YAKOBUS 3:5 - Allah Wene Fano Wene Hupla Inane

⁵ Andi higit ninamelinggen andi ebe endep meneat he, afuni inonggwaregen fogerakhagarek andi hak, ninamelinggen andi nenat wene wialik lagaikharek andi. Nen, endu enggen endebat mene lenggekhogo puluk enggama e hokhondek mene inom nilik lagarek andi futfeni aro!

YAKOBUS 3:5 ပူးပေါင်းရင်းမြစ်များ

AYUB 22:17

It ap ariginik mene andi re At Allah Omame Mondok Hokho mene a'nogo ninabiro, iluk kofologo herakfuluk logolik iren ikhi logolik he, ”At Allah nen nit ninoba yi'nogo ti'nogo ekhe hilingninobagau lek hak,” iluk anggikhi logolik hilingiri'lagwi.

MAZMUR 10:3

It ap weak hilingitarek mene nen he iren weak hilingisugun iluk anggagarek mene omanogo nek legeisogo fakhagarek, ap an enek anggagarek mene andoma nen he inane hombuk palogo Tuhan ninabit iluk herakhobagali'lagwi.

MAZMUR 17:10

It inebe re inendawirinafarek mene andi re mondogat inonggot, nen inane ogore foget fakhikhi logolik mondok agarek inap omanogo nen,

MAZMUR 39:1

Afuni nen wuni wulak fuluk inebe ambine ugunem melalinafarek mene faget, Yedutun faget, Daud en watikhe awuni.

KELUARAN 15:9

Nit ninaselei mene nen ikhi logolik he, An nen muginarek lambik fakfisagain, Nenggarok lisogo wanimbik inebe legetfisagain. Inebe legetfisambik inangge mondogat telogo helagain, It ekhe sumburogo wogisikhi logolik, An nalawi engginet fakhambik, nalong pi-pe ikhi logogin,

KELUARAN 5:2

A'nogo yagatukwama, aren he, ”Tuhan andi sa nogo?” iluk heinok wogisasikhesik he, ”An nen he, at andi nen fano ikhe, iluk afuni Israel mene loageluk nenahalok At ane holfuluk lani igin? Tuhan andi ebe nonggotma re, afuni Israel mene andi, lani, iluk yagaisagain lego,” iluk yagaisasikhe.

AMSAL 12:18

Ap inane we yugunat agarek oba re weim en semele kuluthugunem hak afuni inendawimo wat fisagarek, inane fano mene agarek andi re obat ou inoba were'ma fanorinaferek higit werek.

AMSAL 15:2

Ap hebelek mene nen he ane ugunem afuni nen futfikhi logolik inagaiyek agarek, oba nen ap ekhe kembu mene nen ane ikherek mene re kembu-kembu aple nek ikherek.

AMSAL 18:21

Inamelinggen andi nenat afuni weagerinafik, fanorinafik ikherek afuni inane ambisangma nek enggin mene helagarek.

AMSAL 26:20

E nolhu mene lek agu halok endu nagul agarek andi hak he, ap ekhe ane tindel weak golik wene sagarik lagarek mene a'nogo ebe wa'lagunem he, yei wene ugu welagaikharek mene omanogo palagarek.

YEREMIA 18:18

Afuni nen ikhi logolik, ”Nit he ninebe seberogo nenat Yeremia pelabuogen he awene paluogen we'ni o. Allah ane andi re at amu nen yagaisoageluk werek fuk. Lego, At ane yaganisugu mene re it ap imam werek hilingi'mo re iren yanggulninafik, it ap inendawinggen wenggelek mene nen komo wene yaganisigik, ikhi logogun o, nen it ap nabi nen he Allah ane ugu mene omanogo yaganisikhi logogun aro. Andi nen he niren at ane ugunem holhi logogun lek enggere, wene katokhogo palharek oba omanogo hele warogo waluk louwogo,” iluk isukwa.

YEHEZKIEL 28:2

”Afuni wa'lagaikharek mene yi re, raja Tirus mene oba re yi'nogo yagaom, An Tuhan Lego Mondok welagirek mene a'nogo nen raja Tirus meneba ikhi lagi mene andoma yagaom o, ”Hat he honggwaregen leget fakhikhi logolik an nebe re dewa kembu i laut enggen tulem andoma hurek welagirek mene anggikhi lagen. Fano haren an nebe dewa welagi iluk anggikhi lagen oba nen he hat hebe ap we mene welagen a'nogo ebethano.

YEHEZKIEL 29:3

Tuhan Lego Mondok welagarek mene a'nogo nen wene hilingisuageluk ikhe mene yi hat raja Mesir mene yagahesuageluk mimingnafi logolik yi'nogo ikhe, ”An yi re hat haselei mene welagi o, buaya hokho mene i laut obakhe tulem pourek welagen mene yi re. Hat hane nen weregap hikhi logolik i Nil andi an nagai o, an nen elalhigi mene ikhi lagen.

DANIEL 3:15

Eberogoat halok, yogondak pinggong omanogo anethugu kwelek an nen tugwi kembu wuti mene andi hineindep awi yagaisogo sagaum iluk fogerasugun a? Hinabira? Hinabit halok he, an nen hit hinebe endu amulok wabunak nunggunem hambokhogo kwelakhinobagaumo re kembu ningginik mene nen an nenggim engge andi elok telhinabu hak anggegep? Mondok elo'lego,” iluk yagaisasikhe.

DANIEL 4:30

mel igi: ”O kota Babel yi, egi, nailo e. Ninghogo wurik engge yi ambi! iluk An nebe nalong welagirek mene a'nogo inom, nomame hokho logolik, an nenggiba ferinarek welagirek mene a'nogo inom, nanggiluk hokho were'ma fogetnafarek a'nogo inom enek asuageluk an nen o Babel ari ibu kota logouwageluk wuti mene lek nogo?” iluk igi.

YAKOBUS 3:4

Nen, e so i agumkwe lagarek mene andi ebe hokhoba nen sogoien aninirogo waluk lagarek meneat he, at e so waluk lagarek mene andi endawinggen en, ”Kwe yi kwe lagain,” iluk, anggaluk, unggul halhungge e endep mene andi kwanitfikhe halok, andi kweat higit waluk lagarek andi futfeni!

2 PETRUS 2:18

Afuni ekhe inerugwi inagaila'lak weagat hilingitu kwelek he, herakfisaluk wulibi wesuogeluk ugunem, inendawinggen en nunggunem hobuk weak hilingisuageluk, it ap andi inonggwarek fogerakhikhi logolik we ineranen tulemat inendawimo kagalhi logogun.

YUDAS 1:16

It andi afuni inabok weak palhik, wenagisigik, ugu mondogat welagaikharek mene. Yi mene ti mene inendawinggen en nunggunem, ”Namolo.” anggikhi logolik he, andi meneat hilingitik, inonggwaregen fogerakhikhi logolik, yi mene ti mene saburogo heluogeluk, it ekhe inane agaukhogo fogerinafik, agarek mene.