YAKOBUS 3:18 - Allah Wene Fano Wene Hupla Inane

¹⁸ E fano mene awi yatunem enggen fano iterek andi hak, afuni inobabut lioksek logolik, it ekhe inom liokhogo logouwageluk lambulinafunem inobabut higithogo fano hilingitarek andi.

YAKOBUS 3:18 ပူးပေါင်းရင်းမြစ်များ

MAZMUR 92:14

It andi re, e o Tuhan Awi wuri'mo yakfugu mene hangge welagik, nen nit nineisena Allah awi wuri'mo andoma nen hokho agu mene hakhogo hilingik logogin.

AMSAL 11:18

Afuni ina'mage weak mene ambisangma tiphogo helagarek mene andi re alomarogo hangge, oba nen he, sa nen eberogo mene hilingite halok he ambisangma onggo femhogo logogin mene helili'lagwi.

AMSAL 11:28

Ap ekhe angge yi mene ti mene logogin meneba endawinggen himbirik logogin halok, engga puk mene lologo pikherek hak pigin ap eberogo anggagarek mene re e asimit ket wuliferek mene hak logogin.

AMSAL 11:30

Ap fano hilingitarek mene re ineluk fanorogo halogo fakhaluk logogun, ap hebelek mene ombo'ne re ekhe inomat hokho aga logogun.

HOSEA 10:12

An nen ikhi logolik, ”Hat Israel yi! Heabu ket mene senfuluk enggen awi yatu mene re katokhogo hilingitu mene andi yasin o, nen enggen palhu mene re haren hendawinggen An noba ibi-eberogo tibet fikhi logogin andiba fanot hobagagu mene palikhi logogin. Haren An heisena Tuhan hera'nabigin oba o arat horogasi waga. An wesimbik fanothinafirek mene a'nogo meiso pelabi wagarek hak pelakhisa wesigin.

AMOS 6:12

Wam kuda tom unggulkwe uarek lagarek nogo? Afuni ekhe i laut yenggelekwe nen, wam sapi nen lisogo waluk yabu wani kwagarek nogo? A'nogo meneat he, hiren hilingisu elo'lek meneba nen tiphogo hilingitu aple omanogo agaumhogo re inendawimo ale palerogo afuni inoatarek mene hilingfikhi lagep, nen, eberogo mene a'nogo agaumhogo re weak mene hilingfikhi lagep.

MATIUS 5:9

Nen, afuni inom weagat were'ma, it ekhe nen lambulogo fisagarek mene andi, at Allah nen he, yi an nagainafuri o, iluk yagaisagain andi nen he, inendawimo inagaiyek hikhi logouwak.

YOHANES 4:36

Ebe arat palhu halok he, ap ekhe awi yaterek mene inom, nen, ekhe enggen palherek mene inom, emberek inendawimo inagaiyek hoageluk, yogondak at ekhe enggen pali'logo mene andi onggo helili'logo andi ebe re, enggen palogo andogorogo fagarek hak, afuni ineluk mondok logouwageluk andogorogo fisili'logo andi aro.

GALATIA 6:8

at sa nen obabut etogat logolik hilingiri'logo halok, obabut andibaat alomat lakhagain andi. Mene re, at ekhe sa nen, Allah Areagun emberek hundik logolik, at mene hilingiri'logo mene halok, Allah Areagun andi nenat, eluk mondok logouwageluk fanot fagain andi.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

IBRANI 12:11

Komotninafu kwelek andemat ninendawimo fano agarek lek. We, ninendawimo weak agarek meneat he, hobuk komotninafarek andiba, komotninafunem welagorek mene halok, yi mene ti mene enggen iterek andi hak, ninobabut fano lioksek logolik higithogo nek hilingiti logogun andi.

YAKOBUS 1:20

Afuni ina'mage weak hilingitarek mene andi, Allah endawimo amolo anggikherek mene hilingitarek lek.