WAHYU 7:1 - Allah Wene Fano Wene Hupla Inane1 A'nogo neilenggen isigiri'mo nen, ombo'nere, ap malaikat inebe enggaminogo mene nen pogot erokwe po'likwe-ma'likwe elikwe-yikwe sogoi funha wagarekwe, kwe elugun sebelogo mendek logolik, sogoi enggaminogo mene nenat kweanggwe funha waga logolik engga abologet higik, i laut yenggelek kwe funha wagik, inogo iluk inenggi fisogo were'ma yerisigi. အခန်းကိုကြည့်ပါ။ |
WAHYU 7:1
23 ပူးပေါင်းရင်းမြစ်များ
Allah ane an noba ikhi logolik, ”Afuni wa'lagaikharek mene yi re, sogoi oba hane in o. Hat hane ikhi logolik he An Tuhan Lego Mondok welagirek mene a'nogo nen at oba re o unggut fena-fena mondogaren sogoi funha waga logolik ap warek oma inambotkwe ineluk asuageluk set kwelakfisa wesuak ikhe,” iluk yagaisan yaganete.
Oba nen at omame logogin mene a'nogo hokho aga logolik andem he o kerajaan aren mene a'nogo minggilaga logolik akhogo enggaminogo hilinglasigin. A'nogo hilinglasumo re raja at eisok erokwe mene lek oba nen it ekhe amu mene nen at obali'mo ferinarek logogun, oba nen it he at omame logogin andem hak hilingik logogun lek.
Kambing ai mene a'nogo re ebe hokho aga laga. Oba nen he at ebe omame werek mene asi lagagunem andem oba re at andimuk hokho mene a'nogo sombologo lagunem higi. Andi nen obalikwe a'nogo re andimuk enggaminogo mene ngasimnurogo wulibi waga laga. Wulifunem he andimuk andem ebe lombok he efe hebelhigik amu-amu hilingik welaga.
Laga logolik, at Yunus a'nogo kapal a'nogo a'ma pisikhesik nogo obabelek agaikhe. A'nogo nogo ugu kwelek, At Tuhan nen sogoi aninirogo i laut oba lakfei wagaikhe. Sogoi a'nogo hokhorogo funhikhi logolik he, i ha'labu hokhorogoat foinalhi logolik, kapal a'nogo halogesu hak hilingitikhe. A'nogo hilingitikhemo re, it ap kapal waluk lagaukwa mene omanogo inailo hokhorogo agaukwasik, it mene tugwi kembu omanogo nen telninabuageluk inane hokhorogo kwetukwama, kapal a'nogo se asuageluk sunggwe kapal elema kwelabek mene omanogo hambokhogo i lakfisigik, isukwa. It a'nogo hilingirik laga logolik he,
A'nogo waga logolik he, an nen it malaikat Allah pogoroba nen yonggo lakfisa wagarek mene omanogo yonggo lakfisikhi logolik he, nambinggong ane hokho mene pak ugunem he, iren afuni an nen wenaginafigi mene omanogo, o unggut elikwe, yikwe, po'likwe, ma'likwe, yi awi ti awi o pogot ero-ero a'lima nen mondok andogerinabugun o,” iluk yagaisasikhe.
A'nogo liabi wagunem he, weim yabuogeluk, afuni inunggulenu lombok pogot ero-ero po'likwe, ma'likwe, elikwe, yikwe, welagaikharek mene lalinabigeluk inendawimo kagalik laga-laga higi. Andi re, o enu Gog mene inom, Magog mene inom, inoba weim yonggo lagasik, inebe mondok hokhorogo ial laut yenggelek esanggokwe welagarek andi hangge andogorogo fisikhemo welagaikha isigi.
A'nogo nugunem yethigirik, nesanggo holhi hak he, it Allah nen elalinafikhemo ineluk welagaikharek mene inebe enggaminogo omanogo inendawimo nen afuni inane hangge mene mel ikhe: ”Gandum enggen ilirengge waruk oak misigat enek kwalogo re, onggo yabu inenggi misigam faget hilingitunem inenggi onggo wogisagarek andi hak mondogat fogoin o. Nen, hombak enggen hangge enu jelai andi mene ilirengge waruk henagan meneba kwalogo re, onggo yabu inenggi misigam faget hilingitunem wogisagarek andi hak mondogat fogoin o. A'nogo meneat he, minyak e zaitun amusu inom, anggur amusu inom, andi nek he, weaget fogoin lego,” iluk ugunem holhi.
A'nogo hebelfuluk he, attak malaikat ekhe ambinggong anet hugunem he, meiso sogonggen inom, endu inom, mep inom, inom nanggelek-hanggelek hilingisogo kweangma woukhogo pelabi wagunem he, kweang inom, e hokhondek inom, ebe henagan oba minggilogo fagasik pire herakfikhi logolik, ekhe hali luphogo ninggik, engga helengga ket mene mondogat ninggik, ugunem yethigi.
ကြော်ငြာတွေ