WAHYU 22:16 - Allah Wene Fano Wene Hupla Inane16 A'nogo yaganetesik, at Yesus nenat hobuk yaganeti logolik he, ”Yi wene ti wene yi abok, an nagot malaikat en hit nagainafuri o yi awi ti awi andogoti lagep mene mondogat yagahisoageluk hinoba lakfei wagi andi re, an Yesus nen aro. Nen, e asimit fulelherek andi hak, ap Daud en tagongge mene a'nogo re, an nebe aro. Nen, hesagal wap o mo yegelogo lagai wagarek higiren, liabi wagarek mene amulit hokho a'nogo re, an aro,” iluk yaganete. အခန်းကိုကြည့်ပါ။ |
WAHYU 22:16
30 ပူးပေါင်းရင်းမြစ်များ
Raja Babel mene yi re, attak hat hebe re hesagal wab o weigiluk ugu kwelek tilelherek a'nogo hanggge welagagin, meneat he yogondak he pogoroba nen halokhogo kweangma mondogat pi wagen! Attak haren ap inunggulenu lombok omanogo sebelogo fisikhi lagagin oba nen, yogondak he hat hebe kweangma hambokhogo pelakhabi wagaikha andi.
A'nogo hilingfembik he at yagati logolik, An Tuhan Nomame Mondok Hokho welagirek mene a'nogo nen ikhi logolik, ’Ap enu Asimit ikhi logogun mene andi nen he at ebe logogin huli andoma yi'nogo ti'nogo hilingiti logogin mene ambisangma fanorogo nek hilinglaga logogin o, nen aren he o Tuhan Awi a'nogo nekhengge wusigin.
An at ebe neilenggen higi meneat he, o yogondak hilinglasigin mene faget higi fuk. An at ebe neilenggen yethigi meneat he, yatma nen yethigi o. At ap ebe kain enupogot ekhe Israel mene, ebe hesagal eil tibelengge mene hangge hobuk wesigin o. Wesimbik he, afuni o Moab mene inogogwi kaindek mondok wulil tagalogo inoatik, afuni inunggulenu Set mene wulil tagalogo legetfisigik, igin o.
Wagaukwasik, iren he, mel isukwa: ”Afuni Yahudi mene inoe raja kain mene ta'lagasik werek a'naga, o ki ta'lagasik werek. Nit o mo yegelogo lagai wagare'ma andoma were'ma, ap kain andi ta'lagama iluk, hesagal ekhe weinam agama re, at andi ninendawinggen oba himbiret fuluk fogerasuogeluk hesagal andi nineilenggen nen waluk heinok wani wago,” iluk isukwa.
Nen, ekhe re, at Yesaya nen he, mel iluk lisu palogo fesikheat: ”E mutarek mene andimiba nen asimit lagaikherek hak, at Isai nen tagongge mene ekhe weinam asigin. Weinam agunem he, it afuni endakwe mene at awe a'ma logolik, aren fano'ninabigin, iluk at oba eberek logogun o,” iluk lisu palogo fesikhe.
Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.
A'nogo holhugu andi nenat, Ninendawimo nen he, ”It ap Allah ane yagaisikhi lagaukwa mene nen isukwa mene andi eberogoat,” iluk attak endebat hak anggikhi lagagu mene, hobuk ninesanggo holhugu andiba nen, mondok furogo futfesugu andi. Halok he, o mumat were'ma, afuni nen esage ibilogo fugunem, selekhogo mondok welagaikharek andi hak, wene andi hinendawinggenma eberogo mondok wanhi logoino. A'nogo wanhu were'ma, hobuk o mum mene wei ugu kwelek, hesagal wap liabi wagarek andi hak, at Kristus hinendawinggenma selegethinabi wesigino.
Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.
An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.
Wene yagaisigi andi Allah Areagun en, Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin halok he, it ekhe wa'la'luk hobuk mondok-mondok wa'lasugun mene andi, inom weagerinabigin lego, iluk wene mondogat yagaisigi mene andi lisu palogo inoba lakfeino o,” iluk yaganete.
Wene yagaisigi andi, Allah Areagun en it Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin mene halok, sumburu enu manna hinago mene melagatik, enu ket mene salogo helep mola meneba lisu palogo wogetik, igin o. Enu palek andi re, it ekhe inonggot. We, at enu lisu palek helagain mene andi nek elu asigin mene wogosigin, iluk mondogat yagaisigi mene andi, lisu palogo inoba lakfeino o,” iluk yaganete.
Wene igi mene andi, at Allah Areagun en Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. At sa nen omame asigin halok he, Allah eabumo enggen inelugerinaferek mene noageluk wogosigin o, iluk wene mondogat yagaisigi mene andi, lisu palogo inoba lakfeino o,” iluk yaganete.
Yagaisugunem sa nen obabut weak enek hilingiti logogin anggikhe halok he, weak enek hilingirikhi logouwago. Nen, sa nen weak inabit mene nek hilingiti logogin anggikhe halok he, andi meneat hilingirikhi logouwago. Nen, sa nen Allah endawimo anggikherek mene nek hilingiti logogin anggikhe halok he, andiat hilingiti logouwago. Nen, sa nen ebe Allah faget fisaluk logogin anggikhe halok he, ebe Allah fagerat tegelogo fisaluk logouwago,” iluk yaganete.
A'nogo isigirik were'ma, at malaikat a'nogo nen hobuk yaganeti logolik: ”Yi wene ti wene hilinglagunem yethilik wagen andi re, afuni nen, Wene andi eberogoat, iluk futfogoin mene o. Wene andi re, eil misigat welagi'lek weak-weagat hilinglasigin mene o. A'nogo menere, nineisena Enupogot Allah Areagun it ap at ane yagaisagarek mene wogisikherek mene a'nogo nen, an malaikat en, at amingmingengge mene yagaisoageluk laknobagai wagama wagi o,” iluk yaganete.
A'nogo le agunem he, ap inaluendek omanogo mene ekhe nen he, ”Le agu lego. E asimit fulelherek andi hak, ap Daud en tagongge mene unggulenu Yehuda mene ta'lagaikhesigen, ebe mene olomene hangge enu singa a'nogo arat omame agasik eisewerek agasi'mo re, suesingga uan meneba lisu palek yinggilik andi, it ekhe ineilenggen yethanogo iluk silo 7 nen werek a'nogo elok fikhaligin o,” iluk yaganete.
ကြော်ငြာတွေ