WAHYU 7:16 - Allah Wene Fano Wene Hupla Inane

^16-17 A'nogo fisamo were'ma, Domba Eak a'nogo Allah kain welagarek mene obuluk oba ebe tulem logolik, afuni nen wam konharek andi hak, it kwelaginarek mondok logolik, i afuni inebe inelugerinaferek mene noageluk, i elesimo woginarek lagik, Allah nen ineil amusu tetik, ikhi logogun andi nen he, sumburu inom, i inom, nele aga logogun mondok lego. Nen, mo nen inom, endu nen inom, aigen heinet wati logogin mondok legaro,” iluk yaganete.

WAHYU 7:16 ပူးပေါင်းရင်းမြစ်များ

MAZMUR 121:5

At Tuhan nen enek hat hebe kagalharek logogin, At ebe hat hoba lomborogo logogiluk hera'lu horokhogo werek

MAZMUR 121:6

A'nogo were'ma re, o linggene mo aigen inom, hubanggo o tugi nen inom, hoba ouet hobagagin lek.

MAZMUR 143:6

An nenggi earogo liabek logolik he Hat hoba samban ikhi lagi, Kweang iringi'mo i nelerogo welagaikharek andi hak Hat hobaget an nendawimo re andi higit welagi.

MAZMUR 42:2

Allah neisena, no rusa agai nele nen endawimo age lagagunem heinet watherek andi hak, an nendawinggen Hat hoba nunggunem welagi o.

MAZMUR 63:1

Daud ebe o Yehuda leimo logolik wuni watikhe mene.

KIDUNG AGUNG 1:6

Mo nen nagap hali nonggorek mene andoma faget, agap heiselek weak iluk heilenggen wo'nafi logou fugo. An nogogwi nen wena'neti logolik, anggur yabumo yabu hilingisuageluk miming nafu mondok were'ma re, an nebene pugunetu aple faget linggene selek ekhe werek lek andi nen hilingik welagi o.

YESAYA 25:4

Andi re Hat hebe afuni inomame lek mene hoba wagik, inenggi lek mene inom, inelagaikhogo welagaikharek mene inom, inailo legengge hoba wagik, ikhi logouwageluk hilinglagagin andiba. Hat he sogoi sielu wagunem hina'laguba faget inom, nen mo aigen kuna'ma kuguba faget inom higit welagen. Andi re ap inobaharo weak mene nen he o salim oba sielu nen hilingiterek hak inoasi wagik,

YESAYA 32:2

It inebe lombok he sogoi en inom, sielu nen inom funhugunem hina'laguba hangge agik, athe i liarekwe lagarek agai hakhogo agik, athe o kweang esi le'ma helep hokho mene werekwe andoma nen hinaklagaikharek hak agik, ugun.

YESAYA 41:17

O andem sambul he ap inenggi lek mene inom enggin-fenggin hagarek mene inom i herati logogun mene re, inelokhoma aga logogin le'ma re, inagai nele nen inamelinggen pukhogo logogun. Oba nen he iren An nenu hombuk palogo yaganetu halok he, An hineisenaTuhan nen inane onggo yagaisikhi logogin. An Israel mene ineisena Allah a'nogo nen he, nagainafuri herak fisaluk laga logogin mondok lek.

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

YESAYA 65:13

Ibi-eberogo nen he it ap An namingmingengge An fogetnafarek mene re inamburu nunggu kwelek hit he hinamburu nelerogo logogun. Nen it he inagaiyekhogo nek hilingitu kwelek hit he hinenggalirogo logogun.

YUNUS 4:8

A'nogo hilinglagaikhemo, ohealek hubet mo arat lagai wagaikhemo Allah nen, sogoi aganhan weak mene o mo lagai wagarek higiren funha wesuagaluk hilingitikhemo re, funha wagaikhe. A'nogo funha wagaikhemo mo aigen Yunus ungguloak hutethasikhemo re, eilfuruk feigeluk isikhe. A'nogo hilingitikhemo re, aren he, ”Nebe neluk logogin nabiro. Wa'lasigin namolo o,” iluk isikhe.

MATIUS 13:21

wene andi inendawinggenma omanggen yati'legen he, endebat were'ma nen, afuni ekhe nen Allah ane andi faget yi enggin ti enggin inoba figik, weagerinafik, ugunem he inendawimo fageat puk agaresik wene andi herakfisaluk wulifarek andi aro.

MATIUS 13:6

Meneat he, o mo lakfei wagaikhemo, omanggen yati'legen, sawet agaikhesik pugagaikhe.

MATIUS 5:6

Nen, afuni sumburu inom, i inom, nele anggagarek hak, Allah endawimo anggikherek mene esinet fuluk hilingisu inamolo mene andi, sumburu inalabut ninghogo nenggarek hak, hobuk Allah nen inendawimo fanorogo ebe mene wogisagain andi nen he, inendawimo inagaiyek hikhi logouwak.

MARKUS 4:17

A'nogo weak-weagat wanharek meneat he, wene andi inendawinggenma omanggen yati'legen endebat were'ma nen, afuni ekhe nen Allah ane andi faget, yi enggin ti enggin inoba figik, weagerinafik, ugunem he, inendawimo fageat pugagaikharesik he, wene andi herakfisaluk wulifarek andi aro.

MARKUS 4:6

Fulelhikhe meneat he, o mo lakfei wagaikhemo re, omanggen yati'legen he, sawet agaikhesik pugagaikhe.

LUKAS 1:53

afuni inendawimo nele welagaikharek mene fano mene oba loukhogo wogisikhi logolik he, it inenggi werek mene andi, ekhe wogisigi'lek weat lakfisigik isikhe.

LUKAS 6:21

Nen, hit yogondak hinendawimo nele welagep mene halok, hobuk wokhisugunem hinalabut ninghogo nogoin andi nen he, hinendawimo hinagaiyek hikhi logoino o. Nen, hit le aga lagep mene halok, hobuk endo asugun andi nen he, hinendawimo hinagaiyek hikhi logoino o.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

WAHYU 21:4

A'nogo logolik, yi wene ti wene attak mene legetfisaluk, aren it ineil amusu arat terogo fagain andi nen he, inebe wa'laga logogun legat, inendawimo weak aga logogun legat, le aga logogun legat, heinet wati logogun legaro,” iluk ugunem holhi.