It inebe mondogen An obokhogo hera'nobagaluk, hunogo mene ekhe fogerati logolik, Nineisena ebe yi aro, iluk inanggo inom, yi mene ti mene ekhe inom, noletarek andi. A'nogo hilingiri'lagwi andiba, An nendawimo noumo hak hilingnobagali'lagwi o. Andi nen he, An na'mage endu amulok hak lagali'lago mene andi afuni Yerusalem mene inoba figiri'mo re, it ekhe nen nagulugun mondok elo'lego.
WAHYU 9:20 - Allah Wene Fano Wene Hupla Inane20 A'nogo meneat he, it afuni fenakwe inoati'lek mene andi nen, munggwarengge obabut weak mene oba himbirik logolik, inenggi nen tugwi kembu emas mene inom, perak mene inom, tembaga mene inom, helep mene inom, e mene inom, wurogo hilingitarek andi. A'nogo wurogo hilingitarek andi, it tugwi andi nen, ineilenggen isagarek legat, inesanggo holharek legat, kwe lagaikharek legat, meneat he, a'nogo wurogo fesukwasik, အခန်းကိုကြည့်ပါ။ |
WAHYU 9:20
43 ပူးပေါင်းရင်းမြစ်များ
It e meneba wutu inelu mene nen he emas meneba wutu inelu mene inendawimo ago wat fisigik, nen martelo ba posiemanggen sagalharek mene nen he, ap eangge fuluk sagalharek mene omanogo fogerinafik, agarek. Iren ikhi logolik, ”Haren hilingiti lagen mene oma re mondok fano o,” iluk agarek. A'nogo hilingisogo fuluk he abolok inogoluk paku ba ninghogo wat fagarek.
It nabi-nabi andoma nen he hiren tugwi kembu amu meneba apne wanhik, obaget hilingitik, hilingiti logou fuk, hiren a'nogo hilingisugun oba re Tuhan a'mage kwelafi lagep, iluk yagahisikhi lagaukwa. Nen, hiren Tuhan ane ikherek mene higithogo hilingisugun halok he, Aren unggum hinoba fagain lego,” iluk yagaisikhi lagaukwa.
Nenahalok hiren he, An na'mage lagau hak mene andoma nek hilingiti lagep nogo? Hit wagagip he, o Mesir hinonggotma omanogo logolik, hiren kembu wutik, o kweang andiba kembu dewa omanogoba yi mene ti mene fuluk wogotik, hilingiti lagep andi! Hiren he hinonggwaregen weagerogo fakhikhi lagep oba it afuni inunggulenu ekhe mene ekhe mene kweangma yoma werek mene mondogaren li'not hinafi logolik, hit hinenu re, ap homan fisagarek mene ikhi logouwageluk hilingiti lageba?
Ibi eberogo nen he Tuhan neisena, Haren it higithogo hilingiti logouwageluk yagaisugu le'ma hangge hilingiri'lagwi. Haren it fut fouwageluk inoati lagen oba nen he iren inobakhe nene hilingiri'lagwi. Haren it lombukhogo hilingiti logouwageluk sebelogo fisikhi lagen, oba nen he iren yanggulninabuak anggili'lagwi lek. It he inendawinggen mondok omamerek logolik inaweak oba nen agam esure inabit mondok werek.
Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.
It afuni Israel mene halok he hundik-handik Tuhan oba himbirik logolik enek logogun. Nen, hiren we misigam iluk ogo ekhe yi wam ti wam nen yi mene ti mene yabumo warek mene munggwat jin-jin inafe hebelek logolik inanini mondok weak mene iluk inobaget wam warogo fisa fuk. Wene melalek yire fanorogo holfuluk higithogo hilingiti logolik enek logogun.
At Yohanes a'nogo Allah endawimo anggikherek mene higithogoat hilingiti logouwageluk yagahisa wagaikhe meneat he, hit hinendawimo nen he, at ane andi eberogoat iluk, futfigi'lek welagep. Mene re, it ap pemerintah faget uang kino iluk andogotarek mene andi inom, hemi hesangge yanani hilingirik nikharek mene andi inom, inomen, At ane andi eberogoat ili'logo, iluk, futfesukwa. Iren a'nogo hilingitunem hineilenggen isikhi lagep meneat he, hit enek he, hinobabut hebelarik futfigi'lek welagep yi ri!” iluk, yagaisasikhe.
Mene re, yogondak at Paulus andi hilingiri'logo mene, hineilenggen tomok higik, hinesanggo holhik, ikhi lagep. Aren he, afuni inenggi nen su kembu hilingitarek andi re, ebe walhasikhe mene lego, iluk yagaisugunem, afuni hokhorogoaren, wene andi eberogoat, iluk wanha andi, horok o kota Efesus yoma mene nek fuk. O propinsi Asia mondogat hangge wanhama aro.
A'nogo hilingitunem, an wagunem he, neisena Allah nen hit hinobabut hilingiti lagep andi faget hit hineilhanem nenggali warogo nebe horoget nobagagun andi nailo. It afuni hit mene ekhe hokhorogoaren hemi inaguni werek mene, ap inagagwi werek mene nen pailak fakfisigik, helime silerik ap souge nen pailak fakfisigik, inenggali lek weak mondok hilingitik, o attagaren hilingitarek mene herakfisaluk inobabut hebelagi'lek mondok welagaikharek andi faget, le asi wagi hanogoluk nendawinggen firik welagi o.
An nebe arat wa'lagunem he, it afuni yi inobabut mondok weak asimbik, wene an nen it yagaisigi mene andi, iren he, wene andi nit ninabiro, iluk herakfisogoin andi, an nelu o. A'nogo herakfisikhi logolik, nineisena a'mage lagauwagaluk, wene aren, hilingitup, iluk isikhe mene hilingitunem wene hokho meneat inoba fagain o,” iluk yagaisasikhe.
Iren inanggo warogo, Allah mene fisigi'lek, munggwarengge inobabut, weak mene fisasukwa. It afuni inunggulenu hunogoat mene nen he, Nineisena andiat iluk, agarek mene fisasukwa, It inebe nen inonggot mene, andi faget fisasukwa, Inombalagen agaukhogo, hilingiti lagaukwa lek mene, andi faget fisasukwa.
Hit o afuni ekhe mene were'ma andoma lambik he, tugwi kembu afuni inenggi nen e mene, helep mene alik hilingisogo fuluk, Nineisena ebe yi aro, iluk fogeratarek mene, andi re, eilenggen isikherek legat. Ane ikherek legat. Sumburu ninggerek legat. Amben palherek legat, mene andi hinendawinggen andiba himbiret fuluk fogerati logogun.
ကြော်ငြာတွေ