YAKOBUS 2:13 - Allah Wene Fano Wene Hupla Inane

¹³ Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

YAKOBUS 2:13 ပူးပေါင်းရင်းမြစ်များ

MATIUS 5:7

Nen, afuni inebe inendawirogo welagaikharek mene andi, nineisena nen it endawirinabigin andi nen he, inendawimo inagaiyek hikhi logouwak.

MATIUS 6:15

Meneat he, it ekhe nen hit weak hilinghinafa mene, hiren sebelogo legetfisigi'lek halok he, hineisena pogoroba mene nen hit weak hilingitep mene sebelogo legetfisagain legaro,” iluk yagaisasikhe.

AMSAL 21:13

Ap ekhe inangge lek mene nen kinoti logolik eige iluk agarek mene omanogo ane hologo lebethigi'lek logoligen, at onggwarek faget enek lebetnabuageluk kino igin halok he, lebethikhi logou lek hak.

LUKAS 6:37

A'nogo yagaisasikhesik he, wene ekhe mel yagaisasikhe: ”Allah nen wene hinoba feinogo iluk he, hiren afuni ekhe wene inoba fugubo. Allah nen wene hinoba fembik he, weaget hinabinogo iluk, hiren afuni ekhe wene inoba fuluk he, weagerinafubo. Halok he, hiren weak hilingiti lagep mene Allah nen sebelogo legetfisoageluk he, afuni nen weaget hinabi'lagwi mene hiren sebelogo legetfisikhi logoino o.

MAZMUR 18:25

An nen nobabut eberogo mene nek hilingiti lagimo re At Tuhan nen onggo higithogo nek hilingnobagali'lago. An nen weak mene ekhe hilingiti lagi lek andi nen he Aren an fanot nobagali'lago andi.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

MAZMUR 85:10

Aren he afuni wene melalek futfuluk hilingiri'lagwi mene re ibi-eberogo nenat inagap telinabigin werek, At Allah mondok andungdang werek mene andi re nit ninaiba yoma logogin.

YEREMIA 9:24

Sa nen amu mene faget ekhe endawimo nen fogerakhagain anggikhe halok he aren An nebe elu asimbik fut nobagakhi logolik fogerakhagain logouwak, nen An nen mondok-mondok faget nendawi hundik hilinginafi lagi mene andi faget inom, An nen eberogo weneba inom katokhogo hilingitarek meneba inom o kweangma mondogat omamet fikhi lagi mene andi faget aren elu aga halok enek he, fogerakhagain logouwak. Mondogat andoma a'nogo asigin halok ibi-eberogo nen he An nendawimo namolo anggigirek mene o. iluk An hineisena Tuhan nen nane mondogat igi,” ikhe isikhe.

HAKIM–HAKIM 1:7

Tegetukwama, at Adoni-Bezek en yi'nogo isikhe, ”Attak he it ap inogogwi raja inebe 70 nen mene, an nen inenggi fuap inom ineisok fuap inom tegerinafigimo logolik, it inamburu an nambe abu'ne pugu mene tolhigik ninggi lagaukwa a'nogo. Nen yogondak he an nen it hilingfisasigi mene a'nogo ambisangma re Allah nen an noba a'nogoat hilingnobagaikhe yi o,” iluk isikhe. Andoni-Bezek ebere hobugen waluk o Yerusalem lagaukwama andoma nen at ebe wa'lagaikhe.

YEHEZKIEL 33:11

An Tuhan Mondok Lego logolik, Allah neluk mondok welagi mene nenuba it yagaisano, An he ap kwanirogo hilingitarek mene wa'lasugun andi re nabit anggikhi lagi, at he hebekhogo re at ebe eluk logouwageluk aweak hilingiri'lago mene andoma herakfagain halok fano. Yago hit hinunggulenu Israel mene yi sani, kwanirogo hilingiti lagep mene andoma mondogat hebisani o! Ninggi'nogo iluk hit he hinebe wa'lasugun nogo?

KEJADIAN 42:21

A'nogo anggasukwasik, it aremnogo ekhe nen ekhe yagatik, ekhe nen ekhe yagatik hilingiti logolik, ”Yogo agi, niren attak ninagoren lebetneani ugu kwelek niren ane holhi'legengge at eberogoat endawi ou hugu kwelek oba nen he herakfisogo a'nogo re, yogondak ninenggi elugun oba enggin hikhi lago ari,” iluk isukwa.

YAKOBUS 5:4

Hinagoromi hineranenat yabu hilingisuageluk inayonggo fuluk athe, inenggi onggo wogisigi'lek munenikhi lagep andi nen, iren he, ”Ninenggi onggo wo'nisawem!” iluk inane hokhorogo ili'lagwi andi holini! A'nogo hilingiti lagepma it inane andi ninoe Enupogot omame hokho a'nogo esanggo holhesik werego.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

YESAYA 27:11

Nen, e enggi segelet andoma puga'luk tamulhigik pugu mene re hemi nen e nolhu mene iluk tolili'lagwi. Unggulenu andi mene re yi'nogo ti'nogo faget fut-fili'lagwi le'ma re, Allah it elalinafe mene a'nogo nen he it faget inelaigisambik he endawirinabigin mondok lek.

2 TAWARIKH 28:11

Hit he hinesanggo fanorogo holini! Afuni hele warinarek wagep mene yi re hit hinonggwarek hinagaila'lak mene hilingi'mo re inaiba loakhogo yagaisani! Nen, hiren a'nogo hilingisugun lek halok he At Tuhan anini hit hinoba fembik unggum wokhisagain o,” iluk yagaisasikhe.

AMSAL 22:16

Ap ekhe enggi werek asigin iluk endawimo anggikherek mene andi re, ap inenggi lek mene sebelisaluk, ap enggi werek mene onggo wogisagarek andiba ambisangma onggwarek alomat fakhagain.

YAKOBUS 3:17

A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.

HAKIM–HAKIM 5:27

at ebe he Yael elokhoma talorogo weing lagama re, kweangma warek were'ma haga.