WAHYU 4:7 - Allah Wene Fano Wene Hupla Inane

⁷ A'nogo welagaikha andi, ekhe re, mene olomene hangge enu singa andi hangge, nen, ekhe re, wam sapi ai waluk mene hangge, nen, ekhe re, elokhonggen afuni inelokhonggen hangge, nen ekhe re, sue loine tarogo lagunem yethagarek hangge, were'ma yethigi.

WAHYU 4:7 ပူးပေါင်းရင်းမြစ်များ

KEJADIAN 49:9

Hat he, hobabut mene aik anini mene hangge enu singa oan mene obabut higit welagen. Hobabut he, mene singa paik wa'luk aiba ambotkwe lagarek hak hilingiti lagen. A'nogo weagerinapluk haiba we'luk lagi-lagok ugunem, Hoba menggel habi wesu re, inailo nek werego.

2 SAMUEL 1:23

Saul inom Yonatan inom andem he, inobabut sakhorek logolik, inendawi hundik welagaikharek mene o. It ineluk oba inom warek oba inom hundik-hundik misik seberogo nek welagaikharek mene o. Sue pim en lagarek he endep harek oba nen, iren hilingitunem he weak-weakhogo nek hilingitarek mene o. Wa'lagaikha misi'mo aro. Singa eak oan mene re, omame endebat lek meneat he, it andi nek he inomame mondok hokho mene o.

AMSAL 28:2

It afuni inunggulenu mondogat weak hilingitu halok he, inomame logolik ferinarek werek inap omanogo re pigik lagagik agarek, oba nen obabut hebelek mene nen melalinaferek oba andoma inabolok igi'lek fanorogo logolik melalinafu logogun.

YESAYA 40:31

Oba nen he, ap Tuhan oba inendawinggen himbirik logolik logogun mene re, inomame ket mene kwelakhikhi logogun. It inebe re sue pim agerabul omame meneba tarogo yat patma lagarek hak hilingik logogun. It he humusek laga logogun oba nen inomame lek aga logogin lek, nen kwe laga logogun oba nen inoba lebelek aga logogin legat.

YEHEZKIEL 1:10

Ineluk werek mene inebe 4 en aremnogo inebe lombok, inelokhe agaum-fagaumhogo welagaikha, inelokhe fikhit he afuni inelokhe hangge, inabel ebekwe fikhit he, mene singa elokhe hangge, nen inabel harekwe fikhit he no sapi eak elokhe hangge, nen inambotkwe fikhit he sue rajawali elokhe hangge hilingik were'ma isigi.

YEHEZKIEL 1:8

Inebe lombok inelokhonggen enggaminogo, nen inogolabi enggaminogoat hilingik welagaikha, nen andi werek kwelek meneat he, inogolabi ebe lombok andem a'makwe re, inenggi afuni inenggi hangge welagaikha.

YEHEZKIEL 10:14

Kerub inebe lombok he inelokhe enggaminogo agaum fagaumsek welagaikha. Inelokhe attak menere kerub elokhe mene hilingik welaga, pirenek mene re afuni inelokhe hilingik welaga, henaganek mene re singa elokhe hilingik welaga, nen enggaminogonek mene re sue rajawali elokhe hilingik welaga.

YEHEZKIEL 10:21

Kerub andoma inebe lombok inelokhe re enggaminogo, inogolabi re pire wuthogo welaga, ekhere ap inenggi hangge inogolabi a'ma andoma welaga.

DANIEL 7:4

Attak-attak wulibi waga mene re, ebe singa hangge meneat he, ogolabi sue pim ogolabi hangge mene wulibi wagunem yethigi. A'nogo yethigirik yerogo were'ma ferekhogo aremnogoat ogolabi henegeisogo pikhesik he, kweangma nen legeisogo afuni mendek welagaikharek andi hak eisok pireba yagaisogo menfikhesik, obabut he, afuni inobabut hangge wogotunem yethigi.

OBAJA 1:4

A'nogo anggikhi lagen oba nen he, hat haiba sue fogonoe awi mondok pulema wuterek andi hak inom, nen pogoroba hesagalenggen werek oba walek po'lima inom, wusigin meneba nen ogore, An nen hat pelakhabi wesigin aro.

BILANGAN 23:24

It afuni inunggulenu andi mene re, mene olomene holou mene nen eluk a'luk welagarek hak welagik, ai mene nen menla'luk welagarek hak welagik, ikhi logolik, singa andi nen sue paik ekhe at ninggerek mene ebe warogo felelenghogo amep inomat ninggi'lek logolik ebe weinglagarek lek andi hak hilingiri'lagwi o,” iluk yagatikhe.

BILANGAN 24:9

It afuni inunggulenu andi mene inebe re, mene olomene enu singa aik anini mene hangge inom, holou mene hangge inom, werek. A'nogo logolik, inelokhe sogoum seralek were'ma sa nen ailo'lek inelugetfisagain anggegep? It afuni ekhe nen it fanorinabugun halok, Allah nen it afuni andi fanorinabigin aro. Nen, it ekhe nen homan fisogoin halok he, Allah nen it afuni andi homan fisagain aro,” iluk isikhe.

1 KORINTUS 14:20

Nerugwi nagaila'lak. Wene hinendawimo ebeti lagep andi re, yenggerugwi inendawimo ebetarek hak ebeti logogup. We, omalik ket tago mene nen weak hilingitu inonggot welagaikharek hak logolik, hinendawinggen inalue inendawinggen hangge wurikhogo logoino.

ULANGAN 28:49

Afuni inunggulenu hiren ogo inane futfou elo'lek mene At hineisena Tuhan nen o kweang wurep fikhit andoma nen hit hinom weim yabuageluk lakfisa wesigin, waga logolik sue kuri nen hilingiterek hak sebelhinabi wesugun.

WAHYU 4:6

Nen, at kain welagarek obuluk a'nogo elokhoma re, ekhe inafumak i laut yenggelek eil hangge habul-habalenggeti laga. A'nogo were'ma, at kain welagarek oba obuluk tulem were'ma, abel fena-fena re, it Allah nen elalinafikhemo ineluk welagaikharek mene ekhe inebe enggaminogo mene ineilenggen inelokhe kwe inambotkwe werek mene nek welagaikha.

WAHYU 6:3

Nen, silo fagarek andi hak, suesingga uan meneba amusu te'merogo fesikhe mene a'nogo mene, at Domba Eak a'nogo nen ekhe attak fikhalhesigen, ombo'ne ekhe fikhalhunem he, it Allah nen elalinafikhemo ineluk welagaikharek mene omanogo ekhe attak ane isikhemo nen ombo'ne ekhe ikhi logolik: ”Eme o,” iluk ugunem holhi.

WAHYU 6:5

Nen, silo fagarek andi hak, suesingga uan meneba amusu te'merogo fesikhe mene a'nogo, Domba Eak a'nogo nen pireba fikhalhesigen ekhe fikhalhunem he, it Allah nen elalinafikhemo ineluk welagaikharek mene omanogo, inebe pire arat inane agasi'mo nen, ekheba re, ”Eme o,” iluk ugunem holhirik, yethigi hak he, wam kuda esi muli mene ekhe lagunem yethigi. Nen, ap ekhe enggin walhugungge enggimo waluk wam andi amboroba hurek nugunem yethigi o.

WAHYU 6:7

Nen, silo fagarek andi hak, suesingga uan meneba amusu te'merogo fesukwa mene a'nogo, Domba Eak a'nogo nen, enggi henagan oba arat fikhalhesigen, ekhe fikhalhunem he, it Allah nen elalinafikhemo ineluk welagaikharek mene omanogo inebe henagan menere inane arat agasi'mo nen, ekheba re, ”Eme o,” iluk ugunem nesanggo holhi.