YAKOBUS 4:10 - Allah Wene Fano Wene Hupla Inane

¹⁰ Ninoe Enupogot awe a'ma kuluk hinendawinggen sebelogo logogun halok he, aren legeisogo hinobagagin aro.

YAKOBUS 4:10 ပူးပေါင်းရင်းမြစ်များ

2 TAWARIKH 7:14

it An nagainafuri An nenu hombuk palogo agarek mene andoma inendawi sebel fakhigik, samban An noba yaganesi wagik, weak hilingiri'lagwi mene andoma herak figik ugun halok he, An nebe pogoroba nen iren yaganesugun mene andi nesanggo holhi logogin. Holfuluk he An nen it inaweak leget figik, it inaggweang oba nekhengge inangge yi mene ti mene mondogat sik-pikhogo hilingik fisigik, ikhi logogin.

AYUB 22:29

At Allah nen he it afuni wonoget fakhagarek mene re sebelogo fisikherek, oba nen he it afuni sebel fakhagarek mene re inagap telinaferek.

AYUB 5:11

At Allah nen he, afuni sebelek mene legeisogo fisigik, inendawimo weak were'ma, fanorinafik, ikherek.

MAZMUR 113:7

Afuni inenggi lek mene re fesimo wula'lakse'ma andoma nen legeisogo fisili'lago, nen afuni inebe mondogat lebelek a'luk werek mene re wul oba nen menfisili'lago

MAZMUR 147:6

Afuni sebelogo fisagarek mene re Aren legeisogo fisikherek, oba nen he afuni inobabut weak mene re sebelogo kweangma pelaginaferek.

MAZMUR 27:6

Nen yogondak he naselei mene nen nabel fena-fena hobet nea weri'lagwi mene omanogo inoba nen nomame agarik he, nendawimo nagaiyek oba lebetneegen iluk At Aiba andoma nen nane hokhorogo hai wati logolik he, wam warogo noleti logogin. Neisena Tuhan wuniba fogeratu logogin.

MAZMUR 28:9

Tuhan neisena, afuni Hat againafuri mene andoma inagap telinafik, it afuni Hat honggwaregen mene andoma inoba fanot fisigik, in o. Hat hebe it inobaget gembala higit a'luk hundik-handik andoma Haren mondok-mondok kagalinarek logoino.

MAZMUR 30:1

Allah Awi wurik horogo kwe huti logolik wuni watu mene.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

AMSAL 29:23

Ap legeisogo fakhikherek mene andi re hobuk sebelasigin, nen ap obabut sebelek mene re hobuk fogerasugun.

YEHEZKIEL 21:26

An Tuhan Lego Mondok welagirek mene a'nogo nane mondogat igi. Hat he mahkota ugu welagen mene andi korokhogo herakfuluk he hunggulasu puksek welagen mene andi nonggologo hebisigik hilingisin. Yogondak he o obabut mondogat agaumhogo hilinglaga. Yogondak he ap inenggi lek mene legeisogo fisaluk he, it inalonghogo logouwageluk hilingisogo fisan! Ap inalong werek mene andoma re it inonggwarek halogo fakhili'lagwiba andoma nen pelaginabin!

MATIUS 23:12

Ap sa nen onggwaregen, an kain, iluk menlasigin halok he, Allah nen ebe sebelogo inawe a'ma fagain o. Nen, at sa onggwaregen it ekhe inawe a'ma hak logogin halok he, Allah nen ebe legeisogo fagain o,” iluk yagaisasikhe.

LUKAS 1:52

Afuni kaindek inenupogot welagaikharek mene andi sebelogo fisikhi logolik he, it inenu lek mene andi menfisigik,

LUKAS 18:14

It samban a'nogo isukwa andi faget, an wene ekhe yagahisak. Ap sa nen endawinggen legeisogo fakhaluk fogerakhugu halok he, Allah nen sebelfisikherego. Nen, ap sa nen endawinggen sebelfakhaluk, an elo'lek, anggikhe halok he, Allah nen legeisogo fisikherek andi nen he, at ap samban attak ikhe mene andi, Allah nen wene oba mene sebelogo legetfisigi'lek kamo isikhe. Meneat he, at ap samban hobuk isikhe mene andi nek he, Allah nen wene oba mene sebelogo legetfisasikhemo aiba lagaikhe, iluk yagahisigi,” iluk yagaisasikhe.

1 PETRUS 5:6

A'nogoat, Allah nen hobuk hinenuwerek menhinobagauwageluk, yogondak ya hinonggwaregen fogerakhigi'lek, at enggi omame werek mene awe a'ma kuluk hinendawinggen sebelogo logolik hilingiti logoino o.

1 SAMUEL 2:7

Nen, Haren, afuni inenggi lek hilingisogo fisigik, nen inenggi werek hilingisogo fisigik, egendego. nen, it ekhe sebelfisigik, ekhe legetfisigik, egendegaro.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.