WAHYU 22:21 - Allah Wene Fano Wene Hupla Inane

²¹ Nen, hit Allah againafuri o yi awi ti awi andogoti lagep mene mondogat, nerugwi, nagaila'lak. Ninoe Yesus obabut fano a'nogo nen fethinarek logouwago.

WAHYU 22:21 ပူးပေါင်းရင်းမြစ်များ

ROMA 1:7

Hinebe At onggwarek faget fakhaluk logouwageluk hinayonggo fesikhemo welagebo. Andi halok, an nen wene lisu palogo hinoba lakfei waga logolik, Nineisena Allah inom, ninoe Enupogot Yesus Kristus inom, emberek inobabut fano a'nogo nen fano mene wokhisigik, hinendawinggen hambugethinafik ikhi logouwago, igi andi.

ROMA 16:20

At Allah afuni inendawinggen hambuget fikherek mene a'nogo nen, at Iblis andi hineisogen alperelogo herakfisoageluk weak-weagat hinawe a'ma fei wesigin werego. Ninoe Enupogot Yesus Kristus obabut fano a'nogo nen kwelakhinarek logouwago.

ROMA 16:23

At Kayus nen an nebe wo'nafik, Allah againafuri mondogat at aiba andogoti logouwagen woginafik, ikhe mene andi nen hai wathinafe aro. At Erastus o kota yoma faget uang fisugunem fisogo welagarek mene andi nen hai wathinafe aro. Nen, ninagailak Kwartus nen hai wathinafe aro.”

2 TESALONIKA 3:18

Ninoe Enupogot Yesus Kristus obabut fano a'nogo nen, hit mondogat fanorogo fethinarek logouwago.

WAHYU 1:2

A'nogo yaganetemo, Allah ane andi Yesus Kristus nen abok yaganetunem wene mondogat an neilenggen higi mene andi abok fakhogo lisu palogo figi andi o.

WAHYU 1:4

An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.

WAHYU 22:7

A'nogo yaganetunem at Yesus nen he, mel yaganete: ”Yethan! An weak-weak wesigin o. A'nogo wagunem sa nen yi wene ti wene lisu palek mene yi esanggo hologo higithogo hilingiti logogin halok, Allah nen fanot fugunem endawimo agaiyek asigin o,” iluk yaganete.