mondok elo'lego. A'nogo logogin halok he, at inamingmingengge andi nen: Neisena ekhe yi fano nendawi. Nen, ekhe andi weak nabit, iluk ikhi logolik he, endawi mene andi emberek lomborogo logolik he, ekhe abit mene andi aberalit fikhi logogin o. Andi hangge, hit he, Allah amingmingengge logolik, uang amingmingengge logogun elo'lego.

LUKAS 19:27

A'nogo yagaisasikhesik he: It ap an ninom inaselei mene hangge hilingninabi'logo ikhi logolik: At andi nit ninoe kain enupogot logogin he ninabit, iluk aga mene andi inebe woginarek wesimbik he, an neilhanem yaat inoasubagaigo, iluk yagaisasikhe,” iluk he, at Yesus nen afuni omanogo yagaisasikhe.

YOHANES 15:19

Hit hinebe afuni kweangma mene logoilepma re, it afuni kweangma mene nen he, it he, nit ninagoromi, iluk inendawinggen hundik hilinghinabilep meneat he, hit hinebe it afuni kweangma mene were'ma wenakhinafigisik wokhinafisigi'mo re, hinebe it mene welagep fuk. Andi nen he, inabit mondok hilinghinabi'lagwi o.

YOHANES 17:14

Hat hane a'nogo it arat yagaisigi. Nen, an nebe kweangma mene fuk, andi hak he it ogo kweangma mene legat andi nen he, it afuni kweangma mene nen inabiret ninobagali'lagwi o.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

ROMA 5:10

Nit attak he, Allah ninom weim palek were'ma re, hobuk at amlogo wa'laga logolik, Allah ninom lambukhogo ninobagaikhemo welago. A'nogo were'ma, at ebe eluk logolik he, telninabigin lek nogo? Attak telninabu lek mene telninafikhesik he, yogondak ninom hundik logolik telninabigin aro.

ROMA 8:7

Afuni inobabut inetogat logolik hilingitarek mene a'nogo oba ebeti logolik, Allah awe a'ma kuluk ane hologo welagaikharek lek andi nen at inom weim palegat werego.

1 KORINTUS 1:20

Afuni inendawimo kagalek mene andi inom, afuni yi wene ti wene ero inelu mene andi inom, afuni wene palhi logolik inane omame agaikharek mene andi inom, we, tulemat werego. At Allah nen he, ”Afuni inawene inendawimo kagalogo agarek mene andi re, afuni inendawinggen wenggelek lek mene nen agarek hak ili'lagwi o,” iluk isikhe lek nogo?

1 KORINTUS 1:21

At Allah endawimo mondok kagalek andi nen he, mel isikhe: ”Afuni kweangma mene nen, inonggwarek inawene kagalogo agarek andi nen he, an nebe inelu asugun elo'lego. We, it ekhe nen wene ebe wene yagaisilik nugunem, it afuni kweangma mene nen anggikhi logolik he, Wene andi afuni kembu mene nen agarek hangge ili'lagwi, iluk ugu kwelegat he, it ekhe nen, wene andi eberogoat, iluk anggogoin mene halok he, an nen telinabigin aro,” iluk oba liok isikhesik onggwaregenat isikhe.

GALATIA 1:10

An nane igi andi re, afuni nen, ”Hat fano egen,” iluk yaganesuageluk ikhi lagi a? Athe, Allah nen, ”Hat fano egen,” iluk, yaganesuageluk ikhi lagi a. Afuni inendawimo fanorogo ikhi lagi halok he, an nebe Kristus amingmingengge igin legaro. Mene re, an Allah endawimo fanorogo ikhi lagi o.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.