WAHYU 3:2 - Allah Wene Fano Wene Hupla Inane

² An nen hit hinobabut palhi lagi re, neisena Allah eilhanem fano katokhogo hilingiti lagep lek. We, horogat wa'lasugun hinendawinggen pasalouk welagep andem obaat, siakhogo menla'luk he, hinenggisok hambuget akhaluk, hinomame a'no o.

WAHYU 3:2 ပူးပေါင်းရင်းမြစ်များ

1RAJA-RAJA 11:4

at ebe yaman agaikhemo re it agagwi omanogo nen endawinggen kagalogo kembu ilah omanogo fogerati lagaikhe. Salomo eisena Daud he Tuhan Allahba endawinggen tipsek welagaikhe, oba nen he at amlogo Salomo re eisena higit welagaikhe lek.

1RAJA-RAJA 15:3

At Abiam en at eisena nen weak hilingiti lagaikhe hak he aren ogo weak enek hilingiti lagaikhe. At ambu hun raja Daud andi re amurogo hilingiti lagaikheba nen, athe, Tuhan Allahba tiphogo welagi'legengge hilingiti lagaikhe.

2 TAWARIKH 25:2

At Amazia nen he Tuhan endawimo anggikherek mene nek hilingiti lagaikheba nen he, we endawimo eberogo mene hakhogo hilingiti lagaikhe lek.

AYUB 16:5

Nawene komo mene yi'nogo ino, ti'nogo ino, iluk yagahisuguba re hit hinendawimo hambuget hinobagagik, hinendawimo konogo hilinghinobagagik, hilingiti logoile aro.

YESAYA 35:3

Hineggi omame lek mene re hambuget hani, nen eisok leigeti lagep mene re wuriget feni.

YESAYA 56:10

Tuhan nen ikhi logolik, ”An nunggulenu mene inogogwi kaindek ferinarek mene andoma re, ap ineilenggen humunik mene werek! It he, yi'nogo ti'nogo mondogat inonggot. Iren he mene ane hobul warek mene nen helaik eti'legengge nogoba nek hilingiti logolik abi wokhugu welagarek a'nogo hangge werek. It he nogo nek ikhi logolik werek mene andi nek inagaiyek mondok werek.

YESAYA 57:12

Andiba re An nen yagaisikhi logolik, ”Hiren nit pugunsek welago iluk hilingiti lagep andoma re, we elalin aro, nen hit hinobabut hilingiti lagep andomaba, hit lebethinabigin mene ekhe werek lek.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

DANIEL 5:27

Nen, enggin walhigik iluk palek andi re, noe haren hilingiti lagen mene faget wil-wal hikhe mene re haren hilingiti lagen mene andoma re mondok elo'lekhogo nek were'ma hikhe.

ZAKHARIA 11:16

Andi re, An nen ap misik ekhe gembala a'luk An nanggo domba esa logalek mene andoma tegelinafi logouwageluk heragaisogo fagain o, oba nen he domba longgoikhi logogin mene omanogo re futfikhi logogin lek. Aren he, domba longgoluk werek mene omanogo herati'lek, nen, domba oumo werek mene omanogo fano asuageluk lebethigi'lek, nen, domba ineluk werek mene omanogo nunggu mene wogisigik ikhi logogin lek. We aren he, domba asei hokho mene andoma eino ninggi logolik he ineisok a'lip omanogo wokhigik helikhi logogin.

MATIUS 23:5

Iren ekhe mene ekhe mene hilingiri'lagwi andi mondogat he, ”Afuni nen ineil nisoageluk inendawimo anggikhi logolik hilingiri'lagwi o. Iren he, samban ikhi lagi,” iluk, Allah ane suesinggaba lisu palogo inelhaba homatarek a'nogo, iren hokhorogo homatik, su endakwe mene hunogoat labetarek a'nogo, iren su ogo'lu uanhogo igisogo labetik,

MATIUS 25:13

Yesus nen a'nogo yagaisasikhesik he, ”Andi hak, an wesigin andi, hiren, o yi sambul, jam yiba wesigin iluk, hinonggot andi nen he, nenangotnarek logolik hinebe hebelogo logoino o,” iluk yagaisasikhe.

MATIUS 25:7

it helimenggerugwi omanogo ineluk agaukwasik he, lampu fanorogo halfesukwasik ibilik lagaukwa.

KISAH PARA RASUL 18:23

O Antiokhia wagaikhesik welagaikhesigen he, hobuk o propinsi Galatia inom, Frigia inom, waga logolik andoma it afuni Yesus ane wanhukwa mene inendawinggen ago watfisilik nikhi lagaikhe.

ULANGAN 3:28

O hat heilenggen yethagain oba andoma sebeli kuagen he at Yosua nen woginarek kwi lagain enggere, yi'nogo ti'nogo hilingiti logogin iluk at oba fifurogo yanggul figik, endawinggen hambuget figik, hilingi'no,’ iluk yaganetikhe.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

1 PETRUS 5:8

At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.

WAHYU 16:15

A'nogo lagaikhasi'mo nen, at Yesus nen mel yaganete: ”Hesanggo holin o. Afuni yogot wanuogeluk hinagaisogo wagaikharek andi hak, an a'nogoat wesigin o. A'nogo wagunem, afuni inalfulukwa were'ma inenggali agarek andi hak, hit a'nogoat hinenggali asinogo iluk hinasu weak-weak ikhouwogeluk tegelogo fuluk logogun halok he, Allah nen fanothinafunem hinendawimo hinagaiyek asugun o,” iluk yaganetunem holhi.

WAHYU 2:4

A'nogo meneat he, omanggum hinendawinggen an noba hundik welagagip andi hak, yogondak a'nogo welagep lek andi nek he, weak hilingiri'lagwi, iluk hinobabut palhi lagi o.

WAHYU 3:1

A'nogo yaganetesik hobuk yaganeti logolik: ”Allah Areagun ebe katoksek mondok iluk, 7 nen a'nogo eise welagik, hesagal ebe 7 nenat a'nogo nenggim fisogo welagik, igirek mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Sardis andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palin: Hit o Sardis mene afuni nen hinabok ikhi logolik, it ineluk werek, iluk, ili'lagwi meneat he, hinebe warek hangge logolik hinobabut hilingiti lagep mene andi an nelu o.

WAHYU 3:3

Hit a'nogo siakhogo menla'luk hinomame agi'lek halok he, afuni yogot wanuogeluk hinagaisogo wagaikharek andi hak, an a'nogoat, hiren, At yi sambul wesigin iluk, hinonggotma wesinogo iluk he, wene omanggum yagahisasukwama hinesanggo holhigip mene hinendawimo ebetfuluk he, weak hilingiti lagep mene fakhogo herakfisaluk hinobabut hebelasimbik, wene andiat hinenggi ninghogo fisogo logoino o.