YAKOBUS 3:9 - Allah Wene Fano Wene Hupla Inane

⁹ Ninamelinggen andiba nineisena Enupogot Allah fogeratik, afuni at ebe hangge elalinafikhe mene homan fisigik, ogorek andi.

YAKOBUS 3:9 ပူးပေါင်းရင်းမြစ်များ

KEJADIAN 5:1

Hun Adam ambisangma nen ta'larik lagaukwa mene inebe re yi. Attak at Allah nen, he inom ap inom elalinafi logolik, at ebe higit elalinafikhe.

KEJADIAN 9:6

Nen, afuni inebe re, An nebe hangge elalinafigi andi nen he, afuni inoasugun mene andi, it afuni ekhe nen it inoasugun aro.

2 SAMUEL 16:5

A'nogo iluk, at Daud o Bahurim lagaikhe hak he, ap enu Gera, aiba o andoma mene, at Saul eisok erokwe mene, amlogo enu Simei andi, afuni raja Daud inom lagaukwa mene omanogo inoba horokhogo waga logolik Daud homan filik wagaikhe.

2 SAMUEL 19:21

A'nogo yagatunem, Zeruya amlogo Abisai a'nogo nen esanggo holhikhesik he, Daud mel yagatikhe: ”At Simei andi re ap Tuhan nen wenagaisogo fikhe mene oba homan fesikhe agun hilingi'mo re, at ane onggo ebe pinggi wasugun fano,” iluk isikhe.

1 TAWARIKH 29:10

It afuni hokhorogo ineilhanem a'nogo re at raja Daud en Tuhan fogerati logolik he, yi'nogo isikhe, ”Tuhan Allah ninomba Yakub en fogethafi laga mene, neisena. Hat he hundik-handik fogethafu mondok logogun!

1 TAWARIKH 29:20

A'nogo mondogat samban isikhesik, at Daud en afuni hokhorogo andoma kaboksek welagaukwa mene omanogo inoba ikhi logolik he, ”Hineisena Tuhan Allah fogera'ni o! Iluk yagaisasikhemo re, it afuni mondogat a'nogo nen, ineisena Tuhan Allah it inombawi nen apne wanhi lagaukwa mene a'nogo fogeratukwa. Fogerati logolik he, iren At Tuhan legeisogo fikhi logolik iluk inom, at raja a'nogo legeisogo fikhi logolik iluk inom he, ineindep awi yakfesukwasik inelokhe sagaum fogeratukwa.

MAZMUR 10:7

A'nogo anggikhi logolik he, iren afuni homan fisigik, inailo mene kwelafik, ineranen wene lalinafik, agarek. It inane agarek mene andoma re mondok weak mene afuni inoba wusu fuk mene nek agarek.

MAZMUR 108:1

Wuni At Daud awuni.

MAZMUR 145:1

Daud en wuniba Allah fogeratikhe mene. Allah neisena, Hat he Raja an neisena welagenma re an nen legeisogo hobagakhi logogin, Nen Hat hobaget mondok-mondok andoma fogethafu logogin.

MAZMUR 145:21

An he neisena Tuhan fogeratu mondok logogin. Yi mene ti mene eluk werek mene andoma mondogaren he Tuhan enu horek mene andi nek fogeratu mondok logouwak, iluk wuni watikhe.

MAZMUR 16:9

Andi nen he afuni Hat hendawi hundik mene, alomat lasuak anggigi'lek, wa'lasuageluk herakfisigi'lek hilingiti lagen andiba re, an nendawimo nagaiyek anggikhi logolik, wuni wati lagi. Nebe fano logolik, hambukhogo mondok welagi.

MAZMUR 30:12

An fong wati lagi mene a'nogo Haren agamhogo re nagaiyegen hunikhe wanuageluk hilingnobagain, nen Haren he an nelokhe heiselogo welagi mene a'nogo hebekhogo wanhendik he, an noba nagaiyek hokho mene kwelaknobagegen.

MAZMUR 34:1

At Daud eranen ap Abimelekh eilhanem ebe kembu mene hangge hilingiti lagaikhemo, mugusogo ale'ma laga logolik wuni watikhe mene.

MAZMUR 35:28

Andiba re an nen Haren katokhogo nek hilingiti lagen mene omanogo faget fagesi lagik, nen lingge inukhogo Harenek fogethafu welagik, ikhi logogin o,” iluk samban isikhe.

MAZMUR 51:14

Attak telnafiginmo nendawimo nagaiyek hikhi lagagi mene, yogondak nendawimo weak welagi yi nambotkwe fano hilingisogo nobagain o. An nendawimo nagaiyek oba, hane hologo hilingiti logoigen he, nobabut ket mene hilingisogo nobagain o.

MAZMUR 57:8

Neisena Allah, an nendawinggen eberogo nenat Hat hoba tibet figirik welagimo re, an nen Hat hoba nek hai wathafik, wuniba legeisogo hobagagik, ikhi logogin o.

MAZMUR 59:12

It afuni an nunggulenu mene nen inonggot asinogo re, Tuhan neisena, Haren mondogat inoasu fugo. Tuhan Hat hawe a'ma fetninarek welagen mene neisena, it andi re Hat homameba mebenet fisaluk inebe telfol isan o.

MAZMUR 62:4

Ap misik ekhe o hobat molulukhogo asi lagarek andi higit hilingik kwelek, nen leget mondok helelarogo lagarek andi higit hilinglagu kwelek, hit hinebe mondogen he o ki sambul at ebe wasugun iluk nenangot hikhi logogun nogo?

MAZMUR 63:4

Ineluk welagaikharek mene andi re, endebat hangge, mene re, haren hendawit nafendek mene andi nek he, esin mondok hokho andi nen he, an nen hat fogethafi lagi o.

MAZMUR 71:24

Afuni an weaget nobagauwogeluk hilingiri'lagwi mene omanogo mondogat inomame lek agaikhasik inenggali agama re, linggene inukhogo Haren katokhogo nek hilingiti lagen mene andi faget fagetu mondok logogin o.

PENGKHOTBAH 7:22

Ap amu mene inoba haren homan fisegen halok andi re hat honggwaregat helu.

YESAYA 29:13

Tuhan nen ikhi logolik, ”Afuni andi re An noba inendawinggen yatma logoligen it inaneba enek he An foget nabi'lagwi. Iren hilingiri'lagwi mene andoma re afuni inawene melalek omanogo nek eberek logolik hilingiri'lagwi.

MATIUS 26:74

at Petrus nen he, ”Ap andi ebe an nonggoro, Neisena Allah oak! Nera nen igi halok, aren noasuago,” iluk, hombuk palhu kwelek aremnogoat sue ayam ane arat isikhe.

MATIUS 5:44

A'nogo meneat he, an nen wene ekhe yi yagahisak. At nineisena Allah pogoroba mene mo eisewerek logolik kweangma selekhogo afuni inobabut weak mene inom, fano mene inom, mondogat faget yaginafik, nen, meiso pelakfei wagarek andi re, it higit hilingiri'lagwi mene inom, weak hilingiri'lagwi mene inom, mondogat faget pelakfisa wagik, ikherek andi hak, hit hineisena Allah pogoroba mene againafuriat asubagaigeluk, afuni hinom weak mene andi hinendawirinafi logolik he, it weagethinabi'lagwi mene andi, Allah nen fanorinabuageluk it faget samban ikhi logoino.

KISAH PARA RASUL 2:26

Andi nen, nendawimo nagaiyek higik, naneba fogeratik, igirek. An noasumo nebe warek hobuk fano asigin, luk nendawimo nen menenei ebeti'lek katokhogo logogin.

ROMA 3:14

Inane puk wea'ma re, homan fisili'lagwi mene inendawimo peterek logolik ugu mondok werek.

1 KORINTUS 11:7

Eroba re, ap inebe ero re, hemi fuk. Hemi ero re, ap andi nen he, ap inebe re, Allah fogeratarek mene ebe hangge, afumak hangge, iluk he, inunggulasu salugun lek. Meneat he, hemi re, inaguni fogerinafarek mene inafumak hangge.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.

YAKOBUS 3:10

Ero ninambe misik mene andi nenat, Allah fogeratik, afuni homan fisigik, ogorek andi. Nerugwi nagaila'lak. A'nogo hilingisu lek meneat hilingitorego.

1 PETRUS 1:3

Ninoe Enupogot Yesus Kristus eisena Allah a'nogoat fogerati logouwok. At Allah ninebe endawi mondogen, Yesus Kristus wa'lagaikhemo nen eluget fesikhe andiba nit ninebe hobuk ninambotkwe ket ta'ninafikhe andi. Ninelugetninafikhemo logolik he, ninendawimo nen, ”Aren, hobuk fanothinabigin, isikhe andi lek asigin lek,” iluk ninendawimo ninagaiyek hikhi lago.

HAKIM–HAKIM 9:27

Ariginik logolik iren anggur enggen yabumo tagani lagaukwasik anggur agai ferelogo i nunggu mene hilingfesukwasik iren seni isatukwa. Isatukwasik he iren he inandugwi kembu apne wanharek oba omanogo nen inamburu ninggik, inagai ninggik ikhi logolik, Abimelekh a'nogo homan fikhi lagaukwa.