WAHYU 4:1 - Allah Wene Fano Wene Hupla Inane

¹ A'nogo yaganetunem higirik oba nen ombo'ne re, nabikanggo ekhe yi'nogo yethigi. Pogoroba re, kwe ekhe hurik were'ma, at attak ane pinggong ane hokho meneba yaganetunem nesanggo holhi mene a'nogo nen hobuk mel yaganete: ”Wene ya logombigen hobuk hilinglasigin mene heilenggen yethanogeluk, yagahesigen he, lagai me o,” iluk yaganete.

WAHYU 4:1 ပူးပေါင်းရင်းမြစ်များ

KELUARAN 1:1

At Yakub enu ekhe Israel ikhi lagaukwa mene a'nogo againafuri inebe lombok inagainafuri inom o Mesir lagaukwa. At Yakub againafuri andi inenu re: Ruben, Simeon, Lewi, Yehuda, Isakhar, Zebulon, Benyamin, Dan, Naftali, Gad, Asyer inom wulibi lagaukwa.

KELUARAN 19:24

Yagatikhemo, at nineisena Tuhan nen he, ”Hat hambotkwe pin o. Pimbik he, Harun hemberek lagai we'no. A'nogo meneat he, ap An nebe eisewerek mene inom, afuni mondogat inom, huli warek mene andi afane An noba lagai wesugun mondok lego. Huli warek mene afane lagai wagaikha halok, unggum inoba fagain o,” iluk yagatikhe.

KELUARAN 24:12

Hobuk At Tuhan nen Musa mel yagatikhe: ”An noba tom oba lagaime o. Lagai wagunem yoma nen he, wene komothinafi mene mondogat helep ebe pireba lisu palhi mene yi afuni Israel mene yagaisanogen wokhesigin o,” iluk yagatikhe.

AMSAL 25:7

Hit yagahisikhi logolik hat hobali'mo ap ineabu lego mene ekhe logouwak iluk yagaisagarek andi re weak hak oba nen, heabu ambolkwe lego meneba ekhe lagain iluk liak fisagarek andi nek he mondok fano.

YEHEZKIEL 1:1

Nit afuni Yahudi mene nen tahun inom, tugi inom, ninenggi wenatorek higithogo, 30 tahun andiba, nen tugi 4 ogorek andiba mene tanggal 5 ba re, ap enupogot Yoyakhin enggi hele warogo waluk o Babel wagaukwasik oba nen, tahun 4 en welagagusik, tahun ekhe 5 mene were'ma re, an Busi amlogo nenu Yehezkiel Allah eisewerek mene, afuni Yahudi mene ekhe inenggi hele warogo woginarek wagaukwa mene ninom, o Babel i Kebat esanggoma andoma welagagi. A'nogo were'ma, nenggi ekhe sambul nafe morogo were'ma nen aremnogoat pogot healhunem he, nabikanggoba Allah ebe liakhasigi. A'nogo liakhugunemen he, Tuhan ane an noba ugunem holhigi, nen At ebe werek mene a'nogo omame were'ma hasigi.

MATIUS 3:16

ima pelakfesikhemo re, yegelogo lagai wesigin ha'ma re, pogot healogo Allah Areagun sue pel hangge oba labok i pi wagunem eilenggen hasikhe.

MARKUS 1:10

Ima pelafikhemo aik oba wulibi wesigin ha'ma re, Allah Areagun pogot healogo sue pel hangge ot oba labok i pi wagunem eilenggen hasikhe.

LUKAS 3:21

At Yohanes nen afuni mondogat ima pelaginafi logolik he, at Yesus ima pelakfesikheat. Ima pelakfesikhemo, at Yesus ebe nen samban ugu kwelek he, pogot healogo,

YOHANES 16:13

A'nogo meneat he, Allah Areagun, ebe wene ikherek mene andi wesimbik he, kwe inonggotma inelu mene nen yagaisagarek andi hak, ebe wene mondogat futfobagaigen iluk yagahisikhi logogin o. A'nogo yagahisikhi logogin andi re, wene at endawimo nen wenggelogo ikhi logogin lego. We, at esanggo holherek mene nek ikhi logolik he, hobuk hilinglasigin mene yagahisikhi logogin aro.

KISAH PARA RASUL 10:11

Pogot healogo re, su kain hangge wurilik mene unggut 4 en hilingik engge porogo kweangma pelakfei wagunem eilenggen hasikhe.

KISAH PARA RASUL 7:56

Eilenggen liagisasikhesik aren he: ”Yethani! Pogot healagama re, at abat ta'lasi wagaikhe mene a'nogo, Allah era'lu emberek mendek were'ma neilenggen liagisigi o,” iluk yagaisasikhe.

WAHYU 1:10

A'nogo were'ma, o ninoe Enupogot awi wei ikhemo re, Allah Areagun noba louk ikhemo, nambotma nen at ekhe ane pinggong hokho mene ane hangge oba mel yaganetunem nesanggo holhi:

WAHYU 1:12

A'nogo yaganetemo, ”Ane andi sa nen yaganeri'logo,” iluk nambotkwe neilenggen hebekhogo yethigi hak he, esage ibilharek mene ebe 7 nen eisok telik emas mene hilingitarek mene were'ma higi o.

WAHYU 1:19

An a'nogo welagi andi nen he, heilenggen hegen mene yi wene ti wene yogondak ya hilinglari'logo mene inom, hobuk hilinglasigin mene inom, mondogat lisu palin o.

WAHYU 11:12

A'nogo inailo asimbik werek kwelek, pogoroba nen ane hokhorogo it ap pire wene yagaisikhi logogun mene a'nogo mel yagaisagain: ”Lagai we'ni o,” iluk yagaisugunem, it ap a'nogo inom weak mene omanogo ineilenggen yerinarek werek kwelek pogoroba ohena anggele'ma lagagunem, isigi o.

WAHYU 11:19

A'nogo ugunem isigirik yethigi hak he, pogoroba Allah awi wuri'mo kwe hu'lagunem he, Allah nen wene komotninafikhe wene lisu palek peti elonggoma kwalek welagaikhe a'nogo weinam aga. A'nogo weinam agunem he, eilabut hobugalep yararethigik, unggunggu ane pak ilugen ane lulu lagik, lugul lang-fanget higik, meiso sogonggen hokho mene pelafik ninggik ugunem yethigi o.

WAHYU 16:17

A'nogo higiri'mo nen, ombo'ne re, at malaikat mene sabit mene a'nogo nen, Allah a'mage i hak hinago a'nogo mene ekhe kweisalogo pogot abel manggwe ohena obali'mo pelafunem he, Allah awi wuri'mo at kain welagarek obuluk oba nen ane hokhorogo mel ikhe: ”Arat wurep kobokhogo hilinglaga o,” iluk ikhe.

WAHYU 19:11

Wene a'nogo yaganetesi'mo nen ombo'ne re, pogot healagunem wam enu kuda esi kut mene amboroba, ap ekhe enu re Hombunhogo igik. at ekhe re Eberogoat igik, agarek mene, hurek logolik, weim higithogo yafik, wene higithogo inoba figik, kotik, ilik nugunem yethigi o.

WAHYU 22:6

A'nogo isigirik were'ma, at malaikat a'nogo nen hobuk yaganeti logolik: ”Yi wene ti wene hilinglagunem yethilik wagen andi re, afuni nen, Wene andi eberogoat, iluk futfogoin mene o. Wene andi re, eil misigat welagi'lek weak-weagat hilinglasigin mene o. A'nogo menere, nineisena Enupogot Allah Areagun it ap at ane yagaisagarek mene wogisikherek mene a'nogo nen, an malaikat en, at amingmingengge mene yagaisoageluk laknobagai wagama wagi o,” iluk yaganete.