YAKOBUS 2:23 - Allah Wene Fano Wene Hupla Inane

²³ A'nogo hilingitikhe andiba nen wene mel iluk lisu palogo fesukwa mene andi ebe agaikhe, ”Abraham endawinggen Allah oba himbiret fesikhemo re, at Allah nen he, Hat hobabut higithogo hilingiti lagen hak, hendawinggen noba himbiret fegenma, wene hoba mene korogo wokhigirik hambotkwe nemberek hunogo hobagagi andi aro,” iluk yagatikhemo lisu palogo fesukwa. Andi nen he, Allah nen, ”Abraham, An nare,” iluk isikhe andi.

YAKOBUS 2:23 ပူးပေါင်းရင်းမြစ်များ

KEJADIAN 15:6

A'nogo yagatikhemo re, at Abram endawinggen Tuhan oba himbiretfesikhe andi nen, At Tuhan nen he, ”Hat hobabut higithogo hilingiti lagen hak, hendawinggen An noba eberogoat himbiret fegen andiba, wene hoba mene korogo wokhigirik, hambotkwe hunogo hobagagi andi aro,” iluk wanhikhe.

2 TAWARIKH 20:7

Nit nineisena Allah re we Hat hamu nek welagen. Hat hagainafuri inunggulenu Israel mene o kweang yomaba wagunem aremnogo re, Haren afuni o yoma welagaukwa mene omanogo mugusogo wulakfisasigin. A'nogo wulakfisasigindik he o kweang yi at Abraham Hat hare a'nogo ambisangma mene hundik-handik mondok-mondogat andoma it inangge a'luk logouwageluk wogisasigin.

AYUB 16:21

Ap ekhe we it inagaila'lak eberogo mene nen inendawi fanoba inebikhit agaikharesik telinafarek hak he, we At Allah amu nen enek At onggwarek elokhoma nenat nebikhit a'luk nili wo'nabuak agwi!

KELUARAN 33:11

A'nogo fogeratu kwelek, At nineisena Tuhan Musa emberek afuni inagaila'lak inom weneane inelokhe yet-yet agarek andi hak ikhi lagaukwa. A'nogo arat uluk, at Musa aiba su mene wuri'mo waga lagaikhe. A'nogo meneat he, ap alage Musa lebethikhi lagaikhe mene, Nun amlogo enu Yosua andi nek he, o Allah awi su tenda mene wuri'mo a'nogo oloba mondok welagaikhe.

YESAYA 41:8

Oba nen, Hat Israel he An namingmingengge mene o, nagainafuri An nen wenagaisogo fakhasigi mene, hat hebe re An nagailak, Abraham ambisangma mene welagen.

MARKUS 12:10

Hiren Allah ane lisu yi'nogo palogo fesukwama enu salhi'lek welagagip nogo? Iren he: It ap tukang helep oba wutarek mene nen o ebe wuti logolik he, ”Helep yi weak,” iluk herakfisasukwa mene andi obuleat ya'lagama o.

MARKUS 15:27

Yesus ebe eba tulem a'nogo menfesukwasik he, it ap inebe pire inobabut weak logolik afuni inangge inenggi abisak wanhi lagaukwa mene, ekhe enggi ebekwe, ekhe enggi harekwe inom menfisasukwasik inoatukwaat.

LUKAS 4:21

A'nogo yethugu were'ma, at Yesus nen he, ”Allah ane lisu palek mene yiba, Yi'nogo hilinglasigin, iluk isukwa mene a'nogo yogondak yagahisugunem hinesanggo holhu kwelek yaat emberek higit aga o,” iluk isikhemo,

KISAH PARA RASUL 1:16

”Nerugwi nagaila'lak. At Yudas a'nogo re, nit ninom yabu fano hilingiti logouwageluk Yesus nen ayonggo fesikhesik menfesikhemo, nit ninom fano welagosik meneat he, attagat wene Allah Areagun nen at Yudas faget isikhemo, at Daud en lisu palogo fesikhe mene were'ma, at Yudas nen aben Yesus ebe fakfouwageluk woginarek waga andi, hilinglasigin obaat hilinglaga o,” iluk yagaisasikhe.

ROMA 11:2

Allah nen againafuri attagaren wenaginafikhe mene andi herakfisasikhe lego. Wene at Elia nen hilingitikhe wene lisu palek werek a'nogo hinonggot nogo? Aren he, Allah nen it wene inoba fikhi logouwageluk, mel ikhi lagaikhe:

ROMA 9:17

At Allah nen kain Firaun mel yagatikhe: ”An nen yi fagerat menhobagagi o. Afuni nen an nomame inelu agik, nenu o yi awi ti awi yagaisilik lagik, uageluk menhobagagi o,” iluk yagatikhemo Allah ane lisu palek a'nogoba lisu palogo fesukwa.

GALATIA 3:22

Allah aneba lisu palogo fikhi logolik he, ”Afuni hinebe mondogat weak hilingiti lagep mene andiba, hinenggi hele homago hangge welagep,” iluk, yaganisasikhe andi, nit ninendawinggen Yesus Kristus oba himbiret foumo, Allah nen abok isikhe mene a'nogo re, nit ninendawinggen at oba himbiret fogoin mene halok wo'nisageluk isikhe andi.

GALATIA 3:6

Wene andi hangge, at Abraham endawinggen Allah oba himbiret fesikhemo re, at Allah nen he, ”Hat hobabut higithogo hilingiti lagen hak, hendawinggen noba himbiret fegenma, wene hoba mene korogo wokhigirik hambotkwe nemberek hunogo hobagagi andi aro,” iluk yagatikhe.

2 TIMOTIUS 3:16

Allah ane lisu palek andi mondogat he, arenat inendawimo kagalhikhemo, lisu palogo fesukwa mene andiba, afuni ekhe wene ebe wene yagaisigik, weak hilingitunem komorinafik, inobabut hebelhik, Allah endawimo amolo anggikherek mene higithogo hilingiti logouwageluk komorinafik, ikhi logoino aro.

YAKOBUS 2:24

Andi hak he, Allah eberogoat iluk andi nek anggamo re, Allah nen he, ”Wene hoba mene korogo wokhigirik hambotkwe nemberek hunogo hobagagi,” iluk yagaisikherek lek higi. We, a'nogo anggikhi logolik, ninenggiba nen inomat hilingitunem andiba nek he, a'nogo yagaisikherek andi hani!

1 PETRUS 2:6

Wene andi faget Allah nen mel isikhe: ”An nen, helep fano mondok mene wenagaisogo o Sion andoma o tik ekhe warogo figi yi hani! Hit afuni hinebe lombok hinendawinggen at oba himbirik logogun halok he, hinenggali hogoin lego,” iluk isikhemo lisu palogo fesukwa andi.