WAHYU 8:13 - Allah Wene Fano Wene Hupla Inane

¹³ A'nogo ikhesi'mo nen, hobuk yethigi hak he, sue pim hangge mene pogot halianggen oba ogolabi langhogo tarogo nikhi logolik, ane hokhorogo mel ikhi laga: ”Malaikat inebe enggaminogo inambinggong anet hagasi'mo nen, hobuk malaikat inebe henagan mene nen inambinggong anet hugunem, afuni mondogat kweangma welagaikharek mene, mondok weagerinabigin andi re, Eige! Nailo e! Nendawilage!” iluk ilik nugunem nesanggo holhi o.

WAHYU 8:13 ပူးပေါင်းရင်းမြစ်များ

MAZMUR 103:20

Hit Allah agoromi malaikat hinomame hokho mene, At ane hologo hilingiti lagep mene omanogo hinebe mondogaren, At Tuhan andi nek fogerati logoino.

YEHEZKIEL 2:10

Noba pisarogo lakfei wagasik, funggulhunem kwelakhigi re, abel fena-fena wene ebe re, le asugun mene inom, Eige, nabire, iluk ikhi logogun mene inom, heinet wati logolik inane kweti logogun mene inom, palek were'ma higi.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

WAHYU 11:14

A'nogo hilinglaga mene arat asi lagunem, yethani! Weagerinabigin mene a'nogo re, inenggi pireba arat weagerinafesik, ombo'ne ekhe weak-weagat weagerinafemo weregaro.

WAHYU 12:12

Andi nen he, hit pogoroba welagep mene mondogat yi sani! Hinendawimo hinagaiyek hikhi logoino. Hinendawimo hinagaiyek agu kwelek, hit kweangma mene inom, i laut yenggele'ma mene inom, enek he, Iblis a'nogo hinoba pelakfisa wagama, at enggi endebat logogin mene futfikhesik, aren he, nenggi endebat enek logogin andi nenahalok, iluk a'mage lagaikhesik weagethinabigin andi nen he, eigo! Nendawilage,” iluk ugunem holhi o.

WAHYU 14:3

A'nogo inane hokho ikhi logolik, Allah ebe kain welagarek mene obuluk oba werek kwelek, it aren elalinafikhe mene ekhe inebe enggaminogo omanogo inom, ap inaluendek omanogo inom, ineilhanem wuni ket mene felalogo it afuni fena yanggulhi'lek inonggot, we, it afuni inebe 144.000 kweangma nen arat telinafe mene omanogo nek inelumo watunem inane nesanggo holhi.

WAHYU 14:6

A'nogo higiri'mo nen, ombo'ne re, at malaikat ekhe wene fano wene mondok logogin mene afuni kweangma mene inunggulenu lombok, inane lombok, inagap lombok, inaiba lombok, yagaisilik pogot ebene tarogo nugunem yethigi

WAHYU 19:17

A'nogo higiri'mo nen ombo'ne re, at malaikat ekhe moba mendek logolik, ane hokhorogo it yi rue ti rue mondogat pogot ebene higit tulem tarogo nugunem, mel yagaisikhi laga: ”Ap kaindek inenupogot inom, weim wenewule mene inom, inagoromi kabelek mene inom, wam kuda ebe inom, ap amboroba hurek nikharek mene inom, afuni inenuwerek mene inom, inenu lek mene inom, inamingmingengge mene inom, inale'ma welagaikharek mene inom, mondogat Allah nen inoatesik ineino hokhorogoat hinobagaikhe mene nobagaigen hinebe andogosi we'ni o,” iluk ugunem holhi.

WAHYU 3:10

A'nogo fisa wesigin andi re, an nen, hinafe morogo logoino o, iluk yagahisasigi mene andi, nane hologo higithogo hilingiti lagep andi nen, o hobuk Allah nen afuni kweangma yoma welagaikharek mene mondogat yi enggin ti enggin inoba fagain sambul andi fugu kwelek, hit enek he, an nen nawe a'ma fano fethinarek logogin o.

WAHYU 8:2

A'nogo welagasigen, hobuk neilenggen yethigi hak he, malaikat inebe 7 nen Allah elokhoma mendek were'ma pinggong ane hokho mene ebe 7 nenat wogisugunem hisigi.

WAHYU 9:1

A'nogo malaikat inebe enggaminogo mene inambinggong anet hagasi'mo nen, ekhe ambinggong anet hugunem he, hesagal ekhe nen kweang a'ma ma'lima pagarek mene kwe husuageluk kunci enggen wogetemo pogoroba nen kweangma pi wagunem yethigi.

WAHYU 9:12

A'nogo weagerinabigin mene re, ekhe weagerinafesik, hobuk enggi pireba ekhe weagerinabigin mene oan werego.