WAHYU 9:9 - Allah Wene Fano Wene Hupla Inane

⁹ Nen, inamigenggen oba re, sing itarek andi hak, posiemanggen mene ugu. Nen, inogolabi ane re, ap weim yabi louwogeluk wam kuda esa hokhorogo nen kereta hangge meneba sep hun-hun lisogo woginarek lagunem, eisok ane mimi hokhorogo ikherek andi hangge.

WAHYU 9:9 ပူးပေါင်းရင်းမြစ်များ

AYUB 39:25

A'nogo inoba wulibuogoluk pinggong anet fugunem iget figi'lek irim esi lagaluk weim yafunem ebe yatma nen inamben palhik, ap tentara inogogwi mene nen, Yigit feino, tigit feino, iluk inane hokhorogo ugunem obabut hombunat logolik afe mot fisaluk welagarego.

AYUB 40:18

At oak he, tembaga hangge omame hokho, nen eisok he, posiemanggen hangge mondok mit-motsek.

YESAYA 9:5

A'nogo andi re nit ninobaget omalik misik ekhe ta'laga. Nen Omalik andi ebere abat wo'nisikhe. Nit ninobaget ninoe kain he At amuat logogin. A'nogo were'ma At enu re mel ikhi logogun, ”Endawinggen wenggelek mene logolik, afuni komorinafu mene,” igik, ”Allah elalinhogo hilingiterek mene,” igik, ”Nineisena mondok-mondok logogin mene,” igik, ”Raja liolninafu mene,” igik, ikhi logogun.

YEREMIA 47:3

Iren he wam kuda eisok abolok ugu mene inom, kereta kilit samok erik lagu mene inom, roda abolok folongum-folongum lagu mene inom holugun. Afuni inaluendek mene re inomame legasimbik he inagainafuri inoba ekhe eberisogoin lek.

WAHYU 9:17

A'nogo holhiri'mo nen, hobuk wam kuda inom, afuni amboroba hurek mene inom, nabikanggoba yethigi. It andi inamik oba su sing itarek andi hak ugu were'ma isigi. A'nogo isigi andi re, it ekhe inasu elokhonggen endu amulok hangge mene ugu, nen, it ekhe, inasu pogot elokhonggen muli hangge mene ugu, nen, it ekhe inasu elokhonggen wei aborok hangge mene ugu, nen, inanggo kuda omanogo ungguloak he, mene olomene enu singa andi mene ungguloak hangge. Nen, inambelema nen he, endu inom, so'le inom, hendali al hangge amben weak mene enu belerang andi mene inom, wulibi waga laga.