WAHYU 3:10 - Allah Wene Fano Wene Hupla Inane

¹⁰ A'nogo fisa wesigin andi re, an nen, hinafe morogo logoino o, iluk yagahisasigi mene andi, nane hologo higithogo hilingiti lagep andi nen, o hobuk Allah nen afuni kweangma yoma welagaikharek mene mondogat yi enggin ti enggin inoba fagain sambul andi fugu kwelek, hit enek he, an nen nawe a'ma fano fethinarek logogin o.

WAHYU 3:10 ပူးပေါင်းရင်းမြစ်များ

YESAYA 24:17

Hit kweangma welagep mene mondogaren hinesanggo holini o! Elema ke'nok ugun mene inom, yebet lasugun mene inom, hinoak leigesugun mene inomen nenangot hinafu werek.

DANIEL 12:10

Wene yi nen afuni hokhorogo inobabut palhik, inendawinggen wurigabinafik inebe horogo fisigik ikhi logogin o. Afuni weak mondok hilingiti logogun mene re weak meneat hilingitu logogun, we it inendawinggen wenggelek mene nek he ebe ti'nogo faget iluk fut fogoin.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

MATIUS 24:14

Nen, Allah nen awe a'ma inobagagin wene fano wene yi, yi afuni ti afuni mondok inelu asuageluk o yi awi ti awi fakhogo yagaisilik lagep halok he, o wurep oba arat hilinglasigin o,” iluk yagaisasikhe.

MATIUS 26:41

Weak hilingisuageluk hinendawimo kagali wesinogo iluk, hinebe hebelogo logolik he, sambanat ikhi logoni o. Hinendawimo nen elok hilingisigin iluk anggikhi lagep meneat he, hinebe nen a'nogo hilingisugun he, elo'lego,” iluk yagaisasikhesik he,

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

MARKUS 14:9

Nane eberogoat yagahisak. He yi oba eberek logouwageluk he, afuni nen wene fano wene a'nogo o yi awi ti awi yagaisilik nikhi logolik he: He andi nen yi'nogo hilingitikhe, iluk abok fano ikhi logogun,” iluk yagaisasikhe.

LUKAS 2:1

Andem higit he, ap kain Kaisar Agustus andi nen afuni o yi awi ti awi inenu lisu paluageluk wene yonggo wulakfisasikhe.

YOHANES 17:6

Afuni kweangma mene haren attagat wo'netigin mene nek mondogat, hat hebe inelu asuageluk yagaisigi o. It inebe hat mene an wo'netenma andi nen he, iren hat hane hologo hilingitarego.

ROMA 1:8

Nerugwi, nagaila'lak. Wene ebe yagahisagen he, ekhe yi tak yagahisak. Afuni o yi awi ti awi a'lima nen, hit mondogat hinabok fano ikhi logolik he: ”It afuni Roma mene inendawinggen Yesus oba himbiret fuluk welagaikharego,” iluk agarek andi nen, Yesus Kristus yaga'luk enek, ”Neisena Allah,” iluk hai wati lagi.

1 KORINTUS 10:13

Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.

EFESUS 6:13

Halok he, weak mene nen weagethinabi wagunem weim hinoba harorogo mendegat logolik yabuogeluk, sing itarek andi hak Allah nen ekhe mene-ekhe mene wo'nisikherek andi mene i'no o.

2 TIMOTIUS 2:12

Nit ninafe morogo logogun halok, afuni At awe a'ma kuluk logogun mene andi, nit ninomenat ferinarek logogun o. Niren he, ”Yesus ninoe lego,” iluk, At ebe mondok herakfisogo halok, Aren he, ”It an nagoromi legaro,” iluk, herakninobagagin aro.

YAKOBUS 3:12

Nerugwi nagaila'lak. Werama ero mene ebe saik isu hak nogo? Nen, saik ero mene ebe werama isu hak nogo? Andi hanggeat he, i eluge agai elesimo nen, i we mene ekhe wulibu hak nogo? Mondok elo'legaro.

1 PETRUS 4:12

Nerugwi nagaila'lak. Hinebe nendawi e. Endu aik hagarek andi hak, Allah nen he, hinobabut paligeluk yi enggin ti enggin hinoba agunem, hinendawimo nen he, ”Yi hunogoat hogorek lek mene ninoba ari'logo,” iluk anggagubo.

2 PETRUS 2:9

A'nogo meneat he, afuni ekhe Allah amolo mene hilingitunem inendawimo kagaligeluk wagunem, nineisena Allah Enupogoren telinafik, nen it ekhe weak hilingiri'lagwi mene halok, wene hobuk inoba feigeluk ferinarek welagik, a'nogo hilingisigin elu logoligat elok hilingisigin o.

WAHYU 1:9

An hinerei hinagailak Yohanes ninom ninebe Yesus agoromi misigat mene, yi enggin ti enggin hilingninafu kwelek, ninendawimo nen he, ”Hobuk at Allah nen awe a'ma ninobagagin,” iluk ninafe morogo welagorek andi. Were'ma, Allah ane Yesus nen fakhogo yaganisasikhe wene a'nogo an nen yagaisilik nigirek andi nen, nenggi hele warogo i enggenma o enu Patmos kwelaknobagai wagaikhama welagi o.

WAHYU 11:10

A'nogo werek kwelek, afuni kweangma mene inebe mondogaren ikhi logolik he, ”It ap pire wene yaganisikhi lagaikha mene yi nen, yi enggin ti enggin hokhorogo ninoba fikhi lagaikha mene a'nogo inebe fanoat inoata,” iluk inendawimo agaiyek hokhorogo anggikhi logolik, pesta hilingitik, yi mene ti mene onggo lek it ekhe nen ekhe wogisigik, wok-wok ikhi logogun.

WAHYU 13:14

A'nogo ekhe hilingiti laga andi, at mene olomene hangge hokho attak mene a'nogo nen, elalin mene at eilhanem hilingiti logouwageluk eisewerek fikhe mene a'nogo ebe hilingiti logolik, afuni kweangma welagaikharek mene eranenat lalinafi laga. A'nogo lalinafi logolik, it afuni omanogo nen, mene olo mene hangge hokho karok oba watukwama ebe wa'lasu hak mene ambotkwe fano agaikhe mene a'nogo ebe hangge hilingisogo ilirengge ekhe wusuageluk yagaisasikhemo ebe wutama yethigi.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.

WAHYU 14:12

Wene yi faget esin hilingisugun he, Allah againafuri at ane hologo higithogo hilingiti logolik, hinendawinggen eberogoat Yesus oba himbirik welagep mene andi, hinafe morogo logogun o.

WAHYU 14:6

A'nogo higiri'mo nen, ombo'ne re, at malaikat ekhe wene fano wene mondok logogin mene afuni kweangma mene inunggulenu lombok, inane lombok, inagap lombok, inaiba lombok, yagaisilik pogot ebene tarogo nugunem yethigi

WAHYU 16:14

Munggwarengge andi inebe re, Iblis agoromi mene afuni inoba louk i wagunem hilingisu lek mene elalin hilingitarek mene a'nogo aro. It a'nogo wulibi wagaikhasik he, Allah omame hokho yi mene ti mene hilingisu higit enek a'nogo awi wei igin andiba weim inom yabuogeluk, ap inenupogot yi awi ti awi andogerinabuogeluk, weim yonggo laga lagaikha isigi.

WAHYU 17:8

Mene olomene hangge hegen andi attak welagaikhe meneat he, yogondak elokhe lek hegen andi re, kweang a'ma nen lagai wesigin o. Lagai waga halok, Allah nen alomat fagain o. Nen, Allah nen kweang pogot oan elalhi'lek logolik, suesingga it afuni ineluk mondok logouwageluk fanorinabigin mene halok inenu lisu palek andiba, it ekhe inenu lisu palek lek mene nen, mene olomene hangge andi ineilenggen hasukwasik, iren he, mene olomene hangge yi, attak welagaikhesigen, elokhe lek agaikhe meneat he, hobuk weinam aga yi, nailo e, iluk fogerasugun o.

WAHYU 2:10

At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.

WAHYU 3:8

Yethani! Hit hinobabut hilingiti lagep he, hinomame mondok endebat meneat he, an nane hologo higithogo hilingitik, nabok labelhi'lek fakhogo yagaisigik, ikhi lagep andi an nelumo re, hit faget he, kwe afuni ekhe nen yagasugun mondok elo'lek mene hurogo hinobagagi o.

WAHYU 6:10

It a'nogo logolik, inane hokhorogo mel ugunem holhi: ”Nineisena Allah homame hokho tegelek mondok logolik, higithogo nek hilingitendek mene nineisena. Henggi miren logombigen afuni kweangma mene nen nit ninoatukwa a'nogo ninunggulmo wene inoba fembik inoasigin nogo?” iluk yagati lagaikhama,

WAHYU 8:13

A'nogo ikhesi'mo nen, hobuk yethigi hak he, sue pim hangge mene pogot halianggen oba ogolabi langhogo tarogo nikhi logolik, ane hokhorogo mel ikhi laga: ”Malaikat inebe enggaminogo inambinggong anet hagasi'mo nen, hobuk malaikat inebe henagan mene nen inambinggong anet hugunem, afuni mondogat kweangma welagaikharek mene, mondok weagerinabigin andi re, Eige! Nailo e! Nendawilage!” iluk ilik nugunem nesanggo holhi o.