YAKOBUS 1:10 - Allah Wene Fano Wene Hupla Inane

^10-11 Menere, mo aninirogo yati logolik, e engga sawet agik, enggen lologo puluk elokhonggen weak agik, ikherek hak, a'nogoat he, it kaindek inenggi werek mene andi, yi mene ti mene oan hilingitu were'ma inebe lek asugun mene werek andi nen he, hit ekhe hinenggi werek mene hinebe kainat logolik, e enggen lologo pikherek andi hak, ”An nenggi werek yi lek asigin aro. Allah nen nenu sebelogo nobagaikhemo welagi,” iluk, hinendawimo hinagaiyek asugun aro.

YAKOBUS 1:10 ပူးပေါင်းရင်းမြစ်များ

1 PETRUS 1:24

Andi nen, Allah ane mel iluk lisu palek werek hak: ”Afuni mondogat inebe re, e engga hangge aro. Fano iluk fogerinafarek andi, e enggen fogeratarek andi hak fogerinafarek. Engga puk agik, enggen lologo pigik, ikherek andi.

1 YOHANES 2:17

Afuni kweangma mene inobabut hilingitarek andi inom, yi mene ti mene inamolo iluk hilingitarek andi inom, lek arik weri'logo meneat he, afuni Allah endawimo amolo anggikherek mene hilingitarek mene andi nek he, ineluk mondok logoguno.

AYUB 14:2

A'nogo logolik, engga sabelheresigen weak-weagat sawet a'luk, lologo pikherek andi hak welagik, nen, inafumak weinam a'lugen lek agarek hak hilingitarek andi.

1 TIMOTIUS 6:17

Yi mene ti mene mondogat lek asigin meneat he, it ap kaindek inenuwerek mene andi inendawimo nen fogerakhikhi logolik, ”Nagarek kweangma mene yoma mondok hokhorogo yi nen nebe fano logogin,” iluk, anggikhi logoinogo. Athe, at Allah nen yi mene ti mene mondogat ninendawimo agaiyekhogo helikhi logouwageluk hokhorogo wo'nisikherek a'nogo nenat fanotninabigin iluk futfikhi logouwagen komorinafi logoino.

MATIUS 5:3

”Afuni inendawimo nen, An he, Allah eilhanem elo'lek welagi, we Allah oba nek tibet fuluk logogin iluk anggagarek mene andi, Allah awe a'ma fisikherek oba andoma eisewerek irat agaikhasik werek andi nen he, inendawimo inagaiyek hikhi logouwak.

1 KORINTUS 7:31

Nen, it ekhe kweangma yi mene ti mene helagarek mene andi, heligi'lek mene hak logouwak. A'nogo igi andi re, yi mene ti mene kweangma welagarek mene mondogat arat lek ari'logo andi nen igi o.

MAZMUR 103:15

E owil o leikwe hokhorogo iteresigen, misigam lologo pikherek andi hak, afuni ineluk umur welagaikharek andi re engga misigam lologo pikherek andi higit welagaikharek.

YAKOBUS 4:14

Ohealekwe nit wene ninoba yi'nogo hilinglasigin, iluk hinonggorat logolik ikhi lagep andi ri! Nit ninebe andi nena mene hangge welagorek nogo. O hena endebat welagaresigen weak-weagat lek agarek andi hak, ninebe a'nogo welagorek andi.

MATIUS 6:30

Engga helengga o leikwe welagarek andi re, yogondak hak fano welagaresi'mo nen, ohealek hak endumo nolfisagarek meneat he, Allah nen inasu labetfisa hak fano mene hilingisogo fisikherek andi nek he, hinebe faget fanorogo labethinobagagin lek nogo? Labethinobagagin o. Hinendawinggen Allah oba himbiret figi'lek yi ri!

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YESAYA 40:6

Ane ekhe ikhi logolik he, ”Yagaisan o!” Ugunem he, ”An nen wene ninggi'nogo mene yagaisagain?” igimo re, ”Afuni mondogat he engga hak, athe owil-owilengge we elama elokhe fano werek andi hak werego,” iluk yagaisan, yaganete.

FILIPI 3:8

A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

MAZMUR 102:11

An he Hat ha'mage lagali'lago mene andiba, hambokhogo hu'niugunem welagirek andi.

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,

YESAYA 40:7

Tuhan nen sogoi aganhan mene funha wagunem he engga puk agik owil-owilengge sawet agik ikherek hak. Eberogo nen he unggulenu ari mene re engga hak werek.