WAHYU 7:12 - Allah Wene Fano Wene Hupla Inane

¹² A'nogo fogerati logolik, anggup yi'nogo ikhi lagaikha: Wa u wai a ”Ebe asuak u hak, Amin, Nineisena Allah halegat hokho, Yi wene ti wene helu mondok logolik, Hat homameba fetninarek were'ma, Hai wathafik, fogethafik, Agaugwethafik, esinethafik, Ugu mondok logogun andi, Ebe asuak u hak, Amin,” iluk wuni wati lagaikha isigi.

WAHYU 7:12 ပူးပေါင်းရင်းမြစ်များ

NEHEMIA 12:46

At Raja Daud welagaikheba nen, at wuni ugu mene faget elu-pelurek agun Asaf a'nogo welagaikheba nen enggere it wuni ikhi lagaukwa inap andoma re wuni Allah hai wati logolik hilingiti lagaukwa.

NEHEMIA 12:8

It Lewi inap he: wuni Allah fogeratarek awuni yanggulinafi lagaukwa inap he hun Yesua inom, Binui inom, Katmiel inom, Serebya inom, Matanya inom andem kepala hakhogo welagaukwa.

MAZMUR 100:4

Hit hinebe nineisena awi ambe palek oba andoma kwikhi logolik he wuni hai watu awuniba ilik kwi waga logoino, At awi solombon ambe palogo wurik oba andoma kwikhi logolik he Wuni fogeratarek awuni warik kwikhi logoinoat. Hiren he At enek legeisogo fikhi logolik fogerati logoino.

MAZMUR 106:48

Yogondak huli nen hobuk mondok-mondok andoma huli re it afuni Israel mene ineisena Allah andi nek fogerati logouwak, nen it afuni mondogaren he, ”Amin!” ikhi logouwak.

MAZMUR 107:22

Iren he, yi mene ti mene At faget fisaluk waluk waga logolik, At hai wati logouwak. Nen At obabut hilingiti lagaikhe mene andoma it afuni ekhe fakhogo yagaisikhi logolik he wuni inanggilukhogo wati logouwak.

MAZMUR 116:17

An samban hayonggo fikhi logolik, hai wathafi lagi, iluk, Hat faget ekhe hobagai wesigin o.

MAZMUR 147:7

Nit nineisena Tuhan obaget wuni fogeratarek awuni wulagaisogo wa'ni o, nit nineisena Allah obaget pinggong kecapi kong e'ni.

MAZMUR 41:13

An nendawinggen sebel fakhaluk welagi andiba re Haren an lebetniikhi lagen, nen an nebe Hat ninom mondok-mondok logouwageluk hilingnobagakhi lagen.

MAZMUR 50:14

Hiren An nobaget wam yi mene ti mene warogo wo'nesu hak he, An hai warogo wa'neti lagep mene andi wo'neti logoni o, Nen hiren At Lego Mondok welagarek mene hinom wene wati legep mene andi nek tiphogo hilingiti logoni o.

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

MAZMUR 89:52

Tuhan neisena. Haselei mene nen ap raja Haren wenaten mene a'nogo inane asegen wokhili'lagwi o. Nen, at ebe yikwe tikwe lagunem he iren li'noratu mondok werego,” iluk Allah ayonggo fesikhe.

MAZMUR 95:2

Niren wuni hai watu awuni warik-warik At were'ma louwogen we'ni o, wuni At fogeratu awuni ikhi logolik hinagaiyege'ni.

YESAYA 51:3

Yerusalem, An nen hat konhobagakhi logogin, meisalhigik pikhe kwe welagep mene andoma mondogat konhinafi logogin o. Lei pirimsekwe andoma re an neabu Eden yabumo mondok fano heiselek welagaikhe a'nogo hak hilingisogo fagain o. Andoma ap inagaiyekhogo logolik inanggilukhogo hilingiti logogun, wuni wulagaisogo hai warogo hilingiti logogun.

YEREMIA 33:11

Oba nen he o andoma bene re inane inagaiyekhogo agarek mene inom, inamolorogo agarek mene inom, afuni iginafi logolik inane agarek mene inom, holhi logogun. Nen afuni nen An nobaget hai warogo noba waluk lagu mene iluk inangge fugu mene waluk laga logolik wuni ugu mene ogore inesanggo holhi logogunat. Iren ikhi logolik, ”Tuhan Omame Mondok Hokho mene andi oba hai wasuok, At mondok fano logolik endawi hundik oba nek hilinginaferek mene andi re etok mondok logogin mene hilingi'mo re oba hai wasuogo ikhi logogun. O kweang yiba re An nen attak hilingik welaga hak sik-pikhogo hilingfagain o. Iluk An Tuhan nen nane mondogat igi,” ikhe.

YEREMIA 33:9

Yerusalem he An nen nagaiyek oba figik, enu werek welagik, agaugweratik, fogeratik ugu mene asigin. Yi afuni ti afuni inunggulenu lombok o kweangma welagaikharek mene nen he, An nen mondok fanorogo afuni Yerusalem mene inoba halfisikhi logogin mene andoma faget inom, nen o kota andiba yi mene ti mene sik-pikhogo logouwageluk hilingfisikhi logogin mene faget inom, inesanggo holhaluk he it inailo nen inoak leigetik, An nebe legeisogo nobagagik, ikhi logogun.

YUNUS 2:9

A'nogo meneat he, an enek he, Hat faget wuniba fogethafik, hanggo ekhe warogo nolhetik, igin o. An nen, yi'nogo hilingisigin, iluk wene watheti mene andoma re, mondogat hilingisigin. Hat Tuhan he telinafendek mene o, neisena,” iluk ayonggo fesikhe.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

ROMA 11:36

Eroba, yi mene ti mene mondogat he, at Allah nenat elalhikhemo, at enggiba welagarek. Logombik he, wurep oba, aren at hilingisigin. Halok, at enek fogeratu mondok logouwogo, iluk igi andi, ebe asuak u hak, ”Amin,” igi andi.

1 KORINTUS 14:16

Andi hagat he, hat ekhe nen Allah Areagun nen yagahetu kwelek inane honggot mene elalinat ikhi logolik, ”Allah neisena,” iluk hai wasigin halok he, at ekhe onggot mene nen futfigi'lek logolik, ”Wene ikhe andi ebe asuak,” iluk u hak, ”Amin,” iluk ugun nogo? Wene hat igin andi re, at onggoren, a'nogo ugun elo'lek andi o.

2 KORINTUS 4:15

Nit yi enggin ti enggin mondogat hikhi lago andi re, hit fageraro. A'nogo hikhi lagoba, at Allah obabut fano mondogen afuni ekhe endawiratik, ekhe endawiratik, inebe hokhorogoat lambulik endawirinafi logolik telinafunem he, inebe hokhorogoaren, Allah hai wari'lagwi andiba, it ekhe nen Allah fogerari'lagwio.

KOLOSE 2:7

e omanggen kweangma ninghogo yaterek andi hak, hinomanggen Yesus oba ninghogo yakfuluk logolik he, o anduli ninghogo pelakfuluk o ebe amboloba wutarek hak, hinendawinggen Kristus oba himbiret fesigip mene a'nogo, hinenggi pukhogo fisogo logolik, Allah hai wato mondok logoino o.

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.

YUDAS 1:25

Nineisena Allah alegaren ninoe Enupogot Yesus Kristus hilingitikhe andiba telninafikhe mene a'nogo eisewerek omame hokho aro, iluk, at fogeratik, esinet figik, ikhi logouwogen, eroba yi mene ti mene walhigi'le'ma Allah alegat welagaikhe andiba nen, yogondak ya nen, hobuk mondok logolik, a'nogo fogeratu mondok logouwok, iluk ”Amin,” igi andi.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

WAHYU 19:4

A'nogo ugu kwelek, it ap inaluendek inebe 24 en omanogo inom, it Allah nen elalinafikhemo ineluk welagaikharek mene inebe enggaminogo nen omanogo inom, inomen at Allah ebe kain welagarek obuluk oba were'ma awe a'ma kuluk, ineindep awi yagaisogo fogerati logolik mel ikhi lagaikha: ”Ebe asuak,” u hak, ”Amin,” igik, ”Fogethafi lago,” u hak, ”Haleluya,” igik, ikhi lagaikha.