WAHYU 22:10 - Allah Wene Fano Wene Hupla Inane

¹⁰ A'nogo yaganetesik, hobuk yaganeti logolik: ”Yi wene ti wene Allah nen ikhe mene yi weak-weagat hilinglasigin andi nen he, silo fagarek andi hak, afuni yagaisagain lek, iluk wene hendawimo asimbik kamo igi'lek yagaisikhi logoino o.

WAHYU 22:10 ပူးပေါင်းရင်းမြစ်များ

YESAYA 13:6

Tuhan Omame Mondok Hokho mene Awi leget fisagain sambul a'nogo arat horogasi wagama andi nen he le aga logoni.

YESAYA 8:16

Nagainafuri e, yanggulhinafi lagi mene andoma hinesanggo fanorogo holhi logoni. Nineisena Allah nen yi'nogo hilingi'no, ti'nogo hilingi'no iluk yaganisikhe mene andi ekhe pelakfigi'lek foukhogo fisogo logoino.

YEHEZKIEL 12:23

Andiba re, An Tuhan Lego Mondok welagirek mene a'nogo nen wene onggo ikhi lagi mene yi yagaisan o: Inane oba lirogo ili'lagwi andi re An nen leget fisamo re, Israel mene were'ma andoma nen inane andi mene ekhe ikhi logogun lek. Andi obali'mo re it inoba yi'nogoluk yagaisano, inenggi asigin oba andire arat asi waga, nen hobuk hilinglasigin iluk ili'lagwi mene andoma mondogat he tibigin enek.

DANIEL 12:4

A'nogo yaganetesik malaikat a'nogo nen ekhe yaganeti logolik, ”Daniel, buku fikhal higi'lek were'ma nek he o wurep kobok igin enggere, yogondak yinggilogo fuluk he amusu somuk amusu hangge meneba yugulogo te'merogo re enegenggerogo fein o. Afuni hokhorogo nen he yi'nogo ti'nogo agarek mene andoma faget fut fogoin iluk hilingiti logogun. Oba nen he, iren hilingiti logogun mene andi re we alomarogo hilingiti logogun o,” iluk yaganete.

DANIEL 12:9

A'nogo heinok wokhigimo re aren onggo yaganeti logolik, ”Daniel, wene yi re o wurep kobok igi'lek werek kwelek he etok mondok were'ma hinago logogin enggere hat he lan o.

DANIEL 8:26

Nen, yi mene ti mene warogo wogetu mene faget habikanggoba tindelogo yagahetunem hegen mene andi re ibi-eberogo asigin mene faget hegen. Oba nen andoma mondogat he hubuk erembul oba asigin mene oan yathogoat werek andi nen he it ekhe inoba tindelu fugo o,” iluk yaganete.

MATIUS 10:27

Nen, an nen hit o mum oba yagahisigi mene, hiren o selek oba ikhi logoino. Nen, hinesanggoma nane samik-samok yagahisigi mene andi, hiren o weinam oba lagaluk he hinane fakhogo yagaisikhi logoino o.

ROMA 13:11

A'nogo hilingiti logogun andi nenahalok. Andi re, nit attak ninendawinggen Allahba himbiret fesugu andem sambul he, o fanotninabigin sambul yatma welagaikhe. Mene re, yogondak he, horogat asi weri'logo andi nen he, hit nogo ikhi lagep andi, hineluk asugun higit aga andi, futfikhi lagebo.

ROMA 13:12

O hup welagosik wei igiluk werek andi nen, afuni o mum oba logolik hilingitarek mene andi herakfisouwogo. We, sikhe sige wanharesik inebe hebelogo welagaikharek hak, nit selek mene wanimbik hebelogo logouwok.

2 TESALONIKA 2:3

Afuni ekhe nen: ”Allah ninabit,” iluk, herakfisaluk wulipluk at obabut mondok weak mene hobuk Allah nen endumo lakfisagain mene a'nogo weinam agik, a'nogo tak hilingisugun andi nen he, it ekhe nen yi'nogo igik, ti'nogo igik, ikhi logolik, lalhinabugun he, nabit.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

WAHYU 1:11

”Hat heilenggen hagain mene andi, lisu palino o. Palogo re, it Allah againafuri 7 gereja nen andogotarek mene, o enu Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba lakfeino o,” iluk yaganete.

WAHYU 1:3

Wene andi mondogat he, weak-weak hilinglasigin andi nen he, it afuni ekhe wene lisu palek mene yi enu salugun mene inom, it ekhe inesanggo holimbik, wene andi hologo higithogo hilingiti logogun mene inom, Allah nen inebe fanorinafunem inendawimo inagaiyek hikhi logogun o.

WAHYU 10:4

Unggunggu ane a'nogo ugunem he, an lisu paligeluk igi meneat he, pogoroba nen mel yaganeta: ”Unggunggu ane 7 nen ugunem hesanggo holhen mene andi, lisu paligin lego. We, hendawimo kamo ino,” iluk yaganetama holhirik he, kamo igi.

WAHYU 22:16

A'nogo yaganetesik, at Yesus nenat hobuk yaganeti logolik he, ”Yi wene ti wene yi abok, an nagot malaikat en hit nagainafuri o yi awi ti awi andogoti lagep mene mondogat yagahisoageluk hinoba lakfei wagi andi re, an Yesus nen aro. Nen, e asimit fulelherek andi hak, ap Daud en tagongge mene a'nogo re, an nebe aro. Nen, hesagal wap o mo yegelogo lagai wagarek higiren, liabi wagarek mene amulit hokho a'nogo re, an aro,” iluk yaganete.

WAHYU 22:18

An Yohanes nen hit ekhe wene hobuk hilinglasigin wene an yaganete mene andi hinesanggo holugun mene hinebe lombok, wene ekhe yi yagahisak: ”Sa nen wene lisu palhi mene yi werek kwelegat, wene hunogo mene oba labelhe halok he, Allah nen afuni wene inoba fembik weagerinabigin iluk ikhe mene lisu palogo figi mene yi higithogoat, Allah nen at andi wene ekhe inom mangorogo oba fembik ebe weaget fagain aro.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.

WAHYU 22:7

A'nogo yaganetunem at Yesus nen he, mel yaganete: ”Yethan! An weak-weak wesigin o. A'nogo wagunem sa nen yi wene ti wene lisu palek mene yi esanggo hologo higithogo hilingiti logogin halok, Allah nen fanot fugunem endawimo agaiyek asigin o,” iluk yaganete.

WAHYU 22:9

A'nogo meneat he, aren mel yaganete: ”A'nogo fuk! An a'nogo fogetnabugun lego. An nebe re, hat inom hagaila'lak ekhe at Allah ane yagaisagarek mene inom, it ekhe inebe mondogat wene lisu palek yi inesanggo hologo higithogo hilingiti logogun mene inom, ninom higit, ninebe at Allah amingmingengge nek hilingi'mo re, hendawinggen at Allah oba eberogoat himbiret fuluk, at enek fogerasugun o,” iluk yaganete.

WAHYU 5:1

A'nogo hilingitunem neilenggen isigirik oba nen, ombo'ne re, at kain a'nogo ebe obuluk welagarek oba logolik, suesingga uan meneba lisu elonggoma inom endakwe inom palek mene yinggilik were'ma, ”It ekhe ineilenggen yethogoin lek,” iluk silo fagarek hak, amusu 7 ba te'merogo fesukwa mene enggimo fisogo were'ma neilenggen higi.