WAHYU 6:12 - Allah Wene Fano Wene Hupla Inane

¹² A'nogo yerisigiri'mo nen, ombo'ne yethigi hak he, suesingga uan meneba silo fagarek andi hak, amusu te'merogo fesukwa a'nogo mene Domba Eak a'nogo nen enggi fuap oba arat fikhalhesigen, ekhe fikhalhunem he, lugul hokhorogo lang-fanget higik, o mo elokhonggen mum hal-hali warek hangge hilinglagik, tugi elokhonggen afuni inamep hangge agik,

WAHYU 6:12 ပူးပေါင်းရင်းမြစ်များ

YESAYA 24:23

Tuhan Omame Mondok Hokho mene a'nogo ebe Raja menlasimbik melalinafi logolik werek kwelek enek he tugi elokhe mum agik, mo yati'lek kamo igik, igin. At ebe o Yerusalem oba logolik Andom Sion oba andoma nen melalinafi logogin. Andoma nen he it afuni kaindek At againafuri ferinarek welagaikharek mene omanogo inelokhoma nen Aren elalinhogo hilingiterek mene omanogo inugisagain.

YESAYA 29:6

Tuhan Omame Mondok Hokho mene a'nogo nen o kota andi sogoi sielu hokho meneba nen inom, lugul hokho meneba nen inom telogo fagain. Aren sielu inom, endu amulok inom, herogo tak ikherek mene lakfei wesumo re mondogat libunghogo nagain.

YESAYA 34:4

Mo, tugi, hesagalenggen, mondogat he wolelenggenhogo legasigin. Pogot he suesingga yinggilharek hakhogo yinggil isagain, hesagalenggen he e engga sawet a'luk lolhigik pikherek hak pi wesigin.

YESAYA 50:3

Pogot he elokhe mumeak mene hilingisogo figik, su kain afuni wa'lagunem yanggulharek andi hakhogo salogo figik isigi andi,” iluk ikhe.

YOEL 2:10

Nen it inebe kwi lagunem he, kweang abolok igik, pogot abolok igik, ikherek. A'nogo ugunem, mo inom tugwi inom mum agik, hesagal yati'lek kamo igik, ikherek.

YOEL 3:15

Mo inom, tugi inom, mum agik, hesagal yati'lek kamo igik, igin o,” iluk isikhe.

AMOS 1:1

Ap Amos andi ebere domba konhi lagaikhe mene awi o kota Tekoa agun welagaikhe. At ebere it Yehuda meneba andoma hun Uzia raja logolik melalinafu kwelek, nen it Israel mene re raja Yerobeam hun Yoas amlogo a'nogo logolik melalinafu kwelek andem oba Amos ebe nabi menlagaikhe. Menlagaikhesik tahun pire wela'luk o lugul oan langhigi'lek werek kwelek, At Allah nen he Amos oba afuni Israel mene inobaget wene yagatikhe.

AMOS 8:9

An nen he, o linggene werek kwelek mo ubukhogo kuageluk hilingitik, mum asuageluk hilingitik, igin oba werego, iluk An hineisena Tuhan Lego Mondok welagirek mene a'nogo nen nane arat igi.

ZAKHARIA 14:5

Hit he, punu andi pire pelanget lasumo re fanggong kwe andi nen heise logoin. Hit he attak hun Uzia afuni Yehuda mene faget raja mendek were'ma it inombalak o lugul inailo nen heise lagaukwa a'nogo hak, hilingisugun. A'nogo hilingisumo re, an Neisena Tuhan Allah ebe re malaikat inebe mondogat inom seberogo wesugun.

MATIUS 11:21

”Hit afuni o Korazim mene inom, o Betsaida mene inom, eige! Nendawilage. Afuni nen hilingisu lek mene an nen elalinat hit ninom logolik hilingiti lagi a'nogo, o Tirus Sidon andoma hilingiti logoilema re, it afuni o andoma mene heang fuluk hilingitarek hak, inasu weak mene laberigik, wul fesi inunggul oba yuguligik, ikhi logolik he, weak hilingiti lagaukwa mene andi hebisaluk inobabut fageat hebela'lep meneat he, hit he, a'nogo hilingisu hinabit andi nen weaget hinabigin o!

MATIUS 24:29

At Yesus nen a'nogo yagaisasikhesik, hobuk ekhe mel yagaisasikhe: ”Weak hokhorogo a'nogo hambik oba nen inenggi hokhorogo welagi'legat he,” O mo mum agik, tugi yati'lek kamo igik, hesagal pogoroba nen lologo pi wagik, pogoroba inomame hokho mene andi Allah nen inabologet higik igin o.”

MATIUS 24:7

Yi afuni ti afuni inunggulenu lombok weim kagalhik, ap inenupogot inagoromi inawe a'ma mene lombok weim kagalhik, o yi awi ti awi sumburu ouwak agik, lugul langet higik, igin o.

MATIUS 27:45

A'nogo yagatu were'ma re, o lingge tulem jam 12 oba o mum agaikhesik he, o andoma mondogat huli jam 3 mumat welagaikhe.

MATIUS 27:54

Nen, ap tentara mene inoe kain mene inom, agoromi fena Yesus era'lu kagalek welagaukwa mene omanogo inom, lugul langethigik, yi elalin mene hilinglagik, isikhe omanogo ineilenggen hasukwasik inailo hokhorogo agaukwasik he, ”Ap yi re, Allah amlogo eberogoat higi o,” iluk isukwa.

MATIUS 28:2

Wagu kwelek aremnogoat he, lugul hokhoat langet hugu kwelek malaikat pogoroba yonggo nikherek mene ekhe pi wagaikhesik, kwe helep mene to'morogo yagatukwa a'nogo lenggakhogo lakfesikhesik he, oba hu'lagaikhe.

MARKUS 15:33

O linggene tulem jam 12 oba o mum agaikhesik he, o andoma mondogat huli jam 3 mumat welagaikhe.

WAHYU 11:13

O andi sambul he, lugul hokho inailo mene ekhe lang-fanget hikhi logolik, o kota andi ebe 10 ba minggilogo fikhesik, hokhorogo herakfikhi logolik, misigat ekhe mondok wolelenggen tagalogo fikhi logolik, afuni inebe 7.000 nen inoatunem, it fena inoati'lek mene inailo hokhorogo agaikhasik, iren he, ”Allah pogoroba mene, nailo e,” iluk fogeratunem isigi o.

WAHYU 16:18

A'nogo ugunem he, eilabut hobugalep yararethigik, unggunggu ane pak ilugen, ane lulu lagik, lugul inailo mene afuni Allah nen elalinafikhe huli nen yogondak huli, lugul andi hangge ekhe langfanget higi'lek mene andiat langfanget higik, ikhi laga yethigi.

WAHYU 16:8

At malaikat enggaminogo nek mene nen he, Allah a'mage i hak hinago a'nogo mene ekhe moba kweisalogo fugunem he, mo aigen afuni inoba endu hangge ninggi logouwageluk, mo aik hokhorogo hilingisogo fikhemo, afuni inoba endu hangge ninggi laga yethigi.

WAHYU 8:12

A'nogo malaikat inebe henagan andem inambinggong anet hagasik oba nen, ekhe ambinggong anet hugunem he, mo inom, tugi inom, hesagal inom, afuni yei inoatunem inomame lek agarek andi hak, inamulit henagan oba hakhogo minggilogo fuluk, pire herakfikhi logolik, ekhe mum a'luk yati'lek kamo ikhi logolik, o lingge misigat mene, hokhokwe mo yati la'lugen, endepkwe yati'lek kamo igik, o hup misik mene minggilogo, hokhokwe selek wela'luk, endepkwe mum mondok agik, ikhi laga higi.

WAHYU 8:5

A'nogo hilingitesik, hobuk he, at malaikat a'nogo nen endu yi mene ti mene Allah faget noletarek a'nogo mene wanhesik, lemesak a'nogo elonggoma kwalogo re, kweangma woukhogo pelakfisa waga laga. A'nogo pelakfisa wagunem he, eilabut hobugalep yararethikhi logolik, unggunggu ane hokho mene pak ilugen ane lulu lagik, lugul hokho lang-fanget higik, ugunem higi o.