WAHYU 5:13 - Allah Wene Fano Wene Hupla Inane

¹³ Andi hak, it Allah nen elalhikhe mene mondogat, pogoroba mene inom, kweangma mene inom, kweang a'ma mene inom, i laut yenggele'ma welagarek mene inom, mondogaren ikhi logolik: ”At kain welagarek obuluk oba werek andi, Domba Eak a'nogo emberegat, Irat inomame werego, iluk hai warinafik, agaugwerinafik, fogerinafik, ugu mondok logouwogo,” iluk ugunem holhi.

WAHYU 5:13 ပူးပေါင်းရင်းမြစ်များ

1 TAWARIKH 29:11

Hat he mondok hokho mene logolik halong welagen. Hat he hombak-pak logolik halong welagik, haren hilingiti lagen mene re ambisangma mondok tiphogo nek agik, Hebe mondok lego welagik, hilingik welagen. Yi mene ti mene pogoroba inom, kweangma inom andoma Hat honggwarek hangge nek. Hat he (Raja) mondok lego mene welagenma re, yi mene ti mene mondogat Hat homame a'ma nek werek.

YESAYA 24:14

Afuni ineluk inagap telinabigin mene omanogo re inagaiyegen wuni wati logogun. Afuni mo erembul fikhit werek mene nen Tuhan elalinhogo hilingiterek mene a'nogo faget fageti logogun,

YESAYA 42:10

Wuni ket mene Tuhan faget felalogo ini o, Hit afuni kweangma welagep mene mondogaren he, Arenek fogera'ni o! I laut inom, elonggoma werek mene inom, yi awi ti awi yatkwe-yatkwe welagaikharek mene inom, inebe mondogat At faget fogerasuogeluk andogosi we'ni o!

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

LUKAS 2:14

”It pogot abel ponggweba welagaikharek mene nen he, nineisena Allah andiat fogerati logouwogo. Nen, it afuni kweangma yoma inebe Allah oba liok ikherek mene re inendawinggen hambukhogo logouwago,” iluk isukwa.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

ROMA 11:36

Eroba, yi mene ti mene mondogat he, at Allah nenat elalhikhemo, at enggiba welagarek. Logombik he, wurep oba, aren at hilingisigin. Halok, at enek fogeratu mondok logouwogo, iluk igi andi, ebe asuak u hak, ”Amin,” igi andi.

ROMA 16:27

At Allah alegat endawimo kagalek welagarego. At Yesus Kristus nen hilingitikhe mene faget Allah fogeratu mondok logouwogo, iluk, ”Ebe asuak,” iluk u hak, ”Amin,” igi andi.

ROMA 9:5

Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.

EFESUS 3:21

Nit Allah againafuri andogorek mene mondogat Kristus Yesus ninom hundik logolik ninebe ekhe hobuk mene ket ta'larik lagu kwelek, Allah eberogoat fogeratu mondok logouwok, iluk, ”Amin,” igi andi.

FILIPI 2:10

It pogoroba mene inom, kweangma mene inom, kweang a'ma mene inom, mondogat Yesus fogerati logolik, ineindep awi yagaisogo inebe lombok, at awe a'ma kugun andi.

KOLOSE 1:23

Halok he, fano wene hinesanggo holhigipsik he, hinendawimo nen: ”Hobuk fano asigin,” iluk, anggasigip mene andi, hinendawinggen abolok iluk kobokhogo herakfisigi'lek ninghogoat fisogo logoino. Fano wene andi, aren o yi awi ti awi afuni inebe mondogat yagaisasikhe wene andi yagaisilik nikhi logouwageluk, an Paulus nayonggo fesikhe andi.

1 TIMOTIUS 4:16

A'nogo hilingiti logolik, honggwarek faget inom, it afuni ekhe yagaisikhi lagen mene faget inom, hobabut hebelogo logoino. Hebelogo logolik, hendawimo puk agi'lek, andi meneat hilingitu mondok logoino. A'nogo hilingiti logogin halok he, honggwaregen hebe teligik, afuni ekhe hane holi'lagwi mene inebe telinafik, igino.

1 PETRUS 4:11

A'nogo ikhi logolik, Yesus Kristus hinom hundik logolik hilingitunem, it afuni ekhe nen Allah fogerati logouwageluk, hit ekhe nen wene yagaisikhi logolik, Allah aneat yagaisigik, hit ekhe nen it ekhe leberisikhi logolik, Allah omame wo'nisikherek andibaat leberisigik, ikhi logoino. A'nogo hilingiti logolik, Yesus omame hokho etok mondok welagarek mene a'nogo fogeratu logouwogeluk, ”Amin,” igi andi.

1 PETRUS 5:11

Yi mene ti mene mondogat at alegat eise logolik fisogo mondok logouwak, iluk, ”Amin,” igi andi.

YUDAS 1:25

Nineisena Allah alegaren ninoe Enupogot Yesus Kristus hilingitikhe andiba telninafikhe mene a'nogo eisewerek omame hokho aro, iluk, at fogeratik, esinet figik, ikhi logouwogen, eroba yi mene ti mene walhigi'le'ma Allah alegat welagaikhe andiba nen, yogondak ya nen, hobuk mondok logolik, a'nogo fogeratu mondok logouwok, iluk ”Amin,” igi andi.

WAHYU 1:6

A'nogo fikhalninafikhesik, nit at eisena faget hilingiti logouwageluk, ninebe kain Allah eisewerek menninobagasikhemo welago. A'nogo menninobagasikhemo logolik ninendawimo nen he, ”At Yesus Kristus andi, omame hokho werek,” iluk nit at ebe eberogoat fogeratu mondok logouwogo, iluk, u hak, ”Amin,” igi andi.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.

WAHYU 5:1

A'nogo hilingitunem neilenggen isigirik oba nen, ombo'ne re, at kain a'nogo ebe obuluk welagarek oba logolik, suesingga uan meneba lisu elonggoma inom endakwe inom palek mene yinggilik were'ma, ”It ekhe ineilenggen yethogoin lek,” iluk silo fagarek hak, amusu 7 ba te'merogo fesukwa mene enggimo fisogo were'ma neilenggen higi.

WAHYU 5:12

”Domba Eak watukwa mene andi nek he, yi mene ti mene awe a'ma fisigik, eilmo werek welagik, wene endawimo kagalek enek welagik, omame hokho welagik, ikherego. Halok, at enek he, elok agaugweratik, fogeratik, hai watik, ikhi logogun o,” iluk fogerati lagaikha.

WAHYU 5:3

Heinok a'nogo wanhemo, it ekhe pogoroba mene he a? Kweangma mene he a? Athe, kweang a'ma mene he a, suesingga uan meneba lisu palek yinggilik andi, elok fikhalhambik, elonggoma kwelakhogoin mene eisewerek ekhe welagaikha lek.

WAHYU 5:6

A'nogo iluk yaganetesik oba nen, ombo'ne re, it Allah nen elalinafikhemo ineluk welagaikharek mene ekhe inebe enggaminogo omanogo inom, ap inaluendek inebe 24 en omanogo inom, at kain welagarek obuluk era'lukwe werek kwelek, inanggele'ma tulem he, Domba Eak arat watukwa mene ungguloa'ma aik 7 nen wulibik, nen, eilenggen 7 nenat mene mendek welaga. Eilenggen 7 nen andi ebe re, Allah nen Areagun o yi awi ti awi lakfisikherek mene omanogo aro.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.

WAHYU 6:16

A'nogo hinago logolik, tom inom, helep inom, inoba re mel yagaisikhi lagaikha: ”Allah anini ninoba fagain a'nogo arat horok asi waga yoma re, sa hagen endawinggen puk asimbik sebelhaluk logogin anggegep? Elo'lego. Andi nen he, hiren, at kain welagarek obuluk oba werek andi nen elokhe age watnisigik, Domba Eak andi a'mage ninoba fuluk ninoatik, ugun yi re, sanokhogo ninebe sebelninabimbik he, hina'ma hinakninobagani o,” iluk kino yagaisugunem nesanggo holhi o.