YAKOBUS 3:2 - Allah Wene Fano Wene Hupla Inane

² Nit afuni mondogat fano hilingiti lago iluk yi mene ti mene faget, weagat hilingitorek andi. Meneat he, sa nen aneba nen wene weak mene ekhe igi'lek fanorogo nek ikherek halok he, enggi eisok ebe mondogat fanot fikhi logolik endawinggen lambukhogo wurigat werego.

YAKOBUS 3:2 ပူးပေါင်းရင်းမြစ်များ

1RAJA-RAJA 8:46

Afuni mondogat weak hilingitarek mene nek welagaikharek andi nen, it hagainafuri nen Hat hane sagalogo hilingitunem, Hat ha'mage het-periluk it inaselei mene nen mabenetfisaluk inoasuagaluk inebe herakfisugunem, inebe hele warogo woginarek yatmaat lagik, horokhogo fisa lagik, ugu halok,

2 TAWARIKH 6:36

Ap misik ekhe weak hilingitu lek mene ekhe werek lek hilingi'mo, it Hat hagainafuri Hat hoba weak hilingitunem, Hat ha'mage nen it inaselei mene nen inomame leget fisoageluk Hat heil fugunem, it hinaselei mene nen tok ambisangma senfisambik o yatma ogo, horo'ma ogo fisa lagunem,

AYUB 15:13

haren Allah ba hobaharo fikhi logolik ane sagalogo hilingiti lagen omari?

MAZMUR 34:13

Hit hinebe hineluk uanhogo logolik, yi mene ti mene fano mene nunggu welagaikharek mene andi hinamolo halok he,

MAZMUR 39:1

Afuni nen wuni wulak fuluk inebe ambine ugunem melalinafarek mene faget, Yedutun faget, Daud en watikhe awuni.

AMSAL 10:19

Inane hokhorogo matu halok he weak ekhe inomat hilinglasu hak, oba nen ap ekhe nen amelinggen eil warikhe halok he ap andi endawinggen hebelek mene werek.

AMSAL 13:3

It afuni inobabut wenenggak uogoluk logolik inendawimo wenggelfulugen agarek mene andi re inebe fano welagaikharek. Nen, it ekhe inobabut wenenggak uogoluk inendawimo eberek legengge yugunat agarek mene andi re, mondok weak mene inoba agarek.

AMSAL 20:9

Afuni nen ikhi logolik, ”An he weak oba nen fikhalogo wulibi wagiri'more nendawinggenma mondok horek welagi,” iluk ikherek mene ekhe werek nogo?

AMSAL 21:23

Ap ekhe nen enggin mene noba asi nogoluk halok he, aneba fanorogo ogalikhi logouwak.

PENGKHOTBAH 7:20

Kweangma yoma re ap obabut mondok fano mene ekhe werek lek, fano mene nek hilingiti logolik weak mene ekhe hilingiti'lek welagaikharek mene werek legat.

YESAYA 64:6

Nit afuni ninebe mondogat he emerek mene nek hilinglagosik welago andiba re, niren fano mene hilingiti lago meneba nen ogore mondok weak hilingi'mo elokhe mondok weagat andi. Engga puk agunem sogoien furogo waluk lagarek andi hak, nit ninobabut weak mene nek hilingitorek andiba ninebe mondok lek asugun andi.

IMAMAT 13:39

it imam en ap andi ebene ineil kumut hikhi logogun. Kumut hugunemen tuk-tugengge andi elokhe heiselogo hilingik halok he andi re oumo we harek mene oba aga iluk at ebe emerek lek, ikhi logogun.

MATIUS 12:34

Hit hinebe kisu nen tagongge mene yoma sani! Afuni nen yi wene ti wene inambeba nen agarek andi re, inendawimo peterek logolik kagalogo lagai wagunem agarek andi nen he, hit he, hinobabut weagat logolik wene fano mene ikhi logogun nogo? Elo'lego.

MATIUS 12:37

Hit hinonggwarek hinane ikhi lagep mene higithogoat Allah nen wene hinoba figik, kotik, igin aro,” iluk yagaisasikhe.

ROMA 3:10

Allah nen a'nogoat isikhemo, lisu palogo fikhi logolik, mel isukwa: ”Afuni inobabut higit hilingitarek mene ekhe lego. Misigat halok ekhe legaro.

ROMA 7:21

An nobabut hilingitirek igi andi re, ebe yi'nogo hikhi lagi. Fano hilingisigeluk ugunem he, weak hilingisu hak enek hilingnaferego.

1 KORINTUS 9:27

It afuni ekhe fano asuageluk fano wene yagaisilik nikhi lagi meneat he, nonggwarek heraknobagaumo nongagi hanogoluk, nonggwaregen nebe wara hak, nendawinggen ninghogo sebeligik, afuni inawe a'ma logolik inane hologo welagaikharek hak, an nebe nane awe a'ma logoigeluk komorigik, ikhi lagi o.

GALATIA 3:22

Allah aneba lisu palogo fikhi logolik he, ”Afuni hinebe mondogat weak hilingiti lagep mene andiba, hinenggi hele homago hangge welagep,” iluk, yaganisasikhe andi, nit ninendawinggen Yesus Kristus oba himbiret foumo, Allah nen abok isikhe mene a'nogo re, nit ninendawinggen at oba himbiret fogoin mene halok wo'nisageluk isikhe andi.

KOLOSE 1:28

Andi nen, niren he, wene Kristus abok andi fakhogo afuni mondogat inebe lombok yagaisilik laga lago. A'nogo yagaisikhi lago andiba, inebe lombok Kristus inom hundik logolik, inendawinggen wurik asumo Allah ba woginarek wesuogeluk, ninendawimo eberek mondok logolik, komorinafik, wene yagaisigik, ilik laga lago andi.

KOLOSE 4:12

At Epafras, Kristus Yesus amingmingengge ebe hit meneat a'nogo nen, hai wathinafe aro. Aren he, hit hinendawimo nen: ”Allah ane andi eberogoat,” iluk futfuluk he, hinendawinggen wurik asimbik hinebe mendegat logolik he, yi mene ti mene Allah endawimo anggikherek hak hilingitu logobagaigeluk samban hit faget ninghogo ugu mondogat welagarek.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

YAKOBUS 1:26

Nen, sa nen, ”An Allah awe a'ma logolik higithogo hilingiti lagi,” iluk anggikhi logoligat he, ane elugun ware'lek hesangge-pesangge ikherek halok, onggwaregen lalikhi logolik, Allah endawimo fanorogo hilingiti lagi iluk, we tulemat hilingiri'logo o.

YAKOBUS 1:4

Hinendawinggen lebelekhogo ekhe welagi'lek mondogat higithogo wurik asuageluk he, hinendawimo pugagi'lek hinendawinggen hambukhogo logoni o.

YAKOBUS 2:10

Hit ekhe wene Allah nen komotninafikhe wene a'nogo mondogat fisogo logoligat he, misigat ekhe sagalogo hebisegep halok, ”Wene andi mondogat sagalogo hebisaga o,” iluk, eberogoat wene hinoba agama werego.

1 PETRUS 3:10

Wene andi faget mel isukwa: ”Afuni inobabut nineisena Enupogot endawimo amolo anggikherek mene higithogo hilingiri'lagwi mene halok, At eilenggen inoba logolik, samban ugunem inane esanggo holherego. Meneat he, it weak hilingiri'lagwi mene halok, elokhe age warisikherego, andi nen he, sa nen, An neluk ekhe inom logoile iluk, hundik-handigat fano mene nek hilinglagunem hikhi logoile, iluk logou amolo halok he, amelinggen oba nen weak wene igi'lek welagik, ambeba nen eranenat afuni ekhe lalinafi'lek welagik, weak mene ambotma herakfisaluk fano mene nek hilingitik, obabut afuni ekhe inom lambulogo fano welagaikharek andi mene esinet fuluk omamerogo hilingirik lagik, ikhi logouwago,” iluk Allah aneba lisu palogo fesukwa.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.