WAHYU 5:5 - Allah Wene Fano Wene Hupla Inane

⁵ A'nogo le agunem he, ap inaluendek omanogo mene ekhe nen he, ”Le agu lego. E asimit fulelherek andi hak, ap Daud en tagongge mene unggulenu Yehuda mene ta'lagaikhesigen, ebe mene olomene hangge enu singa a'nogo arat omame agasik eisewerek agasi'mo re, suesingga uan meneba lisu palek yinggilik andi, it ekhe ineilenggen yethanogo iluk silo 7 nen werek a'nogo elok fikhaligin o,” iluk yaganete.

WAHYU 5:5 ပူးပေါင်းရင်းမြစ်များ

1RAJA-RAJA 10:20

Kwe pela magendek abel ebekwe mene inom harekwe mene inom andomaba re singa mene alik hilingisogo, lambukhogo 12 nen hilingisogo fesikhe. O yi awi ti awi mondogat inogogwi raja logolik melalinafi lagaukwa kwe andoma nen he a'nogo ekhe wutukwa lek oba nen we at Salomo nen enek wutikhe andi.

2 TAWARIKH 9:18

Kursi andi ebe re enggi fena-fena hilingi'mo re esanggo fena-fena re no singa alik hilingisogo wutikhe. Nen kursi andi pela re 6 en pelarogo liabe'ma re nen eisok fuguba faget he no emas meneba saplirogo labere'ma re kursi ebe inom hundik welagaikhe.

AYUB 41:15

At amboloak he, sing eil oba louk-louk itarek andi hak mondok seleben takhogo hilingi'mo re, helep hangge mondok haro welagarek.

YESAYA 11:1

Raja Daud ambisangmangge mene re e mukfugu mene hak. Oba nen he, e ebe mukfugunem andimiba nen asimit suphogo lagaikherek andi higit hobuk Daud ambisangmangge mene nen raja ekhe weinam asigin o.

YESAYA 11:10

Linggene ekhe wesigin oba re raja ket mene Daud ambisangmangge mene ekhe re yi afuni ti afuni inobaget menlasumo re inebe mondogen At faget herarik waga logogun. Iren At oba we'luk he, At ebe werek oba mondok fanoma omanogo andogoluk fogerati logogun.

YEREMIA 31:16

Hat le aga lagen mene andoma palfigik, heilamusu tetik in o! Haren againafuri faget a'nogo hilingiti lagen mene andoma re we alomarogo fuk. Hat hobaget ambisangma onggo logogin, hat hagainafuri re o it inaselei mene inanggweang oba andoma nen nekhengge wesugun.

DANIEL 7:16

A'nogo logolik, it ekhe mendek welagaikha omanogo mene ekhe nen wene andi faget mondogat ebe pilingisogo yaganesuageluk oba horokhogo lagarik yagati. A'nogo yagatimo, aren he, ”Yi'nogo hilinglasigin mene faget hegen,” iluk yaganeti logolik,

BILANGAN 24:9

It afuni inunggulenu andi mene inebe re, mene olomene enu singa aik anini mene hangge inom, holou mene hangge inom, werek. A'nogo logolik, inelokhe sogoum seralek were'ma sa nen ailo'lek inelugetfisagain anggegep? It afuni ekhe nen it fanorinabugun halok, Allah nen it afuni andi fanorinabigin aro. Nen, it ekhe nen homan fisogoin halok he, Allah nen it afuni andi homan fisagain aro,” iluk isikhe.

LUKAS 23:28

A'nogo hilingirik wagunem, at Yesus elokhe hebekhogo kwelagisasikhesik he, mel yagaisasikhe: ”Hit hemi o Yerusalem mene yi re, an nobaget le agu lego. Hit he, hineagwi hinom hinonggwarek hinouwak le akhani o.

LUKAS 7:13

Yerisasikhesik he, Tuhan Yesus nen he, he sogwe a'nogo eilenggen hasikhesik, endawi agaikhesik, mel yagatikhe: ”Nerei e. Le agun o,” iluk yagatikhesik he,

LUKAS 8:52

Kwisukwa hak he, afuni mondok hokhorogo helenggerek a'nogo ware'ma logolik he, obaget le agik, inendawinggen warigik, ugunem kwisukwasik at Yesus nen he, mel yagaisasikhe: ”Le agubo. Helenggerek ari ebe wa'lagi'lek. We, nogo ili'logo,” iluk yagaisasikhemo,

YOHANES 20:13

A'nogo isasikhemo, iren he, mel yagatukwa: ”He yi nerei e. Hat nenahalok le aga lagen,” iluk isukwama, aren he, mel yagaisasikhe: ”An noe Enupogot warek afuni nen waluk o koma fei lagaikha heat ma re, an nonggoren le aga lagi o, nerugwi,” iluk yagaisasikhesik,

ROMA 1:3

Wene lisu palogo fesukwa andi, ebe re, Allah amlogo ninoe Enupogot Yesus Kristus fageraro. Afuni ta'lagaikharek hak he, ebe Daud en tagongge mene nen ta'lagaikhe. Meneat he, ebe wa'lagaikhesi'mo nen, Allah Areagun omameba eluget fesikhe andiba, Allah amlogo aro, iluk enegat agaikhe andi.

ROMA 15:12

Nen, ekhe re, at Yesaya nen he, mel iluk lisu palogo fesikheat: ”E mutarek mene andimiba nen asimit lagaikherek hak, at Isai nen tagongge mene ekhe weinam asigin. Weinam agunem he, it afuni endakwe mene at awe a'ma logolik, aren fano'ninabigin, iluk at oba eberek logogun o,” iluk lisu palogo fesikhe.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.

WAHYU 22:16

A'nogo yaganetesik, at Yesus nenat hobuk yaganeti logolik he, ”Yi wene ti wene yi abok, an nagot malaikat en hit nagainafuri o yi awi ti awi andogoti lagep mene mondogat yagahisoageluk hinoba lakfei wagi andi re, an Yesus nen aro. Nen, e asimit fulelherek andi hak, ap Daud en tagongge mene a'nogo re, an nebe aro. Nen, hesagal wap o mo yegelogo lagai wagarek higiren, liabi wagarek mene amulit hokho a'nogo re, an aro,” iluk yaganete.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,

WAHYU 4:10

it ap inaluendek inebe 24 omanogo nen, at kain eluk mondok welagarek mene a'nogo ineindep awi yagaisogo fogerati logolik, kware-kware inunggulmo ugu mene kirik-korokhogo, at kain welagarek obulu'mo a'nogo elokhoma yethikhi logolik he, yi'nogo ikhi lagaikha:

WAHYU 4:4

At kain welagarek oba obuluk tulem werek kwelek, it ekhe kain welagaikharek mene inobuluk 24 en were'ma, ap inaluendek inebe 24 enat inasu kut mene laberogo, nen, kware-kware emas meneba mindago mene pugethigik inobuluk ebene hurek welagaikha.

WAHYU 5:4

A'nogo ap eisewerek, suesingga uan meneba lisu palek andi, elok fikhalhambik eilenggen elonggoma kwelakhagain mene ebe mondok lek andi nen he, nendawimo weak agarik, le hokhorogo agi o.

WAHYU 6:1

A'nogo higirik oba nen, hobuk silo fagarek andi hak, suesingga uan mene amusu ebe 7 ba te'merogo fesukwa mene a'nogo, Domba Eak a'nogo nen, ekhe omanggum fikhalhunem he, it Allah nen elalinafikhemo ineluk welagaikharek mene inebe enggaminogo mene ekhe nen omanogo mene ekhe nen he, ”Eme o,” iluk ane unggunggu ane hangge ugunem nesanggo holhi.

WAHYU 7:13

A'nogo ugu kwelek, it ap inaluendek omanogo mene ekhe nen heinok wo'niikhi logolik: ”It afuni inasu kut uandek mene laberek yoma re, sani. Nen, o koma nen wagaikha,” iluk heinok wo'niikhe.