WAHYU 22:14 - Allah Wene Fano Wene Hupla Inane

¹⁴ Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.

WAHYU 22:14 ပူးပေါင်းရင်းမြစ်များ

KEJADIAN 2:9

A'nogo fesikhesik he, e yi agayo ti agayo mondok fano mene enggen iti logogin mene mondogat fulelfesikhe. A'nogo fulelfesikhemo, e andoma enggen tulem he, e enggen nunggunem inebe inelugerinaferek mene fulelhik, e ekhe enggen nunggunem yi wene ti wene fano wene inelu agik, weak wene inelu agik, ikherek mene fulelhik, isikhe.

KEJADIAN 3:22

At nineisena Tuhan Allah nen a'nogo labetfisasikhesik, mel isikhe: ”Yogondak afuni a'nogo nit ninebe higit agaikhasik, wene weak wene fano wene inelu agaikha. A'nogo agaikhasik, e enggen nunggunem inebe inelugerinaferek mene yi palogo ninggi logolik, inebe ineluk mondok logogun andi nabit,” iluk isikhe.

MAZMUR 112:1

It afuni wene melalek futfuluk hilingitik, Tuhan awene melalek inamolorogo hilingitik, hilingitarek mene andoma re inagaiyek hikhi logouwak.

MAZMUR 118:20

Kwe sou ambe palek yi Allah mene o. It afuni higithogo hilingitarek mene nek he, kwe yiba elok kwi wesugun.

KELUARAN 19:10

Hat yogondak he, it inoba pin o. Pimbik he, it An fogetnabuogeluk o yogondak inom, ohealek inom, tegelogo fakhambik logouwagen yagaisano. Tegelogo filik logolik, inasu fanorogo sobalogo fakhambik logouwak.

DANIEL 12:12

Nen, it ekhe tiphogo hilingitu mondok werek kwelek inenggi 1.335 huli asi lagain mene andoma re inagaiyek anggikhi logouwak.

YOHANES 10:7

A'nogo futfigi'lek werek kwelek, hobuk at Yesus nen he, mel yagaisasikhe: ”Wene eberogoat ekhe yagahisak. Wene domba andi inanggwe re, an nebe aro.

YOHANES 10:9

Kwe re, An nebe aro. Ap sa nen, An nebeba kwikhe halok, ebe tegelek fano mondok logolik, wulifik kwigik ikhi logolik he, engga fano mene nek ninggi logogin o.

YOHANES 14:15

At Yesus nen wene a'nogo warisasikhesik he, wene ekhe mel yagaisasikhe: ”Hit an hinendawinggen hundik halok he, an nen hit yi'nogo hilingiti logoino, ti'nogo hilingiti logoino, iluk yagahisikhi lagi mene andi hilingiti logogun o.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 4:12

I yi nit ninomba kain Yakub en habulhikhesik, at ebe inom, againafuri inom, anggo inom, ninggi lagaukwasigen, nit hobuk ninggi logouwageluk wo'nisasikhe mene andi, hat hendawimo nen he, At ebe elo'lek hak. Nen, an enek he, nebe kain, anggegendigen egen a? iluk yagatikhe.

1 KORINTUS 7:19

Inagap inenggalimo mene a'nogo palek logogun inom, pale'lek logogun inom, andi esin fuk. Lego. Ebe esin he, Allah ane hologo hilingiti logogun andi aro.

1 KORINTUS 8:9

Hit hesangge nogoinat meneat he, nunggunem en, it afuni ekhe inendawinggen oan mene weak asinogo iluk he, hinebe hebelogo logoino.

1 KORINTUS 9:5

Nen, it ap ekhe Allah nen inayonggo fuluk lakfisa wagaikhe mene inom, ninoe Enupogot agoromi ombo'ne mene inom, at Petrus inom, inagagwi woginarek nikho andi hak, an enek he, nagwe Allah a'logo mene waluk nikhi logogin lek nogo?

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

1 YOHANES 3:3

Nit ninendawimo nen, ”A'nogo hilinglasugun,” iluk, oba eberek welagorek mene ninebe lombogen, at onggwarek ebe tegelek welagarek andi hak, nit a'nogoat tegelikhi logoguno.

1 YOHANES 5:3

Nit Allah nen ta'ninafe mene halok ninebe lombogen he, ”Allah ane andi eberogoat,” iluk ninendawinggen at oba himbiret fogorek andiba, it afuni kweangma mene inobabut inetogat logolik weak hilingitarek mene andi mabenetfisaluk ninomame agorek andi. A'nogo mabenetfisaluk ninomame agorek andi nen, wene Allah nen komotninafikhe wene andi enggin fuk, serego. Andi nen he, niren, ”Allah ebe ninendawi welago,” iluk u hak he, aren wene komotninafikhe wene andi hologo higithogo hilingiti logouwogo.

WAHYU 2:7

Wene igi mene andi, at Allah Areagun en Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. At sa nen omame asigin halok he, Allah eabumo enggen inelugerinaferek mene noageluk wogosigin o, iluk wene mondogat yagaisigi mene andi, lisu palogo inoba lakfeino o,” iluk yaganete.

WAHYU 21:12

Nen, leget pa'leget hokho uan wagane'ma re, kwe ambe 12 nen palek. Nen, kwe ambe palek ebe lombok oba re, afuni Israel mene inunggulenu 12 nenat lisu pale'ma re, it malaikat inebe 12 nenat kwe ambe bene lombok kagalek welagaikha.

WAHYU 21:27

A'nogo kwikhi logogun meneat he, afuni weak inabit mene hilingitik, ineranen wene igik, ikhi logolik inoba horinafi'lek mene re o andoma kwikhi logogun mondok le'ma higi. A'nogo meneat he, it ekhe ineluk mondok logouwageluk fanorinabigin mene halok inenu lisu palogo Domba Eak asuesinggaba fikhe mene nek o andoma kwikhi logogun higi o.

WAHYU 22:2

o kota andi, kwe ebekwe esanggo fena-fena lagaikharek oba were'ma, i a'nogo tulem lagare'ma higi. A'nogo lagu kwelek, i aik eliba, yiba, e awi yago were'ma higi. E andi enggen nunggunem inelugerinaferek mene a'nogo, tugi misigat oba enggen ekhe itik, tugi ekheba enggen ekhe itik, mo lagagik, pigik, ugu kwelek tahun misigat oba enggen huli 12 nen iterek mene welaga. Nen, enggaba re, yi afuni ti afuni inunggulenu lombok fanorinaferek mene higi.

WAHYU 22:7

A'nogo yaganetunem at Yesus nen he, mel yaganete: ”Yethan! An weak-weak wesigin o. A'nogo wagunem sa nen yi wene ti wene lisu palek mene yi esanggo hologo higithogo hilingiti logogin halok, Allah nen fanot fugunem endawimo agaiyek asigin o,” iluk yaganete.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.